Omwaalu woshimaliwa shi fike peemiliyona N$18,8 oshomwaasho sha vakwa mombaanga yoSME okwa li sha tuminwa komushingidila mukulu Robert Mhlanga wapelesidente mukulu waZimbabwe Robert Mugabe.
Eshi oshi li momikanda odo da twalwa komhangu yopombada yaGauteng moSouth Africa kovanhu ovo tava ungaunga noshikumungu shokupata ombaanga yoSME Ian McLaren naDavid Bruni.
Ovanhu ovo tava ungaunga nepato lombaanga ei ova ti oshimaliwa shi fike lwopeemiliyona N$20,8 okwa li sha tumwa okudja kombaanga yoSME sha yuka kombaanga yehangano lopaveta moJohannesburg hali ifanwa Paul Casasola & Associates pokati komudo 2014 no2015.
Ehangano eli lopaveta ola haende waMhlanga Paul Casasola, oo a kala a tuvikila oshimaliwa shi fike peemiliyona N$2 okudja moshimaliwa osho sha vakwa.
“Oshimaliwa shi fike peemiliyona N$18,8 okwa li sha tuminwa koMhlanga ile kehangano ledina Liparm Entities kuCasasola okudja kombaanga yoCasasola & Associates Trust Account komalombwelo aMhlanga ile ehangano loLiparm Entities,” Ovanhu ovo tava ungaunga nepato lombaanga ei osho va ti ngaho.
The Namibian okwa uda kutya Mhlanga okwa li a kendabala a kale omutumba novanhu ovo tava ungaunga nepato lombaanga ei meendelelo eshi kwa li tave mu shikula koSouth Africa.
Nande okwa futa ko oshimaliwa shi fike peemiliyona N$18,8, oshinima eshi otashi ulike nghee ovanapolitika va longifa ombaanga papuko oyo kwa li ya nuninwa okuyambidida eengeshefa dishona moNamibia.
Omukwashiwana waZimbabwe Henock Kamushimba, oo kwa li omunaambaanga wopaumwene waMugabe, ota lundilwa kutya oye e li omukwateli komesho woumbudi wombaanga ei. Kamushinda oye kwa li ta kwatele komesho ombaanga ei pefimbo opo oimaliwa kwa li tai tuminwa kuMhlanga.
Etine loshivike sha dja ko haende mukulu waMhlanga okwa ti kapa li nande oshimaliwa sha tumwa okudja kombaanga yoSME sha ya kombaanga yehangano.
Ove li kanyuna kutya inava ninga nande oshinima sha puka.
Mhlanga okwa kala omunhu e shiivike nawa moSouth Africa.
Ehangano laSouth Africa ledina AmaBhungane Centre for Investigative Journalism okwa li la lopota momudo 2012 kutya Mhlanga, omushingi weedila e li moshipundi shetulumuko, okwa li e shiivike nawa kutya okaume kaMugabe kopofingo nosho yo omukalelipo weengeshefa dofamili yaMugabe.
“Omunangeshefa omudjeko waZimbabwe Robert Mhlanga oku li pokati komahangano oo a totwa po okukufa okawe monhele yokawe yedina Murange tava telwa kepangelo laZimbabwe,” Mail and Guardian osho ya lopota ngaho.
AmaBhungane natango okwa li a lopota kutya Mhlanga okwa kala efimbo lixupi mokulanda omatungo oshimaliwa shi fike peemiliyona N$185 meenhele da fimana daSouth Africa ngaashi kefuta laDurban nosho yo koSandton moJohannesburg.
ESHINA LOKUKOSHA
Ovanhu ovo tava kwatele komesho oikumungu i na sha nepato lombaanga ei okwa li va tula mo oshibofa komhangu yaJohannesberg, tava holola nghee eemiliyona N$20 odo kwa li da futwa Mhlanga naPaul Casasolo di li oindjemo yekengelel noumbudi woshimaliwa.
Oimaliwa imwe oyo ya ya kuMhlanga okwa li tai ifwa ‘Goldkid’.
Ovanhu ovo tava wilike epato lombaanga ei ova ti, omwaalu wotete wa vakwa moSME okwa li eemiliyona N$2, kwa li da tumwa mefiku lotete laAuguste 2014 sha topolwa luheyali opo oveta yaNamibia iha feekele po sha.
Ovawiliki voshikumungu eshi shepato lombaanga ova ti kutya ombaanga yoSME oyo mwene woshimaliwa eshi kwa li sha vakwa po, osho kwa li sha tuminwa komahangano a yooloka omanga kwa li inashi tuminwa koCasasola and Associates Trust Account.
“Ovatamanekwa (Mhlanga naCasasola) ova mona oimaliwa ei momukalo wa dundakana, nokwa li veshi shi kutya oimaliwa kakwa li yavo,” Ovanhu ovo va pata ombaanga osho va ti ngaho.
“Molwomaliumbato a dundakana ehe li paveta, ombaanga yoSME oya ka nifa oshimaliwa shi fike peemiliyona N$20.”
‘HAAME KWA LI’
Omikanda domhangu oda ti, Paul Casasola & Associates ova ti kave shi shi kwa li kutya oimaliwa oya dja peni, ashike ove shi shi kutya ove i mona ponhele yaMhlanga nehangano laye, Liparm.
MuFebuluali 2021, Casasola okwa ti ova mona oshimaliwa osho ponhele yaMhlanga noLiparm Entities.
Pomapulapulo opo tuu opo, Mhlanga okwa yandja oumbangi hokololo kutya “Casasola okwa kala efimbo lile ha mono eemiliyona omafele ponhele yaye nokwa kala ha lombwelwa kutya ne i tumine kulyelye kuMhlanga”.
McLaren naBruni ova ti Casasola naPaul Casasola & Associates ova dopa okuyandja ouyelele kutya oshimaliwa osho osha dja kulyelye.
CASASOLA OKWA TI
Casasola Etine okwa lombwela oThe Namibian kutya kakwa li veshi shi kutya oshimaliwa osha vakwa koNamibia. “Eembelewa detu kakwa li di shi shi, dookakwa li tadi dulu okukala di shi shi ile di feekele kutya oimaliwa oyo ya tuminwa mombaanga yehangano oya dja kombaanga yoSME shaashi oimaliwa oya pitila meembanga daSouth Africa koshikondo shoipindi,” Osho a ti ngaho.
The Namibian okwa pula Casasola ngee okwa li ngaa e na eshiivo kutya oimaliwa oyo kwa li tava ungaunga nayo okwa li ya dja moilonga yoimbuluma.
Casasola okwa ti ita ti ko sha koshinima osho shaashi osho paumwene.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
