Aanahambo yAawambo kOkavango ya ningilwa oshipotha ya ze ko

E LELO lyUukwangali kumwe nOlutuwiliki lwevi lyAayehe mOkavango otwa kundana lya tulila mo oshipotha shUukiliminola aanahambo yAawambo, mboka taku tiwa kutya aniwa oya tula muuninginino wa Kavango nokulitha iimuna yawo moka shaa li paveta.

Omukonakoni Omukuluntu gwOpolisi mOkavango Olavi Auanga, okwa koleka koThe Namibian mEtitatu kutya aanahambo yAawambo mboka taya litha iimuna yawo muuninginino waKavango oya ningilwa oshipotha shokuya kutha mo. Aanahambo yAawambo otaya litha iimuna yawo moshitopolwa shOpamuthigululwakalo mUukwangali, shaa li paveta.Okwa tindi okugandja uuyelele wulwe ta ti omapulo galwe naga ukithwe kOmupevikuluntu gwOpolisi kOvenduka Tuweefeni M’lukeni.Oshifo osha ningi wo onkambadhala shi mone Omunashipundi gwEwiliko lyOlaata ndjoka tayi wilike Evi lyAayehe ko Kavango, Severinus Rengura, ngoka a ti kutya ye mUunashipundi mboka okwa za mo molwashoka ethimbo lye olya pwa ko noku na okuhogololwa Omunashipundi gulwe niilyo yilwe iipe.Onkee ye ita vulu okugandja okomenda yasha.Ta ti ngoka ta vulu okugandja omauyelele pethimbo ndika oye Vilho Shikukumwa ngoka oye Amushanga gwOlaata ndjika.Pakuuva oshipotha shika osha tumwa manga kuHahende Ndjayi gwEpangelo opo e ke shi konakone ye a gandje kutya otashi kala shuukiliminola nenge aawe.Oshinima shimwe Hahende Ndjayi aniwa e na okukonakona moshipotha shika, okutala kutya ngele oshinima shika oshipotha tuu shi li.Osha gwana okuya mOompangu nenge ahawe.Oshinima shetidho lyaanahambo yAawambo muuninginino wa Kavango, ano mUukwangali wOmukwaniilwa tatekulu Sitentu Mpasi, osha kala tashi ungaungiwa nasho kEpangelo, kElelo lyUukwangali, lyOndonga, lyUukwanyama nokOlutuwiliki lwEvi lyAayehe mo Kavango uule wethimbo ele.Taku tiwa kutya okutameka mo 2001 lwaampoka nokuli.Omukwaniilwa Mpasi noshigwana she oya kala taya thiminike mpoka kutya aanahambo yAawambo naya ze mo niimuna yawo ayihe yo taya ka ningulula omaindilo nge oya hala okushuna mo.Uumbanda wOmukwaniilwa Mpasi aniwa ou li mpoka kutya Aanahambo otaya indjipala mOshitopolwa she, moka taye ya mo yaa na eziminino lye nolyElelo lye.Ta ti wo kutya ngashi aanahambo yAakwanyama, oya pelwe ehala enenenene lyuulithilo kElelo lyUukwangali pethimbo ndyoka.Olindji lyomehala ndyoka otwa kundana kutya olya ningwa po Oofaalama oonene dhoongandi, aakuluntu yedhi tula moondhalate.Omukwaniilwa Mpasi ota ti nee kutya ehala ndyoka nali kuthwe mo moondhalate e tali topolelwa nawa aanahambo ayehe naamboka ye li kOkavango nosho wo aanafaalama yAawambo ayehe pauyuki, oshoka otali ya gwanene.Kepulo kaanahambo mboka taya litha iimuna yawo kOkavango, kutya oya uva kutya oya tulilwa mo oshipotha, Omupopiliko gwawo Vilho Hamunyela, okwa ti kutya oye shi uva mOradio noya tegelela ashike shi ya thike pambelewa.Ota endulula natango mpoka kutya yo mOkavango kaye li mo shaa li paveta, na kaye wete kutya ngele taya tidhwa mo otaya ka tulwa peni kombinga yoshitopolwa shOwambo, molwashoka omahala gomaulithilo kombinga yOwambo oga tulwa moondhalate.”Tse katu wete twa yona sha moshinima shika, na otwa tegelela elombwelo ndyoka pambelewa tse wo tu tale kutya otatu katuka oonkatu dhatya ngiini moshinima shika, otu wete kutya kashi li pauyuki nande,” Hamunyela ta ti popi.Ta ti nashi kale ngaa sha tseyika kutya oya yonenwa iinima yawo nokudhipagelwa wo oongombe dhawo molweendo lwoshinima shika.Aanahambo mbaka meti 31 Oktoba omvula ya zi ko oya ningile ehololomadhilaadhilo lyawo pEenhana nometi 23 Novemba omvula tuu ndjoka ya zi ko opOmuthiya, moka ya holola kutya yo kOkavango oye li ko paveta noshinima shimwe ngele otaku tiwa kutya naya ze ko, kaye wete kutya otaya yi peni? Oya li ya indile kEpangelo kElelo lyOndonga nolyUukwanyama ge ya pe omahala nenge ehala moka taya tula iimuna yawo kombinga yOwambo ngele taya zi ko kOkavango, ashike inaya mona eyamukulo.Aanahambo yAawambo otaya litha iimuna yawo moshitopolwa shOpamuthigululwakalo mUukwangali, shaa li paveta.Okwa tindi okugandja uuyelele wulwe ta ti omapulo galwe naga ukithwe kOmupevikuluntu gwOpolisi kOvenduka Tuweefeni M’lukeni.Oshifo osha ningi wo onkambadhala shi mone Omunashipundi gwEwiliko lyOlaata ndjoka tayi wilike Evi lyAayehe ko Kavango, Severinus Rengura, ngoka a ti kutya ye mUunashipundi mboka okwa za mo molwashoka ethimbo lye olya pwa ko noku na okuhogololwa Omunashipundi gulwe niilyo yilwe iipe.Onkee ye ita vulu okugandja okomenda yasha.Ta ti ngoka ta vulu okugandja omauyelele pethimbo ndika oye Vilho Shikukumwa ngoka oye Amushanga gwOlaata ndjika.Pakuuva oshipotha shika osha tumwa manga kuHahende Ndjayi gwEpangelo opo e ke shi konakone ye a gandje kutya otashi kala shuukiliminola nenge aawe.Oshinima shimwe Hahende Ndjayi aniwa e na okukonakona moshipotha shika, okutala kutya ngele oshinima shika oshipotha tuu shi li.Osha gwana okuya mOompangu nenge ahawe.Oshinima shetidho lyaanahambo yAawambo muuninginino wa Kavango, ano mUukwangali wOmukwaniilwa tatekulu Sitentu Mpasi, osha kala tashi ungaungiwa nasho kEpangelo, kElelo lyUukwangali, lyOndonga, lyUukwanyama nokOlutuwiliki lwEvi lyAayehe mo Kavango uule wethimbo ele.Taku tiwa kutya okutameka mo 2001 lwaampoka nokuli.Omukwaniilwa Mpasi noshigwana she oya kala taya thiminike mpoka kutya aanahambo yAawambo naya ze mo niimuna yawo ayihe yo taya ka ningulula omaindilo nge oya hala okushuna mo.Uumbanda wOmukwaniilwa Mpasi aniwa ou li mpoka kutya Aanahambo otaya indjipala mOshitopolwa she, moka taye ya mo yaa na eziminino lye nolyElelo lye.Ta ti wo kutya ngashi aanahambo yAakwanyama, oya pelwe ehala enenenene lyuulithilo kElelo lyUukwangali pethimbo ndyoka.Olindji lyomehala ndyoka otwa kundana kutya olya ningwa po Oofaalama oonene dhoongandi, aakuluntu yedhi tula moondhalate.Omukwaniilwa Mpasi ota ti nee kutya ehala ndyoka nali kuthwe mo moondhalate e tali topolelwa nawa aanahambo ayehe naamboka ye li kOkavango nosho wo aanafaalama yAawambo ayehe pauyuki, oshoka otali ya gwanene.Kepulo kaanahambo mboka taya litha iimuna yawo kOkavango, kutya oya uva kutya oya tulilwa mo oshipotha, Omupopiliko gwawo Vilho Hamunyela, okwa ti kutya oye shi uva mOradio noya tegelela ashike shi ya thike pambelewa.Ota endulula natango mpoka kutya yo mOkavango kaye li mo shaa li paveta, na kaye wete kutya ngele taya tidhwa mo otaya ka tulwa peni kombinga yoshitopolwa shOwambo, molwashoka omahala gomaulithilo kombinga yOwambo oga tulwa moondhalate.”Tse katu wete twa yona sha moshinima shika, na otwa tegelela elombwelo ndyoka pambelewa tse wo tu tale kutya otatu katuka oonkatu dhatya ngiini moshinima shika, otu wete kutya kashi li pauyuki nande,” Hamunyela ta ti popi.Ta ti nashi kale ngaa sha tseyika kutya oya yonenwa iinima yawo nokudhipagelwa wo oongombe dhawo molweendo lwoshinima shika.Aanahambo mbaka meti 31 Oktoba omvula ya zi ko oya ningile ehololomadhilaadhilo lyawo pEenhana nometi 23 Novemba omvula tuu ndjoka ya zi ko opOmuthiya, moka ya holola kutya yo kOkavango oye li ko paveta noshinima shimwe ngele otaku tiwa kutya naya ze ko, kaye wete kutya otaya yi peni? Oya li ya indile kEpangelo kElelo lyOndonga nolyUukwanyama ge ya pe omahala nenge ehala moka taya tula iimuna yawo kombinga yOwambo ngele taya zi ko kOkavango, ashike inaya mona eyamukulo.