Epangelo lyi iyekela pomutenya kombinga yoondjambi dhaalongi

EPANGELO olya popi kutya ita li ka gwedhela oondjambi nomauwanawa galwe gaalongisikola mboka ya longo ethimbo ele.

Ominista yOmauyelele niikwakutumwamombepo Netumbo Nandi-Ndaitwah okwa ti Okabinete itayi ka pulakena nokuli koshinima shatya ngaaka, molwashoka aniwa oshi li pondje yomulandu gwegandjo lyoondjambi gwAaniilonga mEpangelo. Nandi-Ndaitwah shika okwe shi popi konima ashike sho aalongisikola moshilongo ashihe ya ningi ekanka, taya indile kutya aalongoisikola mboka ya longo ethimbo ele naya futwe nawa ngashi mboka opo ya zi kIiputudhililo yUulongisikola.Nande ongaaka, Amushanga-Ndjayi gwehangano lyaalongiskola lya Namibia National Teachers Union (Nantu) Miriam Hamutenya, okwa ekelehi omapopyo ga Minista Nandi-Ndaitwah, kutya oonkundathana dhi na sha nokutula miilonga oshinima shika odhi li metifa.”Ina tu shi kutha ko shoshili.Aalongisikola itaya mwenekwa ku shoka,” Hamutenya osho a lombwele The Namibian ngaaka.Ta ti, Nandi-Ndaitwah ota endulula ashike shoka sha li sha popiwa kOminista yElongo Nangolo Mbumba, omathimbo ga zi ko, palombwelo lyOkabinete.Nandi-Ndaitwah okwa ti Aanambelewa mOmbelewa yOmuprima noyUuministeli wElongo oya ningi oshinima sha pitilila oonkondo dhawo, sho ya gandja omilandu nkene oshinima shika shi na okuningwa.Ta ti, okwa katukwa onkatu okukonga mo aantu mbaka na otaya ka katukilwa onkatu.Nandi-Ndaitwah shika okwe shi popi komeho ga Amushanga omukuluntu mUuministeli wElongo, Vitalis Ankama na Amushanga gwopevi gwOkabinete, Steve Katjiuanjo, mboka kOombelewa dhawo oko kwa pitithwa etulomiilonga lyegwedhelo lyoondjambi nomawanawa galwe gaalongisikola mbaka.Oondokumende ndhoka Oshifo shika shi na, otadhi ulike kutya omulandu nguka omupe gwoondjambi dhaalongisikola, ogwa pita wo kOmbelewa yOmupresidende nosho wo kOshikondo shAakonakoni yOmonanguwi.Mu Desemba 18, 2003, Ombelewa yOmuprimaminista – padhiladhilo lyOkomisi yAaniilonga mEpangelo (Public Service Commission), oya li ya shangele Ombapila kUuministeli wElongo moka ya popi kutya oya zimina ekuto lyaalongisikola lya talululwa na oshinima shika oshi na okutulwa miilonga okuza momasiku 1 ga Januali 2003.Ihe sho Epangelo lya ndopa okutula oshinima shika miilonga, Nantu okwa pula kutya omolwashike inali shi ninga.Mu Febuluali nuumvo, Nantu nUuministeli wElongo oya li ya pititha omushangwa, moka ya popi kutya oshinima shika osha laata okutulwa miilonga omolu iilonga oyindji yopambelewa mbyoka ya li po.Uuministeli wElongo owa li wa uvaneke kutya oshinima shika otashi ka tulwa miilonga ngele pwa monika oshimaliwa shi ikalekelwa.Omwedhi gwa zi ko, Uuminiteli wElongo owa popi kutya oshinima shika itashi ka ningwa we molwashoka aniwa kashi li paveta.Hamutenya okwa ti Nantu ita ka taamba ko omapopyo gEpangelo kutya oshinima shika kashi li paveta.Ta ti, ookategori dha konda po 40 miikondo yEpangelo odha talululwa nale patokolo olyo tuu ndika.”Mbyoka kayi shi iilonga yetu.Tse ota tu pula ashike uuthemba wetu,” Hamutenya ta popi.Nandi-Ndaitwah okwa ti Epangelo itali ka etha Oveta yIilonga mEpangelo noyIimaliwa yEpangelo yi taagulukwe molwashoka, otashi ka eta ashike omayono gadho monakuyiwa.Ta ti, ngele oshinima shika osha tulwa miilonga, otashi ka eta ashike uutondwe nomahilathano maalongisikola molwashoka aniwa aalongisikola ashike ye li 6 000 yomaalongisikola ya konda po 18 500 (moshilongo ashihe) taya ka mona egwedhelo koondjambi dhawo.Nandi-Ndaitwah okwa ti otashi uvitha nayi sho Nantu a ningi ehololomadhiladhilo nokukonga eyambidhidho lyoshigwana, omanga ehangano ndika li li natango moonkundathana nEpangelo okukandulapo omukundu nguka pamukalo gwopambili.Minista Nandi-Ndaitwah okwa popi wo kutya Nantu okwa ningi ehololomadhiladhilo ndika pethimbo ewinayi, molwashoka Omupresidende Hifikepunya Pohamba oku li kOmutumba gwAayehe gwIigwanahangano ko New York, ta kondjele uuwanawa wAanamibia ayehe.Nandi-Ndaitwah shika okwe shi popi konima ashike sho aalongisikola moshilongo ashihe ya ningi ekanka, taya indile kutya aalongoisikola mboka ya longo ethimbo ele naya futwe nawa ngashi mboka opo ya zi kIiputudhililo yUulongisikola.Nande ongaaka, Amushanga-Ndjayi gwehangano lyaalongiskola lya Namibia National Teachers Union (Nantu) Miriam Hamutenya, okwa ekelehi omapopyo ga Minista Nandi-Ndaitwah, kutya oonkundathana dhi na sha nokutula miilonga oshinima shika odhi li metifa.”Ina tu shi kutha ko shoshili.Aalongisikola itaya mwenekwa ku shoka,” Hamutenya osho a lombwele The Namibian ngaaka.Ta ti, Nandi-Ndaitwah ota endulula ashike shoka sha li sha popiwa kOminista yElongo Nangolo Mbumba, omathimbo ga zi ko, palombwelo lyOkabinete.Nandi-Ndaitwah okwa ti Aanambelewa mOmbelewa yOmuprima noyUuministeli wElongo oya ningi oshinima sha pitilila oonkondo dhawo, sho ya gandja omilandu nkene oshinima shika shi na okuningwa.Ta ti, okwa katukwa onkatu okukonga mo aantu mbaka na otaya ka katukilwa onkatu.Nandi-Ndaitwah shika okwe shi popi komeho ga Amushanga omukuluntu mUuministeli wElongo, Vitalis Ankama na Amushanga gwopevi gwOkabinete, Steve Katjiuanjo, mboka kOombelewa dhawo oko kwa pitithwa etulomiilonga lyegwedhelo lyoondjambi nomawanawa galwe gaalongisikola mbaka.Oondokumende ndhoka Oshifo shika shi na, otadhi ulike kutya omulandu nguka omupe gwoondjambi dhaalongisikola, ogwa pita wo kOmbelewa yOmupresidende nosho wo kOshikondo shAakonakoni yOmonanguwi.Mu Desemba 18, 2003, Ombelewa yOmuprimaminista – padhiladhilo lyOkomisi yAaniilonga mEpangelo (Public Service Commission), oya li ya shangele Ombapila kUuministeli wElongo moka ya popi kutya oya zimina ekuto lyaalongisikola lya talululwa na oshinima shika oshi na okutulwa miilonga okuza momasiku 1 ga Januali 2003.Ihe sho Epangelo lya ndopa okutula oshinima shika miilonga, Nantu okwa pula kutya omolwashike inali shi ninga.Mu Febuluali nuumvo, Nantu nUuministeli wElongo oya li ya pititha omushangwa, moka ya popi kutya oshinima shika osha laata okutulwa miilonga omolu iilonga oyindji yopambelewa mbyoka ya li po.Uuministeli wElongo owa li wa uvaneke kutya oshinima shika otashi ka tulwa miilonga ngele pwa monika oshimaliwa shi ikalekelwa.Omwedhi gwa zi ko, Uuminiteli wElongo owa popi kutya oshinima shika itashi ka ningwa we molwashoka aniwa kashi li paveta.Hamutenya okwa ti Nantu ita ka taamba ko omapopyo gEpangelo kutya oshinima shika kashi li paveta.Ta ti, ookategori dha konda po 40 miikondo yEpangelo odha talululwa nale patokolo olyo tuu ndika.”Mbyoka kayi shi iilonga yetu.Tse ota tu pula ashike uuthemba wetu,” Hamutenya ta popi.Nandi-Ndaitwah okwa ti Epangelo itali ka etha Oveta yIilonga mEpangelo noyIimaliwa yEpangelo yi taagulukwe molwashoka, otashi ka eta ashike omayono gadho monakuyiwa. Ta ti, ngele oshinima shika osha tulwa miilonga, otashi ka eta ashike uutondwe nomahilathano maalongisikola molwashoka aniwa aalongisikola ashike ye li 6 000 yomaalongisikola ya konda po 18 500 (moshilongo ashihe) taya ka mona egwedhelo koondjambi dhawo.Nandi-Ndaitwah okwa ti otashi uvitha nayi sho Nantu a ningi ehololomadhiladhilo nokukonga eyambidhidho lyoshigwana, omanga ehangano ndika li li natango moonkundathana nEpangelo okukandulapo omukundu nguka pamukalo gwopambili.Minista Nandi-Ndaitwah okwa popi wo kutya Nantu okwa ningi ehololomadhiladhilo ndika pethimbo ewinayi, molwashoka Omupresidende Hifikepunya Pohamba oku li kOmutumba gwAayehe gwIigwanahangano ko New York, ta kondjele uuwanawa wAanamibia ayehe.