Aalongi yopakathimbo mu Coca Cola ya tidhwa miilonga

A ANIILOONGA yopakathimbo ye li 90 lwaampoka haya longo mOfaabulika yaCoca Cola mOshakati mboka ye li kohi Okampani yokweehela aaniilonga yedhina Africa Personnel Services (APS), oya tidhwa miilonga ohela ku Coca Cola molwashoka aniwa ya ningi ekanka nokumweneka iilonga ya Coca Cola ohela ndjoka ayihe.

Omupopiliko gwAaniilonga mbaka tate Salomo Nangolo ota ti kutya aaniilonga oya ningi ekanka molwashoka oye uvite uudhigu koshinima shokutindilwa okuzalela, okwiiyoga nokwiikwathela paundjugo meni lyOfaabulika ya Coca Cola mOshakati moka. Etokolo ndika olya ningwa ku Coca Cola omasiku ngaka kutya molwashoka aaniilonga mboka oya Africa Personnel Service, itaya vulu we okulongitha uundjugo, uuwiyogelo nuungulu wokuzalela wa Coca Cola.Naya ka konge ehala lyawo lyokwiikohela nolyokuya kondje noshowo lyokuzalela, nenge Okampani yawo nayi ya kongele omahala gatya ngawo.Omukalelipo gwOkampani ndjika ya APS mOshakati Efolo Marelice Visser naye okwa koleka koThe Namibian kutya Ewiliko lya Coca Cola mOshakati olye mu lombwela kutya aaniilonga yawo mboka inaya longitha we omahala gawo ngoka gokwiikwathela.Ta ti kutya okwe shi lombwela Ombelewa yawo onene ya APS kOmbaye na opo nee ya adhika taya ningi po omalongekidho gokuwapaleka onkalo ndjoka.Ashike nee omanga opo taya kembadha ngeyi, Coca Cola mOshakati okwa tokola kutya nena ndjika aaniilonga yetu mbaka inaya longitha we omahala gawo ngoka.”Sho nee nde shi lombwele aaniilonga, aaniilonga oya geye noya tokola okwaaya kiilonga nena nokukala nee ya thikama ashike pondje mpoka , ye uvite uudhigu koshinima shoka, ” meme Visser ta ti ngawo.Ta ti wo kutya Coca Cola pokati mpoka okwa tokola kutya aaniilonga mboka inaya hala we.Otaka konga po ye yamwe.Aaniilonga oya lopota wo oshinima shika kEhangano lyawo lyAaniilonga ndjoka lya ti kutya otali ungauga nasho.Omukuluntu gwa Cocacola moNooli, tate Jean Francois Gahutu, okwa lombwela The Namibian kutya Ehangano ndika lya APS ndjoka lya ninga euvathano na Coca Cola kutya olyo li kale tali mu pe aaniilonga yopakathimbo, otali ya pe iilonga nomaupyakadhi noonkondo.Shaashi aaniilonga yalyo oye na omaupyakadhi ogendji nolundji ohaya kaleke Coca Cola konima miilonga ye nomeyakulo lyookastoma dhe.”Ehangano ndika naaniilonga yalyo otali shunitha nayi monima iilonga ya Coca Cola noku yi kutha mondjila nomomulandu gweyakulo li li nawa, ngashi lya kala nale.Onkee katu wete we tatu vulu okuya nalyo komeho pamukalo nguka, naaniilonga yalyo oya tidhwa ngeyi miilonga notatu ka konga ashike aaniilonga yetu yamwe momudhingoloko,”Gahutu ta lombwele The Namibian ngawo ongula yohela nokutokola shili ya ka konge aaniilonga yalwe kuyo yene mOshakati nomomudhingoloko.Okwa ti wo kutya oya ithana meendelelo omukuluntu gwawo gwoshitopolwa shAaniilonga omusamane Jaco Van Zyl ngoka a li a tegelelwa a thike meendelelo kOshakati ohela komatango ya kundathane omukundu nguka.Aaniilonga mboka ya tidhwa miilonga otaya ti kutya etidho lyawo miilonga kali li pauyuki notaya ti kutya otaya ka pula Nafau e ya popile moshinima shika.Oyendji otaya ti kutya yo omo ya kala nale moCoca Cola moka omanga APS inaye ya e ya kuthe ko ku Coca Cola na kaye wete oyo ya ninga epuko muupyakadhi mboka we ya po.Oye uvite kutya yo oya longela Coca Cola iinima ya simana noye mu humitha komeho.Onkee onkalo yawo nayi talwe nawa koombinga adhihe.The Namibian okwa kundana kutya Nafau okwa tokola a tsikile nepopilo lyaaniilonga mbaka, unene tuu moshigongi shoka shomeendelelo sha ningilwe ohela komatango mOshakati kombinga yoshinima shika.Etokolo ndika olya ningwa ku Coca Cola omasiku ngaka kutya molwashoka aaniilonga mboka oya Africa Personnel Service, itaya vulu we okulongitha uundjugo, uuwiyogelo nuungulu wokuzalela wa Coca Cola.Naya ka konge ehala lyawo lyokwiikohela nolyokuya kondje noshowo lyokuzalela, nenge Okampani yawo nayi ya kongele omahala gatya ngawo.Omukalelipo gwOkampani ndjika ya APS mOshakati Efolo Marelice Visser naye okwa koleka koThe Namibian kutya Ewiliko lya Coca Cola mOshakati olye mu lombwela kutya aaniilonga yawo mboka inaya longitha we omahala gawo ngoka gokwiikwathela.Ta ti kutya okwe shi lombwela Ombelewa yawo onene ya APS kOmbaye na opo nee ya adhika taya ningi po omalongekidho gokuwapaleka onkalo ndjoka.Ashike nee omanga opo taya kembadha ngeyi, Coca Cola mOshakati okwa tokola kutya nena ndjika aaniilonga yetu mbaka inaya longitha we omahala gawo ngoka.”Sho nee nde shi lombwele aaniilonga, aaniilonga oya geye noya tokola okwaaya kiilonga nena nokukala nee ya thikama ashike pondje mpoka , ye uvite uudhigu koshinima shoka, ” meme Visser ta ti ngawo.Ta ti wo kutya Coca Cola pokati mpoka okwa tokola kutya aaniilonga mboka inaya hala we.Otaka konga po ye yamwe.Aaniilonga oya lopota wo oshinima shika kEhangano lyawo lyAaniilonga ndjoka lya ti kutya otali ungauga nasho.Omukuluntu gwa Cocacola moNooli, tate Jean Francois Gahutu, okwa lombwela The Namibian kutya Ehangano ndika lya APS ndjoka lya ninga euvathano na Coca Cola kutya olyo li kale tali mu pe aaniilonga yopakathimbo, otali ya pe iilonga nomaupyakadhi noonkondo.Shaashi aaniilonga yalyo oye na omaupyakadhi ogendji nolundji ohaya kaleke Coca Cola konima miilonga ye nomeyakulo lyookastoma dhe.”Ehangano ndika naaniilonga yalyo otali shunitha nayi monima iilonga ya Coca Cola noku yi kutha mondjila nomomulandu gweyakulo li li nawa, ngashi lya kala nale.Onkee katu wete we tatu vulu okuya nalyo komeho pamukalo nguka, naaniilonga yalyo oya tidhwa ngeyi miilonga notatu ka konga ashike aaniilonga yetu yamwe momudhingoloko,”Gahutu ta lombwele The Namibian ngawo ongula yohela nokutokola shili ya ka konge aaniilonga yalwe kuyo yene mOshakati nomomudhingoloko.Okwa ti wo kutya oya ithana meendelelo omukuluntu gwawo gwoshitopolwa shAaniilonga omusamane Jaco Van Zyl ngoka a li a tegelelwa a thike meendelelo kOshakati ohela komatango ya kundathane omukundu nguka.Aaniilonga mboka ya tidhwa miilonga otaya ti kutya etidho lyawo miilonga kali li pauyuki notaya ti kutya otaya ka pula Nafau e ya popile moshinima shika.Oyendji otaya ti kutya yo omo ya kala nale moCoca Cola moka omanga APS inaye ya e ya kuthe ko ku Coca Cola na kaye wete oyo ya ninga epuko muupyakadhi mboka we ya po.Oye uvite kutya yo oya longela Coca Cola iinima ya simana noye mu humitha komeho.Onkee onkalo yawo nayi talwe nawa koombinga adhihe.The Namibian okwa kundana kutya Nafau okwa tokola a tsikile nepopilo lyaaniilonga mbaka, unene tuu moshigongi shoka shomeendelelo sha ningilwe ohela komatango mOshakati kombinga yoshinima shika.