Mensah-Williams i ikwata onkalo yuumbwanda wuukadhona pu Aussenkehr

A ANONA yaakadhona yamwe moshitopolwa sha Karas oye li moshiponga oshinene shokukwatwa komukithi gwoHIV-AIDS molwashoka oye li taya landitha omalutu gawo, Omunashipundi gwOlaata yOpashigwana osho a popi oshiwike shika.

Margaret Mensah-Williams okwa ti ye okwi ikwata uundjolowele waakadhona yamwe kiikunino yomandjembele pu Aussenkehr. Ta ti, uukadhona mbuka u li mepipi lyoomvula oontshona lela okuza pomulongi nane sigo omulongo nahamano (14 sigo 16) ou na nale uunona na oshi li sha yela kutya ngele ya shuna komagumbo, uunona mbuka otaye ke u umbila ooyina nenge ooyinakulu.Olwindji omugundjuka ngele a mono okanona ete ka fala kuyina nenge oku yinakulu, oha galukile ishewe komalukanda hoka a kuthile okanona hoka.Mensah-Williams okwa ti ooproyeka dhomandjembelo pu Aussenkehr odhi li nawa molwashoka odha gandja iilonga kaantu oyendji, ihe aakadhona oyendji oya yi hoka ya ka kale ashike taya landitha omalutu gawo.Ndhika okwe dhi popi mOlaata yOpashigwana mOmaandaha pethimbo lyoompata kombinga yOlapota yoshizemo shetalelopo lyOkomitiye yi na sha nOmayambulopo gopaitopolwa yEgumbo ndika koshitopolwa sha Karas, Hardap nOmaheke.Iilyo yOlaata yOpashigwana oya tameke ishewe nOmutumba mOmaandaha konima yokafudho okafupi.Olopota yOkomitiye ndjika oya li ya tulwa poshitaafula pethimbo Egumbo ndika inali ya mokafudho, ihe kaya li natango yapwa okukundathanwa pethimbo ndyoka.Ta ti, uukadhona mbuka u li mepipi lyoomvula oontshona lela okuza pomulongi nane sigo omulongo nahamano (14 sigo 16) ou na nale uunona na oshi li sha yela kutya ngele ya shuna komagumbo, uunona mbuka otaye ke u umbila ooyina nenge ooyinakulu.Olwindji omugundjuka ngele a mono okanona ete ka fala kuyina nenge oku yinakulu, oha galukile ishewe komalukanda hoka a kuthile okanona hoka. Mensah-Williams okwa ti ooproyeka dhomandjembelo pu Aussenkehr odhi li nawa molwashoka odha gandja iilonga kaantu oyendji, ihe aakadhona oyendji oya yi hoka ya ka kale ashike taya landitha omalutu gawo.Ndhika okwe dhi popi mOlaata yOpashigwana mOmaandaha pethimbo lyoompata kombinga yOlapota yoshizemo shetalelopo lyOkomitiye yi na sha nOmayambulopo gopaitopolwa yEgumbo ndika koshitopolwa sha Karas, Hardap nOmaheke.Iilyo yOlaata yOpashigwana oya tameke ishewe nOmutumba mOmaandaha konima yokafudho okafupi.Olopota yOkomitiye ndjika oya li ya tulwa poshitaafula pethimbo Egumbo ndika inali ya mokafudho, ihe kaya li natango yapwa okukundathanwa pethimbo ndyoka.