Oudemokoli tau landifwa

… Omonamati wapelesidente waZimbabwe oye umwe womwaavo va yandja eemiliyona N$2,5 koSwapo

Ovanhu vamwe nomahangano a kilikita okwa li a kwatelwa mwaavo va yandja omaano oshimaliwa koSwapo mexuliloshivike.

Eshi osha kwatela mo eengeshefa doRani Group, omunangeshefa Shapwa Kanyama nosho yo omonamati womupelesidente waZimbabwe Emmerson Mnangagwa.

Ova yandja omaano opashimaliwa shi fike peemiliyona N$16 koikonga yongudu tai pangele yomahoololo oupelesidente nomahoololo omutumba wopashiwana muNovemba.

Omaano aMunangagwa okwa li a kwatelwa moshimaliwa shi fike peemiliyona N$2,5 da dja kOvadimbabwe ve li vanhe.

Inashi yela nawa kutya oshimaliwa eshi osha dja komonamati elipipo, ashike osha li sha yandjwa kuApphia Musavengana, oo kwa li kwa popiwa pefimbo louvalelo wovina kutya omonakadona womupelesidente waZimbabwe.

Oshinima eshi kwa li itashi dulu okukolekwa koThe Namibian.

Ehangano olo la yandja oshimaliwa shihapu olo koNorway, olo li na ohokwe mombelela yongobe, ola yandja omaano oshimaliwa shi fike peemiliyona N$3. Ongudu yovanhu ovo va dja koNorway okwa li ya kala omutumba pomunghulo womunangeshefa Joseph Andreas, oo a yandja omaano oshimaliwa shi fike poN$250 000 ndee ta lande po efano lomupelesidente mukulu Sam Nujoma koshimaliwa shi fike poN$270 000 kouvalelo oko.

Andreas Oshoondaxa okwa ti ke na eshi a teelela shi dje koSwapo.

“Inandi mona nale otendela yepangelo monghalamwenyo yange. Katu lile po ashike oshali apa, ashike otu li po molwouwa woshilongo. Okwa li nda yandja oimaliwa ihapu koSwapo momudo 2017 shi dulife pwaayo nda yandja paife. Ame omunamiliyonela meedola daAmerica,” Osho a ti ngaho.

Ngoloneya wokoshitoplwahoololo shaTjozondjupa James Uerikua okwa udaneka oshimaliwa shi fike pomiliyona imwe.

Omaano aa a yandjwa okwa eta omalipulo kutya ngee Swapo okwa findana ovanhu ava otava ka ninga po shike mepangelo loSwapo.

Mwene weengeshefa doRani Group, Ali Dharani okwa ti okwa li a nyolelwa omukanda koSwapo, opo ehangano laye li ye kouvalelo wowina woSwapo.

“Otwa dilaadila okushininga, shaashi otu shi shi kutya epangelo notwa hala va twikile nokulela. Otwa udaneka oshimaliwa shi fike pomiliyona imwe oshinghwanyu nanho,” Osho a ti ngaho.

Eengeshefa doRani Group oda kala nokupopiwa kutya otadi monifa ovanailonga oixuna.

Kanyama oo a kala a kwatelwa meetendela di na sha noinima yopaunamiti, okwa yandja oshimaliwa shi fike pomiliyona imwe.

Okwa lombwela oThe Namibian Oshoondaxa kutya ina teelela ngeno a pewe sha koSwapo.

“Epangelo ola kala nokutufila oshisho. Inandi hala sha,” Osho a ti ngaho.. Omunangeshefa Josua Haimbodi, oo a udaneka oshimaliwa shi fike poN$500 000, okwa ti okwa kala nokuyandja omaano oshimaliwa koSwapo nale. Momudo 2014 okwa li nda yandja oshimaliwa shi fike poN$500 000, osho a ti ngaho.

“Kandi na eshi nda teelela okudja koSwapo. Okwa li nda dalelwa moSwapo nohandi yandje oshimaliwa molwohole oyo ndi hole oSwapo. Onda hala oSwapo shi twikile nokulela opo tu ninge eengeshefa twa manguluka. Nande oimaliwa oyo nda yandja, oimaliwa ya yela, ihandi ningile ongeshefa konima yomivelo,” Haimbodi osho a ti ngaho.

Omuyandji madilaadilo mukulu woSwapo Ben Mulongeni Oshoondaxa okwa ti keshe omukwashiwana oku na oufemba wopaudemokoli wokuyambidida ou a hala.

Eshi otashi dulika, nee nande ongaho, shi monike sha fa okufuta ombumbo, osho a ti ngaho.

“Ito yandje ombedi kwaavo ve udite kutya ovanhu ova yandja omaano opo va mone omauwa,” Osho a ti ngaho.