AaHelao Nafidi onkee taya nyenyetele Elelo lyawo

N ONANDO ya ningile ehololomadhilaadhilo omvula ya zi ko nokulombwelwa wo ku Amushanga Omukuluntu gwomUuministeli wOmapangelo gOpaitopolwa, Omagumbo nEhumithikomeho lyIitopolwa yokomikunda Erastus Negonga pehuliulo lyomvula ya zi ko, shi na sha nokuyakulwa nayi kElelo lyawo, AaHelao Nafidi onkee taya nyenyeta, taya ti kutya Elelo lyawo onkee tali tsikile nuulingilingi momayakulo galyo nokulonga nuuhauyuki wokuthiminikila oshigwana iinima shaa li pauyuki.

Ndhika odha lombwelwa Oshifo shika kOmunashipundi gwOkomitiye yAakwashigwzana yomu Helao Nafidi Cornelius Nghihepavali Omaandaha ngaka ga zi ko. Ngashi ye shi lopotele nale, Nghihepavali, ngoka wo e li omupopiliko gwAaHelao Nafidi, ota ti Elelo lyawo sigo oompaka inali ninga po sha kombinga yomanyenyeto gawo.Omanyenyeto oga kwatelamo okuteta ko omeya goshigwana ngoka ya pelwe kOshikondo shOmeya, efutitho lyaakwashigwana iifuta yomakuthopo giiyagaya nonando Ondoolopa ndjika momikunda dhimwe ngashi Omafo, Ohangwena, Onuno nomomudhingoloko inayi lukwa natango nokutulwa iiyakulitho yopandoolopa.Aakalimo oya li wo ya nyenyeta kutya Elelo lya Helao Nafidi olya kutha ko omikunda ndhoka kooyene yadho inali ya futa sha, nooyene yomikunda mboka kaye wete kutya oshinima oshuuka peni.Aakalimo taya pula kutya, “Ngele nani Elelo lya Healo Nafidi olya kutha ko omikunda kooyene yadho inali ya futa sha, omolwashike tali futitha aakalimo yomagumbo gomomikunda moka? “Nghihepavali ota ti kutya aakalimo oya geela noonkondo Elelo lya Helao Nafidi moshinima shoka shokukutha aantu omahala gawo noku ya futa okamaliwa okashona lela.”Oshiholelwa, tate Joseph Paulus, a tseyika wo nedhina Mundangu, okwa kuthwa epya lye pu tungwe Osenda yOmaulikilo gIipindi nokwa pewa ashike N$42,000 omanga a li a pula ngeno a pewe N$87,000.”Meme Josefina Nambala naye wo a kuthwa ehala lye opo pu tungwa Osenda yOmaulikilo gOpaipindi ga Helao Nafidi okwa futwa ashike N$3000 opuwo.Sha hala kutya oshimaliwa shoka sha futwa mbaka yaali, ya yapukile Osenda yOmaulikilo gIipindi, oyi li ashike N$45,000,” Nghihepavali ta ti ngawo.Aakalimo yomu Helao Nafidi, aniwa wo kaye uvitile ombili Omunambelewa Omukuluntu gwOmbelewa ndjika molwashoka, pakuuva, koKaribib, hoka a kala Omunambelewa Omukuluntu gwondoolopa ndjoka, okwa tidhwa ko kaakalimo omolwiilonga ye inayi panditha.Nghihepavali ota ti kutya aakalimo yomuHelao Nafidi onkee taya indile kutya Elelo lya Helao Nafidi inali yeka we aantu omahala gawo nangele tashi ya pokufuta omahala nali ga fute ofuto ya ziminwa kooyene yomahala.Taya ti wo kutya ngele Elelo tali kutha aantu pomahala gawo nashi ningwe pauvathano li li nawa naamboka taya kuthwa pomahala gawo naya kale ya pewa omahala mpoka taya ka kala.Ooyene yomikunda naya futwe tango manga omikunda dhawo inadhi kuthwa ko kElelo lya Helao Nafidi.Shi na sha nomanyenyeto ngaka, Meya gwOndoolopa ya Helao Nafidi tate Medusalem Handjaba okwa ti kutya Nghihepavali okwa thigala konima shi na sha neinyengo lyondoolopa ya Helao Nafidi molwashoka iinima ayihe mbyoka ta popi kayi na oshili muyo.Tate Handjaba ta ti kutya ngashi kombinga yooyene yomikunda, Elelo oli li moonkundathana nayo shi na sha nekuthoko lyomikunda dhawo noofuto dhawo.Kombinga yaantu taya kuthwa omahala gawo koonkondo, kapu na oshinima shatya ngawo.Kombinga yokufuta aantu iimaliwa iishona tate Handjaba ota ti kutya oofuto hadhi futwa kElelo oondhoka dhuuthwa papangelo na itaya vulu oku dhi taaguluka.Shi na sha nomeya ga tetwa ko, yo yElelo oye shi ashike gokomukunda Onuno, noga tetwa ko molwashoka aakalimo ye na oondjo dhomeya ngoka noshinima oshi li moonkundathana nOkomitiye yOmeya momukunda ngoka shi wapalekwe.Ngoka taga popiwa gOshikondo shomeya ga patwa, tate Handjaba okwa ti yo kaye ga shi.”Omusamane Nghihepavali okwa thigala po nani na onawa e ye kOombelewa dhetu a yelithilwe nawa iinima mbyoka ke uvite.Tse yomElelo lyetu kehe ethimbo otu li mekwatathano noshigwana nomalenga naayihe otayi ningwa palandulathano nopauvathano, “tate Handjaba ta ti ngawo.”Ngashi ye shi lopotele nale, Nghihepavali, ngoka wo e li omupopiliko gwAaHelao Nafidi, ota ti Elelo lyawo sigo oompaka inali ninga po sha kombinga yomanyenyeto gawo.Omanyenyeto oga kwatelamo okuteta ko omeya goshigwana ngoka ya pelwe kOshikondo shOmeya, efutitho lyaakwashigwana iifuta yomakuthopo giiyagaya nonando Ondoolopa ndjika momikunda dhimwe ngashi Omafo, Ohangwena, Onuno nomomudhingoloko inayi lukwa natango nokutulwa iiyakulitho yopandoolopa.Aakalimo oya li wo ya nyenyeta kutya Elelo lya Helao Nafidi olya kutha ko omikunda ndhoka kooyene yadho inali ya futa sha, nooyene yomikunda mboka kaye wete kutya oshinima oshuuka peni.Aakalimo taya pula kutya, “Ngele nani Elelo lya Healo Nafidi olya kutha ko omikunda kooyene yadho inali ya futa sha, omolwashike tali futitha aakalimo yomagumbo gomomikunda moka? “Nghihepavali ota ti kutya aakalimo oya geela noonkondo Elelo lya Helao Nafidi moshinima shoka shokukutha aantu omahala gawo noku ya futa okamaliwa okashona lela.”Oshiholelwa, tate Joseph Paulus, a tseyika wo nedhina Mundangu, okwa kuthwa epya lye pu tungwe Osenda yOmaulikilo gIipindi nokwa pewa ashike N$42,000 omanga a li a pula ngeno a pewe N$87,000.”Meme Josefina Nambala naye wo a kuthwa ehala lye opo pu tungwa Osenda yOmaulikilo gOpaipindi ga Helao Nafidi okwa futwa ashike N$3000 opuwo.Sha hala kutya oshimaliwa shoka sha futwa mbaka yaali, ya yapukile Osenda yOmaulikilo gIipindi, oyi li ashike N$45,000,” Nghihepavali ta ti ngawo.Aakalimo yomu Helao Nafidi, aniwa wo kaye uvitile ombili Omunambelewa Omukuluntu gwOmbelewa ndjika molwashoka, pakuuva, koKaribib, hoka a kala Omunambelewa Omukuluntu gwondoolopa ndjoka, okwa tidhwa ko kaakalimo omolwiilonga ye inayi panditha.Nghihepavali ota ti kutya aakalimo yomuHelao Nafidi onkee taya indile kutya Elelo lya Helao Nafidi inali yeka we aantu omahala gawo nangele tashi ya pokufuta omahala nali ga fute ofuto ya ziminwa kooyene yomahala.Taya ti wo kutya ngele Elelo tali kutha aantu pomahala gawo nashi ningwe pauvathano li li nawa naamboka taya kuthwa pomahala gawo naya kale ya pewa omahala mpoka taya ka kala.Ooyene yomikunda naya futwe tango manga omikunda dhawo inadhi kuthwa ko kElelo lya Helao Nafidi.Shi na sha nomanyenyeto ngaka, Meya gwOndoolopa ya Helao Nafidi tate Medusalem Handjaba okwa ti kutya Nghihepavali okwa thigala konima shi na sha neinyengo lyondoolopa ya Helao Nafidi molwashoka iinima ayihe mbyoka ta popi kayi na oshili muyo.Tate Handjaba ta ti kutya ngashi kombinga yooyene yomikunda, Elelo oli li moonkundathana nayo shi na sha nekuthoko lyomikunda dhawo noofuto dhawo.Kombinga yaantu taya kuthwa omahala gawo koonkondo, kapu na oshinima shatya ngawo.Kombinga yokufuta aantu iimaliwa iishona tate Handjaba ota ti kutya oofuto hadhi futwa kElelo oondhoka dhuuthwa papangelo na itaya vulu oku dhi taaguluka.Shi na sha nomeya ga tetwa ko, yo yElelo oye shi ashike gokomukunda Onuno, noga tetwa ko molwashoka aakalimo ye na oondjo dhomeya ngoka noshinima oshi li moonkundathana nOkomitiye yOmeya momukunda ngoka shi wapalekwe.Ngoka taga popiwa gOshikondo shomeya ga patwa, tate Handjaba okwa ti yo kaye ga shi.”Omusamane Nghihepavali okwa thigala po nani na onawa e ye kOombelewa dhetu a yelithilwe nawa iinima mbyoka ke uvite.Tse yomElelo lyetu kehe ethimbo otu li mekwatathano noshigwana nomalenga naayihe otayi ningwa palandulathano nopauvathano, “tate Handjaba ta ti ngawo.”