Omukulunhuwiliki wouministili woundjolowele nomayakulo opanghalafano Ben Nangombe okwa ti moNamibia inamu monika nande oibofa youdu wepulu loondjima olo li shiivike nawa nedina mpox ngaashi ovanhu tava popi.
Nangobe Etivali okwa ti kapu na nande oshibofa shepulu loondjima sha lopotwa moNamibia.
“Fiyo opapa kapu na nande oshibofa shepulu loondjima sha lopotwa moshilongo,” Osho a ti ngaho.
Nangobe okwa lombwela oNBC Etivali kutya ovanhu ve li 18 moshilongo okwa lopotwa kutya ove na omadidiliko omukifi ou woondjima okudja koipangelo ya yooloka moshilongo, ashike kapu na nande oshibofa sha kolekwa natango.
Okwa ti ovanhu ve li 15 vomwaavo tava feekelelwa oudu ou ova konakonwa ashike oidjemo oya ulika kutya kave na sha, okwa ti vatatu ova teelela oindjemo yavo natango.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
