Ewawa lyoomeme moSwapo oli na okongresa mu Desemba

E WAWA lyOomeme moSwapo (Women Council) olya ningi etokolo okuninga okongresa yalyo mu Desemba nuumvo opo ya ka hogolole aawili yawo aape.

Amushanga gwOpevi mEwawa lyOomeme moSwapo Linea Shaetonhodi okwa tseyitha mEiyali lyoshiwike sha zi ko kutya okongresa yawo otayi ka ningilwa koRundu momasiku 8 sigo 10 ga Desemba nuumvo. Moshigongi nenge tutye mokongresa ndjika otamu ka kala aakuthimbinga ye vulithe po 550 mboka taya ka hogolola Amushanga gwEwawa lyoomeme nomupeha gwe.Kashali sha yela oshiwike sha zi ko ngele Amushanga gwEwawa ndika Eunice Iipinge ota ka thikama natango muukandidaate wopoosa ndjika.Pakotampango lyOpaati ota vulu natango okuthikama muukandidaate nokuhogolululwa.Iipinge okwa li a hogololwa a ninge Amushanga gwEwawa ndika pethimbo lyokongresa ndjoka ya li mOngwediva mu Desemba omumvo 2001.Pethimbo ndyoka meme Iipinge okwa pingena po nakusa Erica Ramakhutla.Shaetonhodi okwa li a hogololwa a ninge omupeha gwa meme Iipinge.Ipinge okwa li a hogololwa nomake ge li 284, omanga nakumukondjitha Josephina Hamutwe a li a mono omake ge li 77.Omathigathano guuhamushanga wopevi oga li pokati ka Generosa Andowa ngoka e li Kansola gwa Anamulenge pethimbo ndyoka nokwa li wo oshilyo shOlaata ontiyali yOpashigwana na Shaetonhodi.Shaetonhodi okwa sindana opoosa ndjika nomake ge li 277 omanga Andowa a mono omake ge li 130.Shaetonhodi okwa ti kutya omalongekidho gokongresa ndjika oga kundathanwa nale kongundumutima.Moshigongi nenge tutye mokongresa ndjika otamu ka kala aakuthimbinga ye vulithe po 550 mboka taya ka hogolola Amushanga gwEwawa lyoomeme nomupeha gwe.Kashali sha yela oshiwike sha zi ko ngele Amushanga gwEwawa ndika Eunice Iipinge ota ka thikama natango muukandidaate wopoosa ndjika.Pakotampango lyOpaati ota vulu natango okuthikama muukandidaate nokuhogolululwa.Iipinge okwa li a hogololwa a ninge Amushanga gwEwawa ndika pethimbo lyokongresa ndjoka ya li mOngwediva mu Desemba omumvo 2001.Pethimbo ndyoka meme Iipinge okwa pingena po nakusa Erica Ramakhutla. Shaetonhodi okwa li a hogololwa a ninge omupeha gwa meme Iipinge.Ipinge okwa li a hogololwa nomake ge li 284, omanga nakumukondjitha Josephina Hamutwe a li a mono omake ge li 77.Omathigathano guuhamushanga wopevi oga li pokati ka Generosa Andowa ngoka e li Kansola gwa Anamulenge pethimbo ndyoka nokwa li wo oshilyo shOlaata ontiyali yOpashigwana na Shaetonhodi.Shaetonhodi okwa sindana opoosa ndjika nomake ge li 277 omanga Andowa a mono omake ge li 130.Shaetonhodi okwa ti kutya omalongekidho gokongresa ndjika oga kundathanwa nale kongundumutima.