Namibia naye ota gamene Al-Bashir

NAMIBIA oku li shimwe shomiiilonga mbyoka yyAafrika mbyoka ya tindi osheetwapo shOmpangu yOpaigwana/Internationa Criminal Court (ICC), kutya Omupresidende gwa Sudan Omar Hassan Al-Bashir naye kOmpangu ndjika a ka pangulilwe. Iilongo yAaftrika mbika yi li 30 oya li ya tindi oshinima shika poshigongi shehangano lyEhangano lyUukumwe wAafrikla sha li mu Sirte sha Libya omasiku ngaka.

Otaku popiwa kutya Al-Bashir oku na mo sha nomadhipago gaakwashigwana kaakwwita ya Sudan moshitopolwa sha Darfur na Ompangu ndjika ya hala nee a ke shi pangulilwe. Botswana oye awike oshilongo shAafrika osho tashi popile eindilo lyOmpangu ndjika. Poshigongi shika, Ominista yIikwalondje ya Botswana, Phandu Skelemani, okwa li a halutha oshigongi shika kutya etokolo ndika olya thindilwa iilongo.’Poshigongi shika, kehe gumwe ina popya,’ Skelemani osho a popi. ‘Tse katu shi Botswana. Out na esimaneko lyoshigongi hoka twa li. Inandi mona omuntu a li e li ompinge pethimbo lyoonkundathana,’ Ominista yIikwapondje ya Namibia, Marco Hausiku (ngoka a li koshigongi shika), osho a popi ngaaka.