Ovanawino ova holola omalimbililo kombinga kombinga youpyakadi wokutambulwa meefikola, osho tashi etwa kedopo lepangelo lokutwala omayakulo keshe pamwe moshilongo.
Ouyelele womavalulo waxuuninwa owa holola kutya eepelsenda ashike 76 dovanhu ve li pokati keedula 6 fiyo 24 ve li meefikola domoNamibia.
Omavalulo omaumbo noshiwana omudo 2023 okwa holola kutya koitopolwa yomeendoloopa omo unene mu na ovanhu tava I kofikola, ve fike peepelesenda 78.4, omanga oitopolwa yokomikunda ya fikama peepelesenda 74.6
Olopota oya holola kutya oukadona vahapu okwa li ve li mondododo yopetameko shidulife ovamati.
Olopota oya ti, oshitopolwahoololo shaShana osha didilika shi osho shi na omwaalu uhapu wovanhu tava i kofikola, eshi shi na eepelesenda 96.9.
Natango, oshitopolwahoololo shaKavango Ushilo, Ohangwena, Kavango Uninginino nOmusati aishe oya didilika eepelesenda dovanhu ve li meefikola di li 80.
Ehangano lokuninga omavalulo laNamibia ledina Namibia Stastics Agency (NSA) ola ti oshitopolwahoololo shaKunene osho sha didilika omwaaulu ushona wovanhu ve li meefiko, eshi shi na eepelesenda 54.
MoNamibia okuya kofikola ota kudengele kounona ovo ve li koshi yeedula 17.
“Eepelesenda di li 76.1 dovanhu ve li koshi yeedula 24 okwa li ve li meefikola. Omwaaulu ou inau tongola kutya ovanhu voukakwashikekookanhu ulipipo.
“Omwaalu owa ulika kutya okukala mofikola okwa tala unene keedula, tau i pombda pokati keedula 9 no12, neepelesenda 95,” Olopoyta osho ya ti ngaho.
“Omwaalu u li pedu neenghono wovanhu ovo ve li meefikola okwa li wa didilikwa konima yeedula 15, nowa twikila nokuwa pedu fiyo opeepelesenda 12 peedula 24,” Ehangano lomavalulo osho la ti ngaho.
Oidjemo oya ulika kutya ondodo yopetamkeo okwa li i na eepelesenda 92.7 dounona ve li mofikola ve na eedula okudja pu6 fiyo 13.
Natango vali, komisina Theresia Mushandja wehangano ledina Namibia Economic Freedom Fighters education okwa holola onghumwe yaye kombinga yoshinima eshi.
“Ouyelele owa hololakutya mounyuni omu tu li, ehongo oal fimana mokufikifa ovanhu pamwe. MoNamibia, oinima otai monika i li xwepo meedoolopa oyelakanifa nokomikunda, kashi fi ashike mehongo,” Osho a ti ngaho.
Mushaandja okwa ti oshinima eshi oshe mu ulikila kutya oinima yepangelo oya tala ashike ombinga imwe, ya tala unene koitopolwa yokeedoolopa.
“Otwa dopa okutwala omayakulo komikunda – osho okutwala eputuko komikunda nomhito yokumona ehongo oi li imwe yomwaashi,” Osho a ti ngaho.
Mushaandja okwa ti eshi oiputundilo yehongo ihe li popepi nounona otashi va teya omukumo wokumona ehongo.
“Natango, omukalo oo hatu ungaunganga nao neenghedi domufyuululwakalo wovanhu ou na oshilonga.
Ehongo ohatu li eta ngaa kovanhu moKunene momukalo oo tau va udifa kutya itava kufwa omufyuululwakalo wavo?” Osho a pula ngaho.
Omukulunhu wehangano loNational Commission on Research, Science and Technology (NCRST) Anicia Peter okwa ti: “Oshitopolwahoololo shaShana oshi na omwaalu uhapu vovanhu tava ve li meefikola shi li peepelesenda 96.9, omanga Kunene a didilika omwaalu u li pedu neenghono weepelesenda 54, Omaheke eepelesenda 62 omanga Otjozondjupa ili peepelesenda 67.”
Peter okwa ti eshuno pedu lakula eli lokuya kofikola ola monika unene okudja peedula 15, u li ashike peepelesenda 24 peedula 24.
“Ouyelele ou owa eta omalipulo ahapu kombinga yeemhito dokumona ehongo, omayooloko opaitopolwahoololo nosho yo okuya pombada meengudu dopedu,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
