Omukulunhu wehangano lokuninga Omavalulo laNamibia ledina Namibia Statistic Agency (NSA) Alex Shimuafeni okwaanya kutya epangelo ole lidopa mokukaleka omuayelele e na sha noilonga opo a pitifwe.
Ehangano okwa li la tuminwa omukanda tau pula kombinga yoshinima osho oshivike sha dja ko konima eshi kwa li la pitifa omauyelele omavalulo omudo 2023 inaa kwatela mo nande ouyelele kombinga yoilonga.
Shimuafeni, nande ongaho, okwanya kutya mepitofo lomayelele omwe lidopa opolitika.
Okwa lombwela oThe Namibian Oshoondaxa kutya ehangno ihali mono nande omalombwelo kutya nali pitife omauyelele naini.
“Epitifo louyelele inau lixwa po ola hala kutya ouyelele otau ka yandjwa kukshe umwe ngaashi ashike twa kala nokuninga nohatu twikile nokushininga.
“Ehangano inali loo ihali yandje nande omauyelele alo kovakufimbinga omanga inaa pitifwa, kashi na nee kutya olyelye,” Osho a ti ngaho.
Ehangano ledina Economic Policy Research Association (Epra), okupitila momukalelipo valo wopaveta Eben de Klerk Etine okwa li la pula ehangano eli opo li pitife omwaaulu wokuhena oilonga moshilongo moule womafiku omulongo.
De Klerk okwa tin gee ouyelele inau pitifwa moule wefimbo olo la popiwa, ewiliko lokomiti yaEpra oli na ofema wokukatuka onghatu yopaveta pakuya komhangu yopombada.
“Etokolo loNSA lokuholeka puyelele ou wakula otali kali li nawa notali teya oshiwana omukumo. Efimbo eli oshinima eshi sha ningwa otali eta omalipulo kutya osha ningwa molwopolitika, osho tashi lyatele pedu oufemba woNSA,” Osho a ti ngaho.
De Klerk okwa ti oshinima eshi osha fa sha nyika elidopemo lopolitika moilonga yehangano.
Ashike natango, Shimuafeni okwa ti ouyelele kombinga yoilonga otau ka pitifwa momafiku 29 Januali.
Inau iwa moshipala, osho a ti ngaho.
Shimuafeni okwa ti ouyelele woilonga hao auke uhe li molopota yomauyelelo omavalulo omudo 2023.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
