Aaniilonga yaatungi ya ya mekanka

JOHANNESBURG – Aaniilonga mboka taya tungu uupala moka tamu ka dhanenwa Ekopo lyUuyuni omumvo tagu ya, oya yi mekanka mEtitatu – shoka tashi vulika shika endithe kashona emanitho lyuupale mbuka.

Aaniilonga ye li 70 000 lwaampoka taya tungu uupale mbuka moshilongo ashihe oya egeke iilongitho sho oonkundathana dhi na sha neindilo lyawo kutya oondjambi nadhi gwedhele dha adha okwena kwa hula.Aaniilonga mbaka oya hala oondjambi dhawo dhi gwedhelwe noshimaliwa shoopelesenda 13, ihe Okampani ndjoka ye ya po iilonga oyi ilongekidha ashike okuya pa oopelesenda 10.4.Uupale wEkoipi lyUuyuni ongashi hoka ka Soccer City mu Johannesburg, Green Point Stadium mOkapa na Moses Mobhida Stadium mu Durban. Uupale mbuka ou na okukala wa pwa mu Desemba.Uudhano wEkopi lyUuyuni otau tameke ku June 2010. Lesiba Seshoka gwehangano lyAaniilonga yOmoomina okwa ti aaniilonga otaya tsikile nekanka sigo ya ningilwa shoka taya pula.- Nampa-AP