Omunageshefa Shapwa Kanyama okwa ti ina shakena nale naminista woundjolowele nomayakulo opanghalafa oo opo a ulikwa, Esperance Luvindao.
Momapulaapulo noThe Namibian Etivali, Kanyama okwa ti okwe mu shiiva ashike eshi kwa li a ulikwa ongominista.
“Minista kandi mu shi noinandi mu mona nande onale, okoYouTube ashike nokoTwitter. Onde mu shiiva ashike eshi kwa li a ulikwa ongominista,” Osho a ti ngaho.
Eshi oshe ya konima omunyekadi mukulu Monica Geingos Omaandax aanya omapopyo kutya Luvindao oku li kaume kaye kopofingo.
Geingos natango okwaanya kutya ke na nande omakwatafano naKanyama, oo a kala moshikondo shoundjolowele eedula di dule pomulongo.
Kanyama okwa ti oku shi ashike Geingos ongomunyekadi, ngaashi ashike Ovanamibia vakwao.
“Ondi mu shi ongomunyekadi waNamibia. . . ngaashi ashike keshe umwe,” Osho a ti ngaho.
Okwa ti omapopyo aa opolitika ashike yombilixa nokwa nuninwa ashike okukakeka edina laye.
“Ovanhu otava lwile eemhito, paife otava tula edina lange moinima oyo. Ondi wete kutya ovakondjifi vange tava ningi ngaho opo va teyenge po,” Osho a ti ngaho.
Eedula dihapu, Luvindao okwa kala nokufindana. Momudo 2022, okwa li a pewa epapa loupenda kuQueen Elizabeth II waBritain.
Luvindao, oo e li umwe womovanhu vahetatu ovo va hoololwa kuNetumbo Nandi-Ndaitwah va ye komutumba wopashiwana, okwa kala nokupopiwa koshiwana okudja ngaa mexuliloshivike.
Etivali, ovaleli vopapolitika ngaashi presidente wongudu yoRepublican Party Henk Mudge nomupedu presidente wongudu yoNamibia Economic Freedom Fighters Kalimbo Iipumbu ova pula presidente Nandi-Ndaitwah a talulule euliko landohotola wopaunamiti Luvindao ongominista youndjolowele nomayakulo opanghalafano.
Ashike nande ongaho, ongudu yoPopular Democratic Movement oya popila euliko eli, tai ti okwa li lopapolitika napresidente okwa ninga ehoololo lomondjila.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
