Inda po nawa kuume ketu

Omunangeshefa a tseyika nawa gomOkalongo, a kala e na ongeshefa pOmweelogwakasamane, tate Lukas Ndatila Hatuutala (Shetu) ngoka a manene oondjenda dhe ombaadhilila mOshiponga shohauto mOkalongo moka meti 21 Juli 2006, okwa fumvikilwe pEwaneno mOkalongo okuza mOngeleka ya Ewaneno kengathithi enene lyaalilasa mwa kwatelwa aanangeshefa oyendji lela yomOshitopolwa sha Musati nosho tuu.

Efumviko lye olya li wo lya kalwa ku Kaansela gwOshikandjohogololo sha Kalongo tate John Akaye, ngoka a li a eta po oshipopiwapopitho shElelo lyaMusati, moka a ti kutya eso lya tate Hatuutala, ekanitho enene kOshitopolwa sha Musati nokoNamibia ayihe oshoka okwa li omunangeshefa ta pula komeho meyambulopo lyOshitopolwa nolyoshilongo ashihe. Ta ti kutya oye ngoka a li i iyamba okufala aantu yomOshikandjohogololo sha Kalongo mboka ya kala haya ka longa kolutenda pokati kOshomeya nOndangwa nOshikango nokwa kala ha yakula wo pomahala ogendji nomiinima wo oyindji.Methano ndika otamu monika, yamwe yomaanangeshefa ya thikama poshiketha she mongeleka ya Ewaneno taya gandja kuye esimaneko lya hugunina.Ta ti kutya oye ngoka a li i iyamba okufala aantu yomOshikandjohogololo sha Kalongo mboka ya kala haya ka longa kolutenda pokati kOshomeya nOndangwa nOshikango nokwa kala ha yakula wo pomahala ogendji nomiinima wo oyindji.Methano ndika otamu monika, yamwe yomaanangeshefa ya thikama poshiketha she mongeleka ya Ewaneno taya gandja kuye esimaneko lya hugunina.