Opolifi otai konakona oiningwanima yomafyo i li ivali ya yooloka.
Olutu lomulumenhu, wedina Leonard van Wyk (49), okwa li la hangika monduda yaye kuxekulu ongula yOshoondaxa meumbo lavo moKatutura, mOvenduka.
Olopota yoimbuluma yomexuliloshivike oya ti, nakufya ina ulika nande omadidiliko okulikufa omwenyo.
Ashike nee, omido nhano da pita, nakufya okwa li a kwatwa ta kendabala okulikufa omwenyo.
Kapu na nande omukanda wa hangika po nokapu na nande oinima tai limbilike ya monika po. Ovakwapata vaye ova shiivifilwa nale. Natango vali, opolifi kOkahandja otai konakona efyo laJean Kiala (28), oo olutu laye la ola kwa li la monika Etitano.
Olopota yoimbuluma yomexululoshivike oya ti, umwe oo ha hiila pamwe naKiala okwa dimbulukwa kutya opu na edimba lihe fi liwa tali di monduda yaKiala konima eshi kwa li ine mu mona konima yomafiku atatu, osho she va fininika opo va ye mo monduda.
Olopota natango oya holola kutya eshi va ya monduda, ova mona olutu laKiala li li kombete, ndee tava shiivifile opolifi.
Omakonakono okutala eshi sha eta efyo otaa ka ningwa, novakwapata vaye navo ova shiivifilwa nale.
Moshiningwanima shikwao shi lili, omulumenhu weedula 27 okwa li a hangika e li koshi yohonde ongula yOlomakaya, konima eshi kwa li vati a ponokelwa komunhu ehe shiivike koSaamstaan koGrootfontein.
Nakuningwa oshihakanwa, oo a tuwa oikando ihapu monulo, okwa tambulwa moshipangelo shepangelo shaGrootfontein e li monghalo ii neenghono.
Kapu na nande omunhu a mangwa po mekwatafano noshiningwanima eshi.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
