ONGELEKA yonkwaevangeli ndjoka ya tseyika nawa Evangelical Lutheran Church in Namibia (Elcin) oshiwike sha zi ko oya hogolola omusita Hilya Nghaangulwa oye a kwatele komeho oshikandjongeleki shokuuzilo mOniipa, moshitopolwa shaShikoto, sigo oponkatu ndjoka taku ka hogolola omumbiisofi gwoshikandjongeleki shoka.
Omusita Nghaangulwa oye omusitagongalo gwongeleka yEdundja moshitopolwa shaHangwena.
Pauyelele wa zi konzokundaneki yoElcin, Omukwetu, Nghaangulwa okwa hogololwa moshigongingeleki shoka sha ningilwa mosenda yaElcin mOngwediva okuza momasiku 29 sigo 30 gaNovemba.
Moshigongingeleki moka omwa hogololwa natango omusita Gideon Niitenge oye a wilike muumbisofi woshikandjongeleki shokuuninginino moNakayale moshitopolwa shaMusati sigo omo2024 sho taku ka ningwa omahogololo gomumbiisofi gwoshikandjongeleki ndjoka.
Euliko lyaaleli mboka olya landula eso lyaangoka a li omumbiisofi gwoshikandjongeleki shokUuzilo, omundohotola Martin Ngodji, ngoka a mana oondjenda momasiku 17 gaSeptemba numvo.
Ngodji okwa li a hogololwa ongomumbiisofi gwoshikandjongeleki shokUuzilo, moshigongingeleki oshiti-24 shoka sha li ko muAuguste nuumvo nokwa adhika ta langekelwa oshipundi she muNovemba.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
