Oidjemo yomahoololo opashiwana oyo ya dja mo ovanhu otavati kai li mondjila, omahoololo okwa dopa okukala a manguluka noku li pauyuki.
Omukonakoni woibofa yovanailonga vepangelo mukulu John Walters naao e li ko paife Basilius Dyakugha navo ove na omalipulo kombinga yomukalo oo okomisi yomahoololo yaNamibia ya kwatela komesho omahoololo oshovie sha dja ko.
Ovanamibia ve dulife pomiliyona imwe oshinghwanyu nhee okwa li ve lishangifa opo va kufe omabinga momahoololo Etitau la dja ko.
Ashike nee, ovanhu vamwe kakwa li va hoolola molwomumbwe yoipumbiwa. Omahoololo okwa li a wedelwa fi yo omexuliloshivike kokomisi yomahoololo molweembapila domahoololo kwa li inadiwana, oshinima oshop tashi kondjifwa keengudu domilameno.
Walters Oshoondaxa okwa lombwela oThe Namibian kutya omahoololo kakwa li e li pauyuki molwengabeko lewedelo.
“Kakwa lishi li pauyuki shaashi kakwa li sha ningwa koitopolwahoololo aishe moshilongo,” Osho a ti ngaho.
Okwa pula kutya okomisi oya hoolola ngahelipi eenhele dokuhoololela odo da ningilwa omahoololo eshi a undulilwa komesho.
“Omolwashike nokwa li kwa talika koshike eshi kwa hoololwa eenhele edi dokuhoololela? Osha limbililika vahapu,” Osho a ti ngaho.
“Ovanhu vamwe koitopolwahoololo ova patelwa kondje,” Walters osho a ti ngaho.
Okwa kunghilila okomisi yomahoololo eshi ya fininika Ovanamibia va kale tava lotokele koixwa ve ke livatele.
“Opwa li pu na oupyakadiushona wokukala va fikama momutenya nokutondokela divadiva koixwa oyo i li kokule,” Osho a ti ngaho.
Walters okwa itavela kutya okwa li ve na okuyandja oipumbiwa yopakafimbo kovahoololi.
Dyakugha Olomakaya okwa ti ovahala okomisi i longe noshikumungushelineekelo noukwashili.
“Kave na lela eshi va ninga va lombwele oshiwana, ngee eshi tava ningi oshi li ngaa koshi yoveta,” Osho a ti ngaho.
Dyakugha okwa ti osho oveta inai kelela, otashi dulu okuningwa.
“Onghee nee, oshi li mpkatndo komahoololo, inashi indikwa opo va wedele omahoololo nomafiku edfulife pwaavali, osho shi kumwifa lelalela, shaashi ovanhu ava vahoolola momafiku 27 ove dulife ovanhu ovo inava hoolola,” Osho a ti ngaho.
Okwa denga omufindo kutya okomisi yomahoololo nai yeleke nokupopya kutya oya fikama peni paveta.
“Ngee owa tale kwaaashi oveta yomahoololo tai ti, otai ti konima yokulinyolifa, ovanhu ove na okuhoolola ndee tava valulile ponhele opo pa hoololelwa,” Osho a ti ngaho.
Ongudu yokutala nghee omahoololo taa ende oya ti omahoololo kakwa li e na oinima imwe oyo tai pulwa kekotamhango, okatendo komahoololo, nosho yo omilandu dehangano lomayambulepo oiwana yokoumbuwanhu waAfrika nomilandu dokukwatela komesho omahoololo opaudemokoli domido 2021.
“Hahende woinima ya pamba oufemba womunhu wokuumbuwanhu waAfrica omukonakoni womahoololo okwa holola onghumwe kutya eenhele dihapu dokuhoololela odo da konakonwa pefimbo lokupatulula kakwa li di na oipumbiwa ya fimana yo mahoololo novanhu kakwa li ve lilongekida okutameka okuhoolola,” Olopota yavo osho ya ti ngaho.
Hahende okwa ti kutya ovahoololi okwa li ve na okuteelela fiyo va kanifa elineekelo lavo ndee tava tameke okuholola omadilaadilo.
“Otwa mona ehandu lakula lovahoololi osho sha eta nokuli ovahoololi va fiye po eenhele dokuhoololela inava hoolola,” Olopota osho ya ti ngaho.
Olopota oya ti okwa li pu na omumbwe yeembapila domahoololo peenhe dokuhoololela okudja ngaa potundi 11h00, nande okomisi yomahoololo oaya ti okwa li i na eembapila domahoololo da pitilila d li 400 000.
“Okuhoolola kwomomafiku 27 Novemba okwa li ku yadi oinima ihapu yapuka, okuteya okatendo komahoololo, okuteya ekotamhango, ehandu lovahoololi, oilonga yokomisi yomahoololo ya nghundipala, ngaashi eembapila domahoololo tadinpu po peenhele dokuhoololela, eengodi edi tadi longifwa tadi ndjene, eetoshe tadi pu omamanya nosho eenhele dokuhoololela tadi enddaenda odo da fininika ovahoololi va ye inava hoolola,” Hahende osho a ti ngaho.
Ova itavela kutya opwa li omakateko omahoololo ahapu peenhele dihapu domahoololo moshilongo ashishe.
“Ovakwashiwana ova tameka okuhoolola lwopotundi 09h15 fiyo 09h40 ndee lwopotundi 11h30, okwa li nale pu na omumbwe yeembapila domahoololo eepelsenda 38 deenhele dokuhoololela moshilongo ashishe,” Haende osho a ti ngaho.
Pelesidente wongudu yoPopular for Democratic Movement McHenry Venaani Oshoondaxa okwa ti ongudu yaye itai tambula “oidjemoihe li mondjila”.
“Oidjemo oya danenwa opo kuwanifwe po oinima yongudu imwe. Elai ashike tali dulu okwiitavela oipolopolo oyo ya longekidwa i li ngaho. Otu li meenghundafana neengudu dimwe opo tu kodnjife oshinima eshi paveta,” Osho a ti ngaho.
Omunapaliamente wongudu yoNational Unity Democratic Oraganisation Joseph Kauandenge Oshoondaxa okwa li a tulika komalungula kutya ngee ovahoololi ova hala okukaleka Swapo koshipundi, omahoololo naa kale e li pamukalo udulife ou, ndee Swapo ta findana shili paluheela nomapuyuki.
“Pelesidente wongudu yoIndepentent Patriots for Change (IPC), ou na eyambidido lange lelalela lokulwa fiyo okomhangu ya shi ya ko opo i ekeleshi oshinima eshi vati omahoololo,” Kauandenge osho a shanga ngaho.
Bernadus Swartbooi wongudu yoLandless People’s Movement naye okwa endulula opshinima eshi.
“Okomisi yoamhoololo yaNamibaioya danena omukalo, pamwe na pelesidente ta vatele, okudja moupayakadi umwe wa yuka muukwao wakula unene,” Osho a ti ngaho.
Swartbooi okwa popya kombinga yokukufa onghatu yopaveta konima yoindjemo.
Swartbooi pamwe novaleli vakwao veengudu domilameno Olomakaya ova lundila ongudu tai pangele yaZimbabwe, Zanu-PF, kutya oya vaka omahoololo noya nwefa mo omahoololo aNamibia.
Omukonakoni womahoololo wongongahangano yaAfrica Speciosa Kazibwe okwa ti okomisi yomahoololo oya eta engwangwano eshi ya hoolola eenhele dimwe domahoololo omanga okuvalula kwa tameka nale keenhele dikwao.
Omutumwa okwa ti okomisi yomahoololo kakwa li i na okutula po eenhele dokuhoololela peenhele dopaumwene.
Okwa ti omikweyo dile Etitatu oda eta ovahoololi va kale tava lotauka tava kongo eenhele odo dihe na ovanhu vahpu.
“Ovahoololi okwa li tava kongo eenhele dokuhoololela . . . ondi wete kutya opwa pumbwa okuningwa sha kombinga yasho,” Osho a ti ngaho.
Omuleli wongudu yoIPC Panduleni Itul;a Olomakaya okwa ti okomisi yomahoololo oya dina oudemokoli woshilongo.
“Itatu tambula ko oidjemo yomahoololo aa, kutya nee otai ti otwa findana po oupelesidente, ile oipundi yomopaliamente ile okuningulula,” Itula osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
