Epangelo ola londoda ovalideuli vopaunamiti vaha ninge omakangha ‘ehe li paveta’

. . . Okutula po oilongifo otaku etele omayakulo oshiwana opaundjolowele oshiponga; ‘notaku teya’ okatendo koilonga – oministili

Omutonateli woshipangelo shaKatutura Intermediate Hospital omundokotola Nelago Amugulu okwa lombwela ovalideuli vopaunamiti opo “va tale nawa” okatendo koilonga nosho yo oidjemo yokutula mo ekangha.

Ongudu yovalideuli vopaunamiti vepangelo Etivali okwa li ya holola omadilaadilo nokuninga omatilofo kutya otai ka xulifa po okulonga moule womafiku atanho ngee epangelo inali va futa eshi va longa omalutaima, mokati koinima ikwao.

Oshinima shimwe osho tava pula vali ouwa woshimaliwa shi fike poN$23 000 kodula (N$1 916 keshe komwedi) yovalideuli ovo ve li kodula yotete nonhivali, noN$1 600 keshe komwedi yaavo ve li kodula onhinhatu konima otekisa ya nanwa ko.

Ongudu otai pula omauwa opaundjolowele nosho yo okakalata kouhaku.

Oshinima eshi oshe ya konima ombelewa yaminista woundjolowele nomayakulo opanghalafano ya popya kutya ovalideuli vopaunamiti inava hanga okumona ouwa vokufutwa olutaima shaashi inava talika ko kutya ovanailonga vepangelo.

Omukanda wEtivali okwa li wa tambulwa ko komupedu kulunhuwiliki woundjolowele nomayakulo opanghalafano Romanus Kawana.

Momukanda oo wa monikwa koThe Namibian, Amugulu Etivali okwa li a shangela ovalideuli vopaundjolowele, ta ti omahoololo madilaadi inaa pitikwa ile omakangha kovanailonga va fimana shaashi oshi li ominge nokatukulwa 75 kokatondo koilonga.

Oshinima eshi otashi dulu okweeta ovakufimbinga va tulilwe mo eendjidikila, mwa kwatelwa neenghatu dokukalekwa omutumba, okufuta omawii oo oshinima eshi tashi dulu okweeta nosho yo omahanduki amwe, osho a ti ngaho.

“Oinima ei otai lalakanene okufikifa pamwe omaufemba oohandimwe nomaufemba oshiwana oo taa popile shi mone omayakulo a fimana inaa piyaanekwa,” Amugulu osho a shanga ngaho.

Omutonateli woshipangelo okwa dimbulukifa ovalideuli vopaunamiti kutya ohava longo nomayakulo oshiwana a fimana, ndee okuya moshipala omayakulo oludi eli otashi dulu okukala shi na oilanduli ya nyika oshiponga konghalonawa yoshiwana.

“Okatendo koilonga … oka tula po vali eengaba dimwe da wedwa po opo ka kwashilipaleke okuya komesho kwomayakulo a nyika oshiponga, ta ka pula kutya keshe oupyakadi u li moshikondo shomayakulo aa nau etwe kokomitiye yomayakulo a fimana,” Osho a ti ngaho.

Amugulu okwa ti elombwelo olo la dja kongudu ei kombinga yekangha, ola yandjwa kewiliko loshipangelo ponhele yokokomitiye yomayakulo a fimana, ola dopa okuwanifa po omilandu adishe odo di na okulandulwa loo itali tu kumwe noveta.

Okatendo oka popya kutya okomitiye yomayakulo a fimana nai ye koLabour Advisory Council i ka popye kutya eyakulo ola fima ngee ola iwa moshipala otashi dulu okukanifa omwenyo, eameno lopaumwe ile oundjolowele woshiwana moshilongo.

Amugulu okwa ti elombwelo ola nuka po omadina nosho yo omaishaino ovakalelipo vongudu naasho va kalela po. “Enukepo loinima ei otali ulike okuhena oukwashili welombwelo leni noitali li tu kumwe nomulandu wopaveta mokuninga oshinima shi li ngaho.

Amugulu osho a shanga ngaho. Omukalelipo wovalihongi vopaundjololwele, Wilbard Kagola wekehangano lovakalelipo vopaveta ledina Henry Shimutwikeni okwa koleka eenghundafana.

“Omukaleipo vovalideuli vopaumaniti naame okwa li twa kundafana kombinga yasho,” Osho a ti ngaho.

Omupopiliko woministili youndjolowele nomayakulo opaunamiti Walters Kamaya Etitatu okwa koleka kutya okwa mona omapulo a dja kovalideuli naasho tava pula.

“Otwa koleka kutya omapulo otwe a mona, kombinga yepulo lotekisa, nali yukifwe kehangano lokwoongela oiniwe yepangelo,” Osho a ti ngaho.

Omupopiliko wovalideuli vopaunamiti Sam Endjala Etitatu okwa ti ovakalelipo vongudu ove va pa omayele opo vaha ye mekanghaka, ashike nava ninge ashike ehololo madilaadilo lopambili paveta.

Okwa ti ovalideuli ova kwashilipaleka kutya eyandjo lomayakulo noundjolowele wovanaudu kakwa li nande wa kumwa koshinima eshi, vamwe okwa li va shaala kewalanda lomayakulo omeendelelo koipangelo.

Endjala okwa ti ovalideuli otava ka alukila koilonga yavo ngaashi tashi pulwa kongongahangano youndjolowele wopashiwana yaNamibia ngee osho tava pula inashi wa nifwa po.

“Oveta oya ti natu futwe. Nava popye nashe ngee itave tu futu nomolwashike,” Osho a ti ngaho.

“Ova londodwa opo tuha ninge ekangha, ashike natu ninge ashike ehololomadilaadilo lopambili, osho twa ninga,” Osho a ti ngaho.

Ashike nee, Endjala okwa ti ovalideuli okwa li va shakena naAmugulu oo kwa li eudite kutya ovalihongi otava ninge ekangha ponhele yokuninga ehololomadilaadilo lopambili.

“Okwa li twa shakena naDr Amugulu. Opu na eyooloko pokati kekangha neholomadilaadilo. Osho twa li twa ninga okwa li ehololomadilaadilo lopambili,” Osho a ti ngaho.

Endjala okwa koleka kutya ovalideuli ova lombwel ewilikongudu loshipangelo ponhele yokomitiye yomayakulo a fimana.

“Otwa shakena naDr Amugulu omanga inatu ninga ehololomadilaadilo letu, oo e tu lombwela tu ninge mo omalunduluko ashona momukanda wetu,” Osho a ti ngah.