OVAKULUNHU VOMAHOOLOLO OVA NINGA onghalo idjuu inyanyaleka eshi va patululula eenhele dishona dokuhoololela, osho sha imba oidjemo i pite penhele dokuhoololela naashi vaanya okukwatela mo ovakufimbinga aveshe momatokolo avo.
Etine la dja ko konguloshi, Elsie Nghikembua ta kwatele komesho okomisi yomahoololo yaNamibia okwa shiivifa kutya omahoololo otaa “wedelwa” peenhele dimwe dokuhoololela moshilongo (unene ngaa konooli yoshilongo).
Okomisi yomahoololo oyaanya okupopya kutya eenhele edi okwa li da hoololwa kwa talaika koshike odo kwa li yeuluka Etitano nOlomakaya konima yomahoololo oovene, Etitatu, 27 Novemba, kwa li a pwa.
Oshitopolwahoololo shaKunene okwa li shi na eenhele dokuhoololela di li 21 da patuluka Etitano nOlomakaya opo omahoololo a twikile oshinima osho sha shainwa kupelesidente Nangolo Mbumba.
Oshana okwa li shi na eenhele 12; oshikoto okwa li shi na onhele imwe; noKhomas okwa li i na onhele imwe.
Pakutala koinima inai yuka oshilongo ashishe, otashi piyaaneke omadilaadilo kutua okomisi yomahoololo ota ninga etokolo ngahelipi kutya onhele i lipipo yokuhoololela tai patulululwa opo ovanhu va mone omhito onhivali va lye ko koshiimati shokuhoolola.
Okukala oshitopolwa shkula shi na ovakalimo ve dulife petata lomiliyona, onhele imwe oyo kwa li ya pewa oshitopolwahoololo shaKhomas oya eta omalipulo ahpu kokuyelakanifa noshitopolwahoololo shaShan osho shi na oshiwana shi fike petata laasho shi li moKhomas.
Okomisi yomahoololo oya dopa okunayamukula epulo kombinga youyuki woshinima eshi.
Kamusela wokoshitopolwa shaMbaye Donatus Tegako okwa ti, ovanhu koshitopolwa oko okwa li va mona odima, eembapila domahoololo inadi wana nosho yo omikweyo tadi ende kashona ngaashi naana da kala oshilongo ashishe.
Omolwashike ito patululula ashike omahoololo oshilongo ashishe? Nande ongaho, eengudu adishe okwa li de lilongekida ngahelipi opo di kwashilipaleke kutya odi na ovakalelipo tava konakona “ewedelo” lomahoololo peenhele dokomisi yomahoololo odo?
Sha fimana unene, okomisiyomahoololo oya ninga epuko eshi ya patululula omahoololo peenhele dimwe omanga dikwao kwa li nale tadi shiivifa oidjemo koshiwana.
Otashi kala shi na ondilo shili okuningulula omahoololo amwe ashike ofuto yokutwikila nomahoololo oo oshiwana inashi lineekela oshi na oilanduli ii neenghono kupelesidente nokovatoti veta ovo tava ka talika ko kutya kave li pauyuki.
Opa pumbwa okuningwa sha osho tashi kelele Namibia a yuke mondjiola yokuhena oushili ya fa yaZimbabwe noilongo ikwao.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
