DAPP a gandja oombasikela kOproyeka ya TCE

EHANGANO egandjimakwathelo momaudhigu gi ili nogi ili ga taalela oshigwana lyedhina Development Aid from People to People (DAPP) omasiku ga zi ko, olya gandja oombasikela dhi li 12 kaagundjuka mboka taya ndungike oshigwana nkene shi na okwiigamena komukithi gwo HIV-IDS moshikandjohogololo sha Ngwediva moshitopolwa sha Shana.

Aagundjuka mbaka oye li iilyo yOproyeka ya DAPP yedhina Total Control of Epidemic (TCE), moka aagundjuka haa yi momikunda nokweenda egumbo negumbo – taya gandja uuyelele kombinga yekondjitho lyomukithi nguka. Oombasikela ndhika odha li nee dha pewa aagundjuka mbaka omulongongo nayaali ku Kansola gwoshikandjohogololo sha Ngwedia, tate Silverius Thikameni Ekandjo, e dhi ya pela pOmbelewa ye pOngwediva.Maria Nghiilwamo, ngoka oye e li omukwatelikomeho gwaagundjuka yOproyeka ya TCE moshikandjohololo shika, okwa ti oya nyanyukilwa DAPP noonkondo sho e ya pe oombasikela ndhika molwashoka, nale oya li haya ende iinano iile kolupadhi oku ka kwathela oshigwana.Ta ti, oombasikela ndhika otadhi ke ya kwathela ya kale haya thiki koshigwana pethimbo.Nale, aagundjuka mbaka oya li haya galuka ya vulwa noya zinda oompadhi kokweenda nokomutenya.Aagundjuka mbaka oya li ya mono omadheulo kombinga yokugandja uuyelele nkene aantu ye na okwiigamena komukithi gwo HIV-AIDS mu Septemba.Ya dheulilwa pOombelela oonene dha DAPP pOnambelela mOmbalantu moshitopolwa sha Musati.Kansola Ekandjo okwa ningi eindilo kaagundjuka mbaka kutya naya kwate nawa oombasikela ndhika.”Ina mu ke dhi longitha mokuhumbata iikuni nenge omandini gomeya,” Kansola Ekandjo ta popi ngaaka.Ta ti, oombasikela ndhika odhi na okulongithwa shoka dha nuninwa molwashoka, omukithi gwo HIV-AIDS ogwo uupyakadhi uunene wa taalela Namibia.Ekandjo okwa ti pamayalulo gomumvo gwa zi ko, Namibia oku li piitihamano miilongo mbyoka yi na aantu oyendji ya kwatwa ko HIV-AIDS muuyuni.Oscar Shiweva, e li omukwatheli-kwatakanithi gwOproyeka ya TCE pOsenda ya DAPP pOnambelela, okwa ti oombasikela ndhika oye dhi mono pamakwathelo goshimaliwa sha zi kehangano lya DAPP, ndyoka olyo li li omuyambidhidhi gwa DAPP omunene.Oombasikela ndhika odha li nee dha pewa aagundjuka mbaka omulongongo nayaali ku Kansola gwoshikandjohogololo sha Ngwedia, tate Silverius Thikameni Ekandjo, e dhi ya pela pOmbelewa ye pOngwediva.Maria Nghiilwamo, ngoka oye e li omukwatelikomeho gwaagundjuka yOproyeka ya TCE moshikandjohololo shika, okwa ti oya nyanyukilwa DAPP noonkondo sho e ya pe oombasikela ndhika molwashoka, nale oya li haya ende iinano iile kolupadhi oku ka kwathela oshigwana.Ta ti, oombasikela ndhika otadhi ke ya kwathela ya kale haya thiki koshigwana pethimbo.Nale, aagundjuka mbaka oya li haya galuka ya vulwa noya zinda oompadhi kokweenda nokomutenya.Aagundjuka mbaka oya li ya mono omadheulo kombinga yokugandja uuyelele nkene aantu ye na okwiigamena komukithi gwo HIV-AIDS mu Septemba.Ya dheulilwa pOombelela oonene dha DAPP pOnambelela mOmbalantu moshitopolwa sha Musati.Kansola Ekandjo okwa ningi eindilo kaagundjuka mbaka kutya naya kwate nawa oombasikela ndhika.”Ina mu ke dhi longitha mokuhumbata iikuni nenge omandini gomeya,” Kansola Ekandjo ta popi ngaaka.Ta ti, oombasikela ndhika odhi na okulongithwa shoka dha nuninwa molwashoka, omukithi gwo HIV-AIDS ogwo uupyakadhi uunene wa taalela Namibia.Ekandjo okwa ti pamayalulo gomumvo gwa zi ko, Namibia oku li piitihamano miilongo mbyoka yi na aantu oyendji ya kwatwa ko HIV-AIDS muuyuni.Oscar Shiweva, e li omukwatheli-kwatakanithi gwOproyeka ya TCE pOsenda ya DAPP pOnambelela, okwa ti oombasikela ndhika oye dhi mono pamakwathelo goshimaliwa sha zi kehangano lya DAPP, ndyoka olyo li li omuyambidhidhi gwa DAPP omunene.