Aanasikola yopaumwene mondondo onti 10 ya pita hwepo

A ANASIKOLA yopaumwene mOndondo ontimulongo (Grade 10) oya piti hwepo nenge tutye nawa pehulilo lyomumvo gwa zi ko inashi monika nale mu Namibia pamakonakono gondondo ndjika.

Aanasikola ayehe mboka ya li ya shanga oshilongwa shimwe nenge yi vulithe po, oopelesenda dhi li 89,6 oya pewa iitsa (omandhindhilikonomeli) okuyelekanitha noopelesenda 88,2 dhaamboka ya li ya pewa iitsa mekonakono lyomumvo 2004. Oshikondo shOpashigwana shOmakonakono osha popi kutya aanasikola ye li 12 300 oya li yi ishangitha omumvo gwa zi ko, omanga omumvo 2004 mwa li mwi ishangitha ye li 12 051 shoka tashi ulike kutya omwaalu ogwa yi pombanda naantu ye li 249 nenge tutye noopelesenda 2,1.Omwaalu gwaanasikola mboka inaya pewa oosembuore (Omandhindhilikonomeli) ogwa gu pevi noopelesenda 1,4 molwashoka momumvo 2004 ogwa li poopelesenda 11,8 nokuya nee poopelesenda 10,4 momumvo 2005.”Oshinima shika osha ulike nee ngeyi kutya okuninga nawa kwaanasikola okwa nawapala owala noopelesenda oontshona okuyelekanitha nepito lyomumvo 2004,” Oshikondo shOmakonakono tashi popi ngaaka.Oshikondo tashi yelitha ngeyi kutya aantu oyendji mboka taku popiwa ya pita pehulilo lyomumvo gwa zi ko oya pita owala niitsa yopevi lela molwashoka oye li owala posembuore ya E sigo G.Shika otashi ulike kutya mbika iitsa yopevi lela.Mboka ya pita nawa nenge tutye niitsa yopombanda kaye shi oyendji notashi ulike uunkundi mepito ndyoka.Oshikondo tashi popi wo ngeyi nokuyelitha ngeyi kutya oyendji yomaanasikola mboka, oya li yi ishangitha mu Namcol (Namibian College of Open Learning).Konyala aanasikola ye li 2 109 nenge tutye oopelesenda 7,9 inadhi shanga ekonakono lya hugunina.”Nando nee omwaalu gwaanasikola mboka inaya shanga omakonakono ga hugunina ogwa gu pevi, iiputudhilo moka mwi ishangitha aanasikola mboka nayi pulwa opu yi tse omukumo aanasikola ya shange omakonakono gawo ngoka yi ishangithila,” Oshikondo tashi popi ngaaka.Iitsa mbyoka tayi pumbiwa komunasikola kehe opo a wape okutaambelwa miipundi mOndondo ontimulongo nayimwe (Grade 11) oyi li 23.Iitsa mbyoka oyi na okuza owala miilongwa ihamano mwakwatelwa Oshiingilisa shoka shi na okukala shi na osembuore ya F nenge yi vulithe po.Oshikondo shika tashi tseyitha ngeyi kutya uulingilingi uushona lela owa ndhindhilikwa pethimbo lyomakonakono ga hugunina taga shangwa moshilongo pehulilo lyomumvo gwa zi ko.Ihe nando ongaaka, iizemo yookandidaate ndhoka tadhi fekelelwa uulingilingi mbuka otayi pungulwa manga sigo omakonakono moshinima shika ga pu.Oshikondo shOpashigwana shOmakonakono osha popi kutya aanasikola ye li 12 300 oya li yi ishangitha omumvo gwa zi ko, omanga omumvo 2004 mwa li mwi ishangitha ye li 12 051 shoka tashi ulike kutya omwaalu ogwa yi pombanda naantu ye li 249 nenge tutye noopelesenda 2,1.Omwaalu gwaanasikola mboka inaya pewa oosembuore (Omandhindhilikonomeli) ogwa gu pevi noopelesenda 1,4 molwashoka momumvo 2004 ogwa li poopelesenda 11,8 nokuya nee poopelesenda 10,4 momumvo 2005.”Oshinima shika osha ulike nee ngeyi kutya okuninga nawa kwaanasikola okwa nawapala owala noopelesenda oontshona okuyelekanitha nepito lyomumvo 2004,” Oshikondo shOmakonakono tashi popi ngaaka.Oshikondo tashi yelitha ngeyi kutya aantu oyendji mboka taku popiwa ya pita pehulilo lyomumvo gwa zi ko oya pita owala niitsa yopevi lela molwashoka oye li owala posembuore ya E sigo G.Shika otashi ulike kutya mbika iitsa yopevi lela.Mboka ya pita nawa nenge tutye niitsa yopombanda kaye shi oyendji notashi ulike uunkundi mepito ndyoka.Oshikondo tashi popi wo ngeyi nokuyelitha ngeyi kutya oyendji yomaanasikola mboka, oya li yi ishangitha mu Namcol (Namibian College of Open Learning).Konyala aanasikola ye li 2 109 nenge tutye oopelesenda 7,9 inadhi shanga ekonakono lya hugunina.”Nando nee omwaalu gwaanasikola mboka inaya shanga omakonakono ga hugunina ogwa gu pevi, iiputudhilo moka mwi ishangitha aanasikola mboka nayi pulwa opu yi tse omukumo aanasikola ya shange omakonakono gawo ngoka yi ishangithila,” Oshikondo tashi popi ngaaka.Iitsa mbyoka tayi pumbiwa komunasikola kehe opo a wape okutaambelwa miipundi mOndondo ontimulongo nayimwe (Grade 11) oyi li 23.Iitsa mbyoka oyi na okuza owala miilongwa ihamano mwakwatelwa Oshiingilisa shoka shi na okukala shi na osembuore ya F nenge yi vulithe po.Oshikondo shika tashi tseyitha ngeyi kutya uulingilingi uushona lela owa ndhindhilikwa pethimbo lyomakonakono ga hugunina taga shangwa moshilongo pehulilo lyomumvo gwa zi ko.Ihe nando ongaaka, iizemo yookandidaate ndhoka tadhi fekelelwa uulingilingi mbuka otayi pungulwa manga sigo omakonakono moshinima shika ga pu.