Etidho lyUumbishi megumbo negonga lya eta eso lyomukulupe mOshandumbala

O MUKULUPE gwoomvula omilongo hetatu (80) gwomomukunda Oshandumbala mUukwambi popepi nOshakati mOshitopolwa sha Shana tatekulu Wilfried Emvula okwa mana oondjenda dhe ombaadhilila sho a tsuwa negonga metundji (kokugulu kokokulyo) komatango gOmaandaha ngaka ga zi ko megumbo lye mOshandumbala moka.

Ehokololo ndika ekumithi otali ti kutya omonamati gwa tatekulu Emvula gwoomvula 47 lwaampoka, komatango lela gOmaandaha ga zi ko, lwopetata lyohetatu yokongulohi lwaampoka, okwa li ta tidhaatidha uumbishi megumbo lyawo mOshandumbala moka negonga. Moku wu tidhagana ngawo negonga, okwa umbu kamwe negonga ndyoka.Nani kombinga hoka kwa li okambishi, hoka umbu negonga, oko kwa li kwa gama he, ano tatekulu Emvula, nokwe mu tsu negonga mokugulu, metundji lyokolulyo.Omukulupe okwa tameke ta zi aniwa ombinzi oyindji tayi endelele, nokwe mu fala koshipangelo shEpangelo sha Shakati.Omukulupe okwa li a ehama unene nolwopomulongo guusiku mboka okwa mana oondjenda dhe.Omupopiliko gwOpolisi mOshitopolwa sha Shana, Konstabela Jonas Slogan Matheus, ota ti kutya omonamati gwa nakusa tatekulu Emvula ngoka, okwa kwatwa po kOpolisi nokwa ningilwa oshipotha shedhipago.Edhina lye itali vulu okutumbulwa manga oshoka natango ina holoka mOmpangu kwali.Otali ka tseyithwa ashike ngele a holoka mOmpangu, moka a tegelelwa kwali a holoke omutenya gwohela.Moku wu tidhagana ngawo negonga, okwa umbu kamwe negonga ndyoka.Nani kombinga hoka kwa li okambishi, hoka umbu negonga, oko kwa li kwa gama he, ano tatekulu Emvula, nokwe mu tsu negonga mokugulu, metundji lyokolulyo.Omukulupe okwa tameke ta zi aniwa ombinzi oyindji tayi endelele, nokwe mu fala koshipangelo shEpangelo sha Shakati.Omukulupe okwa li a ehama unene nolwopomulongo guusiku mboka okwa mana oondjenda dhe.Omupopiliko gwOpolisi mOshitopolwa sha Shana, Konstabela Jonas Slogan Matheus, ota ti kutya omonamati gwa nakusa tatekulu Emvula ngoka, okwa kwatwa po kOpolisi nokwa ningilwa oshipotha shedhipago.Edhina lye itali vulu okutumbulwa manga oshoka natango ina holoka mOmpangu kwali.Otali ka tseyithwa ashike ngele a holoka mOmpangu, moka a tegelelwa kwali a holoke omutenya gwohela.