Eeminista dimwe daGeingob odatanwa momahoololo oSwapo

Ovanapolitika vakula vomupelesidente mukulu Hage Geingob okwa li vamwe vomwaavo va kufwa omawi momusholondodo womahoololo aavo tava i mopaliamente exuliloshivike la dja ko.

Eshi osha kwatela mo omuprima minista Saara Kuugongelwa-Amadhila, minista yoshimaliwa Iipumbu Shiimi, minista woikwamina Tom Alweendo nosho yo ominista youyuki Yvonne Dausab.

Vamwe ongaashi ominista youmauyelele Emma Theofelus, omukulunhuwiliki wokomisi yokuninga omafaneko opashiwana Obeth Kandjoze nosho yo ngoloneya woshitopolwahoololo shaTjozondjupa James Uerikua.

Shimwe vali, omusholondodo wovanhu ve li 48 wa nuninwa “okushiva oulai” ovanyasha ovo kwa li va holoka komahoololo oko opo va itavele kutya ove li pondodo iwa nokuya kopaliamente okwa li vati ta weendeenda nonhele aishe.

Oshilyo shongudu mutima John Elago Oshoondaxa osha koleka omatilifo oo taa popiwa.

“Oilyo oyo ya kufwa omawi oi na elineekelo movatumwakalelipo. Ovatumwakalelipo itava nwefwa mo komusholondodo oo wa nuninwa okulanda omawi,” Osho a ti ngaho. Oshoongalele eshi shokuhoolola ovanhu ovo tava ka kalela po oSwapo mopaliamente okwa li sha teelelika shi hoolole omusholondodo wovanapaliamente ovo tava ka ya momutumba wopashiwana modula tai ya.

Ashike nee, omanyenyeto okwa li a holoka kutya opu na eekambaina dokukufa eeminista odo kwa li da hoololwa kuGeingob omawi.

Geingob okwa li a tula mo eeminista dipe mosystema odo di na owino wokuyambula po epangelo nawa, ashike ehalo laye otali monika la fa tali dulu okukelelwa.

Kuugongelwa-Amadhila vati okwa li ta ningwa nai. Okwa li a kondjifa elelo longudu konima yeedula mbali paife. Omuprima minista paife otaku tiwa okwa tanwa shaashi, mokati kaikwao, etokolo laye lokukala a tala unene koitopolwa yokomikunda meepolohalama depangelo doshikukuta.

Oilyo imwe yongudu vati otai kondjifa oikulya ei yoshikukuta i kale tai pewa novanhu meedoolopa, omo Swapo ta kendabala okumona omawi momahoololo oo twa taalela.

Kuugongelwa-Amadhila Oshoondaxa okwa ti omhepo youkumwemwe nai pangele.

‘NYEE AMUSHE
ONDI MU HOLE’

Pefimbo lepatululo loshoongalele eshi mOvenduka Oshoondaxa, Nandi-Ndaitwah okwa pula oukumwe.

“Ongomuleli weni, onda kala nohandi twikile okumulombwela kutya ondi mu hole amushe. Natu twikileni nokukala ngaho nosho yo okutwikila okulongela kumwe ongongudu,” Osho a ti ngaho.

Dausab, oo kwa li a ninga minista konima eshi a hoololwa kuGeingob, natango okwa kufwa mo momusholondodo waavo tava i kopaliamente.

Osha hala kutya omhito yaye yokuya kopaliamente paife ongee ashike Nandi-Ndaitwah e mu kwatele momusholondodo wovanhu ve li omulongo ovo ta weda mo mwaavo tava i kopaliamente.