Ongudu yoNamibia Economic Freedom Fighters (NEFF) oya findana po oshibofa osho sha li pokati kayo nokomisi yomahoololo yaNambia yedina Electoral Commission of Namibia (ECN) sha landula eshi kwa li ya kufwa mo meengudu dopolitika muJuni.
Etokolo lokomisi yomahoololo okwa li la ekelwashi komhupanguli Thomas Masuku mepangulo laye la ningwa Etine.
Omupedu pelesidente woNEFF Longinus Iipumbu okwa li a lombwela oDesert Radio divadiva konima yetokolo lomhangu kutya oECN okwa li “ya fininikwa i fute oinima aishe” Iipumbu okwa ti ongudu otai ka yandja ouyelele po14h00 Etine koikundaneki opo i yandje ouyelele uhapu kombinga yetokolo lomhangu.
ECN okwa li atya edopo longudu yoNEFF lokuyandja omikanda domavalulo oshimaliwa kokomisi olo etomeno lokukufa mo ongudu meengudu dopolitika muJuni.
Ongudu yoNEFF nande ongaho oya ti kutya kakwa li ya pewa omhito opo i yandje ehokololo layo omanga oECN inai kufa etokolo, onghatu oyo ya eta oipundi ivali yoNEFF momutumba wopashiwana i kale ihe na ovanhu.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
