EKANIFO loipundi yoSwapo i li 26 momutumba wopashiwana okudja momudo 2014 ola eta eemata: Ongudu tai pangele otai dulu okukanifa eenghono dokutota eemhango apa omudo 2029 u ka fikila?
Ongudu natango otai shuna koshipundi konima yomahoololo oupeledsidenye nomutumba wopashiwana eshi ya mona oipundi i li 51, ya wa pedu okudja poipundi i li 63 momudo 2019.
momudo 2014, ongudu okwa li ya finandana oipundi i li 77 yomoipundi 96, oyo kwa li unene ya ewtwa komaudaneko eyokomesho apelesidente mukulu Hage Geingob.
Okandidate yayo yomudo ou, omupedu pelesidente Netumbo Nandi-Ndaitwah, okwa findana po omahoololo oupelesidente neepelesenda 57.3 doamawi, nokwa teelelika a ninge pelesidente wotete waNamibia womukainhu ngee a i mombelewa momafiku 21 Marsa 2025.
Ashike nee, ovandjadjukununi vamwe oatva ti eshe otashi dulika shi kale edidiliko kutya oinima otai ke uya.
Omutotiveta wongudu yoPopular Democratic Movemen (PDM) Max Katjimune okwa damama kutya Swapo ota ka taalela oshinima osho sha ningilwa ongudu yoAfrican National Congress (ANC) momudo 2029.
ongudu yemanguluko yaSouth Africa okwa li ashike ya mona eepelesenda 40.2 momahoololo sohilongo muMei konima yeeula 30 ya kala koshipundi.
Osho osha eta oshilongo shi kale shi na epangelo lehengumukilo mumwe.
“Otava ka shuna pedu fiyo opo46. Tala ashike kwaasho sha kala nokuningwa: Momudo 2014, okwa li va mona oipundi i li 77, momudo 2019, oipundi i li 63,” Osho a ti ngaho.
Okwa ti ngee Swapo okwa shuna pedu fiyo opoipundi i li 49 ongudu otai dulu lela okulandulwa.
Omunawino moinima ya pamba omaxupilo nomunandjungu woinima ypanghalafano Nafimane Hamukoshi Etitatu okwa popya kutya eyambidido loSwapo otali shuna pedu shaashi Ovanamibia ova loloka elelo loSwapo.
“Ove wete va udifwa nai komaudaneko inaa wanifwa po, va handuka kokuhena oilonga novaloloka oulingilingi oo tau danene opinima,” Osho a ti ngaho.
Okwa londoda oilyo yoSwapo yomopaliamente opo i tale nawa okuhena oilonga kwovanyasha mendelelo “efimbo ola pwa po”.
‘KOUNYENGENYENGE’
Oshilyo shoSwapo Hamunyela Hambyuka okwa denga omufindo komumbwe yokulitala nawa mongudu.
Ashike nande ongaho, okwaanya kutya ongudu inai ninga naw momahoololo aa.
“Eeno, otwa kanigfa oipundi i li 12 mopaliamente, ashike, ongudud oya mona ovayambididi ve dulife po500 000, osho tashi ulike kutya ohatu dulu natango okunana ovanhu vahapu,” Osho a ti ngaho.
Hambyuka okwa weda po kutya Swapo okwe lipakamamo mokuwanifa po oikumungu pyo kwa li ya popiwa pefimbo loikonga yomahoololo.
Swapo okwa kala oye ha mono oimaliwa ihapu oo hai yandjwa keengudu dopolitika kepangelo okudja ngaa pemanguluko molwoilyo yaye ihapu mopaliamente.
Ongudud taia pangele oya kala nokumona oshimaliwa shi dulife peemiliyona N$78 okudja moshikefa shepangelo kodula okudja ngaa momudo 2015.
momudo 2020, epangelo okwa li la yandja oshimaliwa shi fike peemiliyona N$103 keengudu di li11 dop[olitika odo kwa li da findana oipundi momutumba wopashiwana momahoololo omudo 2019.
Oshimaliwa eshi ohashi yandjwa she likolela komwaalu woipundi oyo ongudu yopolitika ya mona mopaliamente.
Okudja momudo 2015, oshipundi shomaopaliamente okwa li shi na ongushu yoshimaliwa shi fike poN$960 000, eyopombada neeplesenda di dulfe po50 okudja poshimaliwa shi fike poN$400 000 osho kwa li epangelo hali futu momudo 2014.
Oshipundi shimwe paife oshi na ongushu yoshimaliwa shi fike pomiliyona imwe oshinghwanyu imwe.
Oshimaliwa osho hashi yandjwa keengudu dopolitika osha nuninwa okuvatela pokati komahoololo nokuninga oikonga yomahoololo, ngaashi omahango ovahoololi noshiwana.
Omundjadjukununi woikwapolitika Johan Coetzee okwa londoda Swapo opo a yandje emanguluko lawana koshoikondo shopaumwene nokukufa po omilandu odo tadi i eyopombada leliko moshipala notadi imbi omahangano ashona a ninge nawa monghalo yeliko oyo tai u pedu.
“Fyee, ava twa dja komahangano okuninga omakonakono omilandu, otwa mona kutya epangelo ola kendabala okuwilika oshikondo shopaumwene nomilandu . Ashike oshinima eshi inashi kelela natango eyo pedu leliko,” Osho a ti ngaho.
Coetzee okwa pula eengeshefa dishona inadi futifwa vali oishoshela moule weedula nhano dopetameko shaashi oshinima eshi otyashi dulu okweeta oilonga nokukelela omaupyakadi oo a kundukida okutota ongeshefa.
Okwa ti epangelo italaindulu okutota oilonga ya wana okupitila momayakulo oshiwana ile metanga leameno, nokuyandja eetemdela komahangano ovaChina otaku lyatele pedu oshikondo shomahangano okutunga moshilongo.
Minista mukulu Nahas Angula okwa ti Swapo eshi ina hala okulunduluka osho tashi mu shunifa pedu, ovanyasha vahapu otava kongo opo pe na elongo lopauyele nosho yo ovanhu tava kalele po oinima.
Okwa ti ongudu eshi tai shuna pedu otashi etwa kokukala inai hala okutota po omikalo dimwe dipe dokutula moilonga omilandu.
Ovanhu vongudu itava dulu okutalikila komawi oyo ya mona, shaashi ovanhu vahapu ianav dula okuhoolola.
“Nedudakano lomomafiku 27 Novemba ito dulu naana u tye ovanhu inava hala Swapo, shaashi ovanahu inava hoolola,” Osho a ti ngaho.
Okwa itavele kutya Nandi-Ndaitwah ote lipake momokuxwepopaleka ondjala noluhepo.
Minista ,mukulu woikwameni Pendukeni Iivula-Ithana okwa ti okuyela unene nokumona kutya ongudu oya ka nifa ovanhu shaashi eengudu domilameno natango oda pumbwa okuulika kutya otadi dulu.
Oshilyo shiku shongudu Rosa Namises okwa ti okushuna kwongudu monima okwa tameka nale.
“Ovaleli ava ihava pwilikine kushe ove li unene pombada nokupwilikina komaupyakadi etu,” Osho a ti ngaho.
Namises okwa ti oku wete kutya okushuna pedu kwoSwapo otaku twikile molwokwiiyambapaleka.
Okwa ti oukwamuhoko netopoko olo kwa li la shuna pedu pefimbo lapeleasidente mukulu Hage Geingob okwa dopa.
Oshilyo shongudu yoRally for Democracy and Progress (RDP) Kandy Nehova okwa ti pelesidente wotete womukainhu wongudu tai pangele nosho yo okutla keyambulepo lovakainhu okwa amena lelalela ongudu iha teke po.
“Ovanhu ova hala okumona omukulukadi ta lele oshilongo,” Osho a ti ngaho.
Nehovaokwa ti ongudu tai pangele oya kanifa omawi ovanyasha ahapu, ovo tava mono oixuna kokuhena oilonga ku li pombada.
“Ovanyasha okwa ve udite kutya ova pumbwa oyandja omhito keengudu dikwao opo va tale ngee elunduluko otali u ya,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
