Okudhana onkandangala kwemuno lyoohi niikwameya yilwe, mokulonga nokukalekapo iikulya yagwana otashi kakala oshikundathanwa oshinene pethimbo lyoshigongi shina nasha nemuno lyiikwameya mOmbundu yaKiiyala omwedhi tagu ya.
Oshigongi shehangano ha li ithanwa, Acquaculture Association of Southern Africa, sho tashi kala kohi yoshipalanyolo Africa momukunda gwemuno lyiikwameya muuyuni, osha tegelelwa shi kalwe kaapopi ye vule omilongo hamano, aatseyi nawa yopaigwana, aagandji mayakulo mokumuna iikwameya, aapekaapeki noshowo aakalelipo yomapangelo giilongo yAfrica.Ehangano lyokumuna iikwameya muubugantu wAfrika olya totelwepo mo1980 ongo olutu talu kalelepo uuwanawa waamuni yiikwameya moshitopolwa shaAfrica lyuubugantu.Molwasho oompito dhokukwata oohi noshowo oonzo dhilwe dhomefuta tadhi shonopala, aantu otaya longitha ompito ndjika yokumuna iikwameya ongo onzo yi shi okwiinekelwa yokulonga iikulya. Shino osheeta sigo ompoka kutya okumuna iikwameya okwa ningi onzo onene yokweeta po iikulya yomefuta muuyuni.Molwaashoka ompito yokumuna iikwameya mwAfrica onene nombwanawa, oshimpungu shika oshategelelwa shi koke neendelelo mEnenevi. Shika osha tegelelwa shiningwe omolwa ompumbwe onene okuhwepopeka ekalepo lyiikulya yagwana, ta shi zi maa kuuyuni sho taya pumbwa iilongomwa yaza memuno lyiikwameya. Oshigongi otashi kala ko okuza mu 8 sigo 13 ga Sepetemba nuumvo mOmbundu yaKiiyala.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
