kapu na oopulanda okutululula aanafaalama mboka taya tidhwa koshitopolwa sha Okavango

E PANGELO olya popi ngeyi kutya inali dhiladhila nenge li pulande okutululula aanafaalama mboka taya tidhwa kElelo lyopamuthigululwakalo lyUukwangali mOshitopolwa sha Kavango moka taya litha iimuna yawo shaalipaveta.

Oministeli yOtango Nahas Angula okwa popi mEtine lya zi ko kutya Epangelo olya tegelela aanafaalama ayehe mboka ya pewa elombwelo kutya naya kale ya thiga po oshitopolwa shoka yeshi ninge nokushuna hoka ya yambukile. Ta popi mOmutumba gwOpashigwana, Angula okwa ti kutya aanafaalama mboka otaya vulu okuninga omaindilo opo ya tulululwe moofaalama dhEpangelo ngele okwa ningwa etseyitho, nenge ya ninge omaindilo gokutulululwa komalelo gopamithigululwakalo nosho wo kOlaata yi na sha nomavi momahala gokomikunda.Angula okwa li ta yamukula komapulo ga McHenry Venaani gwo DTA ngoka a li a hala okutseya kutya Epangelo olya pulanda shike kombinga yaanafaalama mboka ya tinda okuthiga po oshitopolwa shomuuninginino wa Kavango.Venaani ota popi kutya komahala hoka aanafaalama mboka taya thiminikilwa ya shune kaku na uulithilo wa gwana.Omwedhi gwa zi ko, Epangelo olya li lya totha mo omadhina gaanafaalama ye li 50 mboka taku popiwa kutya otaya litha iimuna yawo moshitopolwa shoka shopamuthigululwakalo shUukwangali shaalipaveta noya pelwe elombwelo okuthiga po ehala ndyoka mu Novemba gwa zi ko.Okwa li wo kwa tegelelwa kutya aanafaalama yalwe ye li 23 otaya ka pewa omalombwelo lyaafathana okuthiga po oshitopolwa shoka.Angula okwa popi kutya Epangelo inali hala okwiidhopa moshinima shika meukililo, ihe okwa ti kutya Elelo lyUukwangali nosho wo Olaata yEvi mOshitopolwa sha Kavango otaya pewa omayele kOmbelewa ya Hahende-Ndjayi gwEpangelo nkene ye na okulonga nomilandu dhokutidha aanafaalama moshitopolwa shoka.Ta ti Opolisi oya li ya tegelelwa yi longe noshinima shoka nokufatululila wo oonakukala mehala ndyoka shaalipaveta kutya otashi ya etele shike paenkatu dhopaveta ngele oya tindi okulandula omalombwelo ngoka taya pewa.Nando ongaaka, Angula okwa popi kutya aanafaalama mboka ya tinda okulongelakumwe moshinima shika otashi vulika ya dhitikwe nenge ya lombwelwe ya holoke kOmpangulilo.Ngele omuntu okwa tindi okuthiga po ehala ndyoka, otashi vulika a tulwe mondholongo uule womumvo nenge a fute ombuta yoondola/N$4 000.Aanafaalama mboka oya tindi thilu okuthiga po ehala ndyoka lyuulithilo mUukwangali, taya popi kutya kOwambo kaku na omahala guulithilo molwashoka omahala omanene oga tulwa moondhalate kaanafaalama yalwe aakengeli.Ashike aanafaalama otaya popi kutya otaya ka thiga po owala ehala ndyoka lyUukwangali ngele Epangelo nOmalelo gopamuthigululwakalo lyaNdonga nosho wo lyUukwanyama oge ya pe omahala guulithilo mOwambo.Ta popi mOmutumba gwOpashigwana, Angula okwa ti kutya aanafaalama mboka otaya vulu okuninga omaindilo opo ya tulululwe moofaalama dhEpangelo ngele okwa ningwa etseyitho, nenge ya ninge omaindilo gokutulululwa komalelo gopamithigululwakalo nosho wo kOlaata yi na sha nomavi momahala gokomikunda.Angula okwa li ta yamukula komapulo ga McHenry Venaani gwo DTA ngoka a li a hala okutseya kutya Epangelo olya pulanda shike kombinga yaanafaalama mboka ya tinda okuthiga po oshitopolwa shomuuninginino wa Kavango.Venaani ota popi kutya komahala hoka aanafaalama mboka taya thiminikilwa ya shune kaku na uulithilo wa gwana.Omwedhi gwa zi ko, Epangelo olya li lya totha mo omadhina gaanafaalama ye li 50 mboka taku popiwa kutya otaya litha iimuna yawo moshitopolwa shoka shopamuthigululwakalo shUukwangali shaalipaveta noya pelwe elombwelo okuthiga po ehala ndyoka mu Novemba gwa zi ko.Okwa li wo kwa tegelelwa kutya aanafaalama yalwe ye li 23 otaya ka pewa omalombwelo lyaafathana okuthiga po oshitopolwa shoka.Angula okwa popi kutya Epangelo inali hala okwiidhopa moshinima shika meukililo, ihe okwa ti kutya Elelo lyUukwangali nosho wo Olaata yEvi mOshitopolwa sha Kavango otaya pewa omayele kOmbelewa ya Hahende-Ndjayi gwEpangelo nkene ye na okulonga nomilandu dhokutidha aanafaalama moshitopolwa shoka.Ta ti Opolisi oya li ya tegelelwa yi longe noshinima shoka nokufatululila wo oonakukala mehala ndyoka shaalipaveta kutya otashi ya etele shike paenkatu dhopaveta ngele oya tindi okulandula omalombwelo ngoka taya pewa.Nando ongaaka, Angula okwa popi kutya aanafaalama mboka ya tinda okulongelakumwe moshinima shika otashi vulika ya dhitikwe nenge ya lombwelwe ya holoke kOmpangulilo.Ngele omuntu okwa tindi okuthiga po ehala ndyoka, otashi vulika a tulwe mondholongo uule womumvo nenge a fute ombuta yoondola/N$4 000.Aanafaalama mboka oya tindi thilu okuthiga po ehala ndyoka lyuulithilo mUukwangali, taya popi kutya kOwambo kaku na omahala guulithilo molwashoka omahala omanene oga tulwa moondhalate kaanafaalama yalwe aakengeli.Ashike aanafaalama otaya popi kutya otaya ka thiga po owala ehala ndyoka lyUukwangali ngele Epangelo nOmalelo gopamuthigululwakalo lyaNdonga nosho wo lyUukwanyama oge ya pe omahala guulithilo mOwambo.