… omukainhu a patulula ongulumambo momukunda wavo opo a xwaxwameke okulesha
Konima eshi a kendabala nokukonga oilonga konima eshi a djala enguwo, Regina Kandishishi (30) okwa tokola opo a yeulule ongulumambo momukunda wavo wedina Onameya moshitopolwahoololo shaShikoto.
Okakadona oko ke lihongela ouindjinia okwa li ka uda nai eshi inaka mona oilonga ndee taka lande oumbo vopaumwene opo ve mu vatele pefimbo loudjuu ou wokuhe na oilonga monghalamwenyo yaye. Okwa dimbulukwa diva kutya ounona pomukunda wavo kave na ouwa oo wokumona omambo ngaashi yee.
“Onda kala ndi hole okulesha okudja peedula dopedu nohandi hale okutya nokuli onda kale nokutuwa omukumo koumbo ovo nada kala nokuleshe shi dulife eshi nda tuwa omukumo kovanhu,” Osho a ti ngaho.
Okwa tokola opo a tume omambo okudja kOvenduka a yuka komukunda wavo konima ngee a mane okulesha mo. Ta longifa oinima yaye mwene, Kandishishi okwa tameka okutunga ongulumambo kOnameya odula ya dja ko muNovemba.
“Elalakano limwe lokuninga ongulumambo okuyambula po omukalo wokulesha. Okuleshe omukalo uwa wokuyambula po nghee omunhu ha dilaadila.” Kandishishi okwa dalelwa mOvenduka nokwa enda ofikola kOnameya. Pefimbo kwa li hai kofikola, okwa ti ha keshe okaana kwa li haka dulu okuya mongulumambo.
Okuna ondjapo youhongelwe moindjinielinga oyo e lihongela okudja koshiputudilo shedina University of Science and Technology momudo 2017.
Kandishishi okwa longifa oshimaliwa shi fike lwopoN$16 000 moitungifo nomoilonga, okwa longifa eedopi dedu opo a tunge.
“Konima eshi nda kundafana novanhu ovo va vatela nge nokutunga, onda longa oipeleki ndee handi painda ondulumambo,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
