Kashi lidule nande epangelo oli mone oipambuliko momahooli

Tashi, epangelo natango ola tokola okutula oimaliwa yovafuti voifendela mokukulila mo ehangano lomahooli lepangelo olo la dundakana ledina Namcor noshimaliwa shi fike poN$1,2 biliyona?

“Nandi shi yeleke ekulilemo eli inali yandja oshimaliwa sha yukilila koNamcor,” omupopiliko wehangano Utaara Hoveka osho a ti ngaho, vati opo nee ovanhu vaha kale va limbililwa unene kutya oimaliwa natango otai ka hepekwa ashike.

Namcor odula ya dja ko kwa ya fiyo opondodo opo e lihanga e na eengunga difike lwopeebiliyona N$2, medina ashike lewiliko la nghundipala novakulunhuwiliki ovo kwa li tava kofa moilonga, ngee itava longo oulingilingi mehangano olo lepangelo.

Namcor oku na eenghono dokufila oshisho omumbwe yomahooli moshilongo.

Momudo 2010, Namcor okwa li a pewa oshimaliwa shi fike peebiliyona N$260 opo a fute eengunga daye dimwe natango nehagano ledina PetroNeft, ehangano lokoRussia olo li yadi oulingilingi. Pefimbo opo, Namcor okwa li e na eenghono dokulanda eepelesenda 50 doipumbiwa yoikwamahooli yaNamibia.

Ekulile mo laxuuninwa lokuyandja oshimaliwa shovafuti voishoshela shi fike poN$1,2 biliyona nali kale edimbulukifo kutya okaimbilo nomapopyo ahapu oo taa popiwa kombinga yoipambuliko momahooli osho tashi popiwa unene kovanangeshefa novapolotika, nOvanamibia ovo va fika po nawa, kashi shi ashike kutya edilaadilo inali dindwa nawa, ashike eemwengu di li pondodo yaxuuninwa, to ningi ashike oshinima shimwe pefimbo limwe ndee owa teelela oidjemo iwa kuhe na vali.

Namcor eshi hatu popi ngaha oku na eenghono dokupula opo a pewe eepelesenda 10 doipambuliko keshe mehangano la hala okulonga omahooli nohasa moNamibia. Ovanamibia vahapu ova kala nokunyenyeta kutya eepelesenda 10 odishona noda pumbwa okuwedelwa di ye pombada kashona.

Vamwe oshinima eshi ove shi yeleka naasho shokoDe Beers tava ti osho sha pumbwa okukala ngaho, ngeno epangelo nalo tali kala li na mo ombinga moumwene wehangano.

Paushili , elongelokumwe lepangelo noDe Beers oshiholelwa shiwa neenghono tashi ulike nghee omauwa e na okumonika nokuyandjwa koshilongo nokovafuti voishoshela.

De Beers okwa kala nokushi pondola: Okawe oka ninga Namdeb a kale oye auke ha futu oishoshela ihapu moshilongo, ehangano noitai yalo aishe

ohai wilikwa kOvanamibia, ovanailonga valo ove na owino uhapu nove li ovo hava fufwa oshimaliwa shihapu moshilongo.
Kutya nee oshinima eshi osho shi li ngaha itashi lineekelwa.

Kapu na omushangwa wu ulike kutya omolwashike De Beers teshi pondola. De Beers okwa kala nokulonga okawe moNamibia eedula omilongo omanga kwa li eyokumwe eli inali tulwa po.

Ovanamibia vashona ova fa va hala okumona kutya omolwashike omahangano epangelo ngaashi oNamibia Wildlife Resort (NWR), olo hali wilike oinima ihapu i na sha novatalelipo, tali dopa nai moilonga yalo fiyo opondodo opo hali kala la pumbwa okukulilwa mo kepangalo omanga ova kondjifi valo tava ningi ashike oiyemo iwa.

Ekulilemo otali dulu okukala liwa kovanailonga vomahangano epangelo ovo luhapu hava futwa nawa, ashike eshi otashi eta nee Ovanamibia vahapu va kale vehe na omayakulo opauhaku,omeva, ehongo/omadeulo noipumbiwa ya keshe efiku.

Namcor, ehe na ohoni, okwa kala ta yandje omikanda domahooli kovanhu ovo ve li ookaume kelelo lavo, ovanailonga novanailonga vepangelo.

Ovanhu ovo ova ka konga omahangono okondje opo e uye a konge omahooli voo va kale tava ningi oimaliwa yavo.

Namcor ngeno kapa li epangelo eli hali mu kulile mo, ngeno paife ngaha ehangano kali na vali oshimaliwa.

Pauxupi, Ovanamibia nave likaleke kokule nomadilaadilo okutya ngee epangelo ola kala li na oipambuliko momahooli omauwa otaa kala ta eya kuvo.