Omulumenhu a holoka momhangu eshi a dipaya nokuteta mumwainakadona oilyo yopaumwene

Omulumenhu okwa li a holoka momhangu yamagestrata mEenhana Omaandaxa konima eshi vati a dipaya mumwainakadona mushona nokumuteta oilyo yaye yopaumwene.

Oshiningwama osha ningilwa komukunda wedina Okavela moshitopolwahoololo shaHangwena lwopotundi 20h00 momafiku 15 Novemba.

Opolifi oya koleka kutya omufeekelwa, Moses Ndanaafia (33), oku li natango modolongo molwomakonakono a wedwa po.

Ndamononghenda Shileka (16) okwa kala e li meumbo omafiku anhe omanga oshiningwanima inashi ningwa, a dja koKaribib oko hai kofikola.

Konima vati a ninga oshimbuluma eshi, Ndinaafita tete okwa va duka po.

Ashike okwa li a mangwa po konguloshi yefiku olo tuu olo lwopotundi 23h00.
Ndinaafita vati okwa lombwela ovanhu kutya okwa lya po oilyo yamumwainakadona yopaumwene.
Eshi kwa li a popya noThe Namibian Etivali, hamushanga wamwene womukunda Okavela Sam Nekundi okwa ti okwa mona olutu laShileka pepata lameme waye.

Nekundi, oo e na okakamba pomukunda, okwa ti ota dimbulukwa a mona Shileka naNdinaafita aveshe puukamba peemhito da yooloka efiku olo.

Omukunda okwa li u yadi oinima konima ovakulupe va kwata opendjela, osho a ti ngaho.

“Konima Shileka a landa omaadi okulya noshopa okwa ya keumbo.

Ashike nee, konima yominute 30, omanga kwa li ndi li mokamba lwopotundi 20h00, onda uda omaweelelo taa di pondje.

“Okwa li pu na eenghuwo devatelo. Ova ti Ndinaafita okwa li ta dipaya mumwainakadona. Onda fikama, opamwe navakwetu ndee hatu lotokele keumbo. Onda fika mo tete ndee handi i nda yukilila ndi ka hande meumbo. Inandi mona mo mnande omunhu.

Onda ya pondje yeumbo ndee handi hange meme waye.

“Okwa ti nandi ye kepata lauye.

Oko nde mu hanga a nangala pedu e li koshi yohonde. Onde mu ifana oikando ihapu, ashike otwa ka dimbulukwa kutya ke na vali omwenyo,” Nekundi osho a ti ngaho.

Opolifi okwa li ya ifanwa ponhele opo pa ningilwa oshiningwanima ndee tai kongo opo Ndinaafita a hondama.

“Pamwe nopolifi otwe mu konga pomikunda dopoushiinda keemadi, nokwa li a mangwa po lwopotundi23h00 onguloshi oyo tuu oyo.”

Nekundi okwa ti ofamili ei okwa kala e i shi oule weedula dihapu nokwa li e wete Ndinaafita e li nawa momutwe.

“Oku li nawa ngaa ngeno eshi ndi shi, opu na nee efimbo a li mOvenduka, ashike okwa dja ko eedula nhee da pita. Osho twa dimbulukwa osheshi ashike kutya okwa li a yooloka kashona okuyelakanifa nomanga kwa li ina ya koshilando.”