Omuleli wongudu yomilameno yopambelewa, Independent Patriots for Change (IPC), Panduleni Itula, ota pula opo ongudu yomilameno yopambelewa i pewe eenghono dihapu ta ti kutya onghalo yopaife inai yandja eenghono dawana.
Itula, nande ongaho, ina koleka ngee ongudu yaye otai i mo ngaa mombelewa noshimaliwa shayo.
Sha totwa kunakufya presidnte ombelewa ohai uya noupaki va yooloka, kwa kwatelwa ovanambelewa veameno vopaumwe, osheendifo shi na omushingi novanambelewa.
Eshi kwa li ta popi noThe Namibian Omaandaxa, Itula okwa ti ekotamhango laNamibia inali tambula ko lela pambelewa ongudu yomilameno yoapambelewa, osho hashi eta i mone oixuna papolitika.
Okwa ti, nande eemhango dopaliamente oda tumbula ongudu yomilameno, eemhango otadi dulu okulundululwa ile okukufwa pokeshe efimbo.
“Meemhango nomekotamhango kamu na nande oilonga noinakuwanifa yongudu yomilameno yopambelewa ashike oi li ashike meemhango dopaliamente osho she shin inga shidjuu okuninga omalunduluko ile okudikufa po, onghee nee otashi indika ovanhu vahapu vaha tye sha,” Itula osho a ti ngaho.
Okwa ti hangaashi meesystema dimwe deepaliamente, omo eengudu domilameno di na eenghono mepangelo, omuleli wongudu yomilameno yopambelewa edina ashike la yandjwa ashike kapu na oilonga yasha.
“Oilonga yongudu yomilameno yopambelewa moilongo ngaashi naTunisia oyo ya totwa kwa talika keesystema daEuropa omo eengudu domilameno dopambelewa dihe na oilonga yasha.
Itula okwa ti oudemokoli wonena kashi shi ashike omawi ahapu, ashike osystema yopolitika tai tula mumwe ovakalelipo nepangelo li na omaufemba a fimana, eemhango doveta naikwao ihapu, nosho yo eenghundafana da yeuluka.
“Ngee opolitika yomilameno oya fimanekwa ongoshinima sha fimana shopaudemokoli shopolitika, napa kale pu na oshinakuwanifa sha yela shepangelo opo shi kwatela po omaliko a tya ngaho ngaashi sha pumbiwa kukwas hilipalekwe kutya omawi eengudu domilameno opo kukwashilipalekwe kutya ekalelepo loinima, okutala nawa oinima nokufimaneka ongushu yovafuti voishoshela mepangelo,” Osho a ti ngaho.
Okwa ti epangelo lomudo 2020 kombinga yongudu yopambelewa yomilameno okwa li la pumbwa okutala unene koinakuwanifa neenghono ponhele yomauwa.
“Ngee oshinima osho sha tulwa pambelewa momudo 2020 – nande nee osha tala unene komauwa ponhele yoinakuwanifa neenghono – oyo ngudu yomilameno, nashi longe nelalakano lopolitika youdemokoli nomouwa wOvanamibia,” Itula osho a ti ngaho.
Natango, omupopiliko womutumba wopashiwana Sakeus Kadhikwa okwa ti ove lipyakidila nokuyandja eembelewa koilyo yopaliamente.
“Okuyela unene nokutya ombelewa yongudu yomilameno yopambelewa oi na omunhu ile kai na omunhu.
Ohatu dulu ashike olyelye ta kala mombelewa ilipipo moshivike tashi ya,” Kadhikwa osho a ti ngaho.
Itula natango okwa ti IPC ita ningi nande omusholondodo waye wopaliamente she likolelela komafininiko oikundaneki nota landula omilandu daye mwene mokushiivifa omuwiliki akula waye ngee efimbo la fiki.
Omundjadjukununi woikwapolitiaka Ndumbah Kamwanyah eshi puhe na omukulunhuwiliki netokolo laItula vaha ye kopaliamente ola kuma eyopombada nondjila yoIPC.
“Oshinima eshi otu shi wete pefimbo leenghundafana domutengenekwafaneko, omo oilyo yongudu yongudu yomilameno yopambelewa tai monika inai longekida nova shi kutya oilonga yavo oyashike ongongudu yomilameno yopambelewa kombinga yokuya komesho.
Eshi ndi shi wete, ovakalelipo voIPC otava ka fininkwa opo va ka pule elelo manga inai nyamukula koikumungu, osho otashi eta omakateko.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
