Aapolisi mu South Afrika ya yi mumwe naahololimadhiladhilo

CAPE TOWN – Opolisi mo South Afrika mEtitatu lyoshiwike sha zi ko oya halakanitha aahololimadhiladhilo ye li 300 nooholo dhoongumi, mboka ya li ya boloka oondjila nomatayiyela ye ga tema omulilo molukanda lwa De Doorms, popepi na Cape Town.

Ndika eidhengomumwe pokati kOpolisi naahololimadhiladhilo etalala mu South Afrika. Aahololimadhiladhilo ye li yatatu oya li ya kwatwa po, ya ningilwa iipotha yonkambadhala yokweeta ekuyunguto moshilongo omanga Aapolisi yaali naakwashigwana yaali ya ehemekelwa miikolokosha mbika pu De Doorms, shi li ookilometa 140 lwaampoka kuumbangalantuzilo wa Cape Town, Omugandjimulombo gwOpolisi Randall Stoffels, osho a popi.Omuntu omutine okwa kwatwa po pehololomadhiladhilo lya yooloka, lya ningilwa popepi nokandoolopa ka Khyayelitsa pondje ya Cape Town, mpoka aantu ye li 80 ya boloka ondjila e taya tameke okuumba Opolisi nomamanya.Aantu mbaka oya li ya yelutha omapulakata ga shangwa, “No Land, No House, No Vote,” ya dhiladhila omapopyo kutya otaya ka boikota omahogololo gOpamapangelo gOpaitopolwa, ngoka taga ka ningwa moshilongo shika mu Maalitsa 2006.Aahololimadhiladhilo pu Khayelitsa oya popi kutya oya geela Ookansela yElelo lyondoolopa yawo, mboka taya popi kutya inaya hala okuninga po sha keindilo lyawo kutya oya hala omagumbo ge li nawa.”Ngele shika otashi ti kutya otu na okuninga oshilongo shika mu kale kamu na oveta, ota tu ningi ngaaka sigo omaindilo getu ga pulakenwa,” omupopiliko gwawo Mziwonke Poni, osho a popi ngaaka manga Opolisi inayi mu manga po.Aantu ye li oomiliyuna heyali mu South Afrika, ohaya zi momalukanda giinyakwi, ngoka ga indjipala pethimbo lyuukoloni.Ngashiingeyi aantu mbaka oya geya molwashoka aniwa Epangelo lyOmupreidende Thabo Mbeki, inali ninga po sha shomupondo mokuya tungila omagumbo ge li nawa.Omwedhi gwa zi ko, Opolisi oya li yu umbu omuku gwohaasa nooholo dhoongumi opo ya halakanithe aahololomadhiladhilo ya geya, moondoolopa dhi ili nodhi ili moshilongo.- Nampa-AFPAahololimadhiladhilo ye li yatatu oya li ya kwatwa po, ya ningilwa iipotha yonkambadhala yokweeta ekuyunguto moshilongo omanga Aapolisi yaali naakwashigwana yaali ya ehemekelwa miikolokosha mbika pu De Doorms, shi li ookilometa 140 lwaampoka kuumbangalantuzilo wa Cape Town, Omugandjimulombo gwOpolisi Randall Stoffels, osho a popi.Omuntu omutine okwa kwatwa po pehololomadhiladhilo lya yooloka, lya ningilwa popepi nokandoolopa ka Khyayelitsa pondje ya Cape Town, mpoka aantu ye li 80 ya boloka ondjila e taya tameke okuumba Opolisi nomamanya.Aantu mbaka oya li ya yelutha omapulakata ga shangwa, “No Land, No House, No Vote,” ya dhiladhila omapopyo kutya otaya ka boikota omahogololo gOpamapangelo gOpaitopolwa, ngoka taga ka ningwa moshilongo shika mu Maalitsa 2006.Aahololimadhiladhilo pu Khayelitsa oya popi kutya oya geela Ookansela yElelo lyondoolopa yawo, mboka taya popi kutya inaya hala okuninga po sha keindilo lyawo kutya oya hala omagumbo ge li nawa.”Ngele shika otashi ti kutya otu na okuninga oshilongo shika mu kale kamu na oveta, ota tu ningi ngaaka sigo omaindilo getu ga pulakenwa,” omupopiliko gwawo Mziwonke Poni, osho a popi ngaaka manga Opolisi inayi mu manga po.Aantu ye li oomiliyuna heyali mu South Afrika, ohaya zi momalukanda giinyakwi, ngoka ga indjipala pethimbo lyuukoloni.Ngashiingeyi aantu mbaka oya geya molwashoka aniwa Epangelo lyOmupreidende Thabo Mbeki, inali ninga po sha shomupondo mokuya tungila omagumbo ge li nawa.Omwedhi gwa zi ko, Opolisi oya li yu umbu omuku gwohaasa nooholo dhoongumi opo ya halakanithe aahololomadhiladhilo ya geya, moondoolopa dhi ili nodhi ili moshilongo.- Nampa-AFP