Ovakalimo novanailonga vakulu moUis, omo ehangano lokoUnited Kingdom ledina Andrada Mining hali fukula oikwamina, ova lundile ehangano kutya otali tula ovanailonga nomudingonoko moshiponga eshi tali va tula momundingonoko wa nyika oshiponga koundjolowele.
Ova ti vali kutya okuboma komina otaku teya omaumbo avo, ta kutendeke omakuma neefulula domaumbo avo.
Ehangano ole likanyuna omalundilo, nomawiliko amwe eedoolopa aa ti ovakalimo inava yandja nande omukandanyenyeto wopambelewa.
Ashike omalimbililo okwa kla po nale odula imwe konima oministili yoikwamina noikwanghono kwa li ya pula ehangano opo li kufe po oitopifa yalo imwe.
Momudo 2021 olopota okudja kombelewa yapelesidente nokokomisi yokuninga omafaneko epangelo oya ti ovakalimo otava nyenyete kombinga yoikumungu yap amba oundjolowele.
“Ovakwashiwana ova holola kutya molwoilonga yoikwamina, okwa li ve li momhepo yakaka molwondwi, osho she va etela omaupyakadi opaundjolowele opamifudo, ngaashi omikolo mounona nosho yo o-TB,” Olopota osho ya holola ngaho.
“Oupuakadi umwe wopamudingonoko okwa li eweelelo nosho yo omakakamo okoshi yedu taa etwa koboma omamanya osho tashi tendeke omaumbo. Okwa li yo vali pu na omapopyo kutya okufukula oikwamina ohaku nonyonauna oushitwe osho hashi mbuwapaleke,” Olopota osho ya ti ngaho.
OUPYAKADI WOVANAILONGA
Ovanailonga novanailonga vakulu ova lombwela oThe Namibian kutya ova limbililwa kutya oilonga yokomina oku otai eta ondwi oyo tai eta odu woAsthma noTB.
Maoth Areses (52) okwa li ha omunailongawomomina oule weedula omulongo omanga ina waimina ehangano loUis Mining momudo 2019. Ashike okwa li a tameka tavele momudo 2021.
Ekala laye loshipangelo ola holola kutya oku na oudu woAsthma wa mana mo neenghono nokwa xulifa po oilonga.
“Onda tameka ndi udite ouweehame monulo, handi ka nifa omufudo netelele okudja muNovemba 2021,” Areses osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
