Omukulunhu nomunawino moinima ya pamba oinamwenyo woministili yeeshi noinima yomefuta okwa kunghilila oshiwana opo shiha lye nande ombelela yoshi yoludi lowhale oyo ye ya komutunda ndee tai fi koPelican Point, kOmbaye.
John Kathena okwa ti nande ominke whale oyo kakwa li tai monika ya monifwa oshiponga, eshi sha etifa efyo loshinamwenyo eshi inashi yela nonghee nee inashi yuka opo i liwe.
Oshiningwanima eshi okwa li sha nana ovanhu vahapu neenghono komalungu, oko ovanhu vahapu kwa li tava pula ngee ombelela yowhale ohai i liwa.
“Luhapu kashi wa naana okulya ombelela yoshinamwenyo osho kuhe shiivike kutya osha fya koshike, unene ngaa konima sha kungululwa mefuta.
Oinamwenyo yomefuta ohai uya komutunda ngee ya mona oshiponga ile ngee ihe udite nawa, mokati kaikwao, nande katu shi naana kutya oshike sha eta ofye loshi ei “Uuna puhe na ouyelele, ohatu pula oshiwana opo shihe i lye,” Kathena osho a ti ngaho.
Okwa ti otashi dulika owhale ei ya kanifa ashike ondjila yayo ndee tai papala ashike i li komutunda.
Eenghendaba doshiwana dokuyuundulila mefuta Oshondaaxa opo i shune kadi na eshi da eta po, osho sha eta efyo layo lwopo7h00 Etivali.
Eewhale odo da kala nokukungululwa mo mefuta monakudiwa oda kala hadi tetwa po ndee tadi kupulwashi.
Oshi ei yonghadi oi na oule weemita 15.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
