Nakunyangula omukulukadhi okampunda ke a pewa oomvula 5 mondholongo mOmpangu yOpombanda

O MPANGU ya Mengestrata mOshakati meti 24 Apilili nuumvo oya mona omugundjuka gwoomvula 20 Johannes Petrus ondjo moshipotha sheyako po lyokampunda komukulukadhi gumwe gwoomvula 57 ha landitha onyama pOmatala ga Shakati, ndele te mu pe oomvula ntano mondholongo hoka kutha mbali ye a ka kale ina uvikila sha muule woomvula ntano ngele a zi ko kondholongo konima yoomvula ndatu ndhoka taka kala mo.

mOkampunda moka omwa li OoN$7250.00, mbyoka mwene gwokampunda hoka a li e yi nunina okukalanda ongombe nenge oongombe dhe dhokutsela e ye a landithe onyama ye pomatala mpoka. Otaku tiwa kutya meti 13 Maalitsa nuumvo, meme ngoka okwe ya pOmatala mpoka nokampunda ke, mu na iimlaiwa mbyoka.Manga ngaa opo e li ta longekidha nawa pehala lye mpoka ha landithile, opweya kambotsotso ngoka Johannes Petrus nokunyangula po okampunda ke hoka mu na iimaliwa yi thike mpoka nokufadhuka po nako, a thinda lwopOpepa lwaampoka.Meme okwa kugu nokwiithana epopilo koshigwana, a lamba mbotsotso ngoka Johannes Petrus.Mbotsotso ngoka ina vula nande okuya kokule oshoka oshigwana osha li she mu lamba noku mu kwata meendelelo nokampunda komukulukadhi.Sho a pulwa kutya okampunda komukulukadhi okwa li tayi nako peni, ota ti okwe ka kutha po a li ashike a hala odola yimwe a ka lande okakuki.Sho a holoka nee komeho gOmupanguli Thomas Kanime, ngoka a li ta lopotelwa ku Advokaata Orben Sibeya, Johannes okwa ti ke na ondjo moshinima shika, ye okwa li ashike a hala odola yimwe a ka lande okakuki ke.Omupanguli Kanime okwa geele noonkondo mbotsotso nguka Johannes, kutya okwa hala oku lombwela Ompangu iifundja.Te mu lombwele ta ti oku na ondjo moshinima shoka noku na okupewa egeelo lya kola ndjoka tali ka kala oshilongwa koombotsotso oonkwawo kutya oshinima shoka kashi ningwa, eyono naangoka to shi ningi owi ilongela okugeelwa.Te mu lombwele kutya ka li e na nande uuthemba okukutha po okampunda komukulukadhi ngoka nosha yela kwali kutya ngeno ka li a kwatwa koshigwana mpoka ngeno Omukulukadhi ngoka okampunda ke ine ka mona we, niimaliwa ye ngeno ine yi mona.Omweetipo gwIipotha Advocate Sibeya okwa li a pula ngeno Johannes nguno a pewe ofaina nenge ondholongo.Ashike Omupanguli Kanime ngoka a li ta monika a yematekwa konkalo yoombotsotso, unene ndhoka dhopOmatala ga Shakati mpoka, okwa tokola oku pa Johannes egeelo lya kwata miiti, lyoku mu tuma ashike kondholongo oomvula ntano.Shoka wo sha uvitha Omupanguli Kanime nayi, ooshoka Johannes ka li ta ulike nande kutya okuuvite e na ondjo nashi ta popiwa naye kAapanguli, ota yamukula nokuninga ashike shoka a hala mOmpangu moka.Pomatala mpoka, omu li po naanaa oombotsotso, tamu ningi shoka mwa hala nokuyonagula ombili yoshigwana mpoka.Onkee Oveta oyi na okuungaunga nane naanaa sigo tamu tula po okuyaka po iinima yaantu, oku ya tula muutoo noku ya nyangula omaliko gawo ngawo.Onkee otandi ku tumu kondholongo yoomvula ntano.Nande ongawo, otandi kutha ko mbali ngoye wu ka kale mo oomvula ndatu na u ka kale ino uvikila sha sha fa shoka muule woomvula ntano ngele wa zi mo mondholongo.Otaku tiwa kutya meti 13 Maalitsa nuumvo, meme ngoka okwe ya pOmatala mpoka nokampunda ke, mu na iimlaiwa mbyoka.Manga ngaa opo e li ta longekidha nawa pehala lye mpoka ha landithile, opweya kambotsotso ngoka Johannes Petrus nokunyangula po okampunda ke hoka mu na iimaliwa yi thike mpoka nokufadhuka po nako, a thinda lwopOpepa lwaampoka.Meme okwa kugu nokwiithana epopilo koshigwana, a lamba mbotsotso ngoka Johannes Petrus.Mbotsotso ngoka ina vula nande okuya kokule oshoka oshigwana osha li she mu lamba noku mu kwata meendelelo nokampunda komukulukadhi.Sho a pulwa kutya okampunda komukulukadhi okwa li tayi nako peni, ota ti okwe ka kutha po a li ashike a hala odola yimwe a ka lande okakuki.Sho a holoka nee komeho gOmupanguli Thomas Kanime, ngoka a li ta lopotelwa ku Advokaata Orben Sibeya, Johannes okwa ti ke na ondjo moshinima shika, ye okwa li ashike a hala odola yimwe a ka lande okakuki ke.Omupanguli Kanime okwa geele noonkondo mbotsotso nguka Johannes, kutya okwa hala oku lombwela Ompangu iifundja.Te mu lombwele ta ti oku na ondjo moshinima shoka noku na okupewa egeelo lya kola ndjoka tali ka kala oshilongwa koombotsotso oonkwawo kutya oshinima shoka kashi ningwa, eyono naangoka to shi ningi owi ilongela okugeelwa.Te mu lombwele kutya ka li e na nande uuthemba okukutha po okampunda komukulukadhi ngoka nosha yela kwali kutya ngeno ka li a kwatwa koshigwana mpoka ngeno Omukulukadhi ngoka okampunda ke ine ka mona we, niimaliwa ye ngeno ine yi mona.Omweetipo gwIipotha Advocate Sibeya okwa li a pula ngeno Johannes nguno a pewe ofaina nenge ondholongo.Ashike Omupanguli Kanime ngoka a li ta monika a yematekwa konkalo yoombotsotso, unene ndhoka dhopOmatala ga Shakati mpoka, okwa tokola oku pa Johannes egeelo lya kwata miiti, lyoku mu tuma ashike kondholongo oomvula ntano.Shoka wo sha uvitha Omupanguli Kanime nayi, ooshoka Johannes ka li ta ulike nande kutya okuuvite e na ondjo nashi ta popiwa naye kAapanguli, ota yamukula nokuninga ashike shoka a hala mOmpangu moka.Pomatala mpoka, omu li po naanaa oombotsotso, tamu ningi shoka mwa hala nokuyonagula ombili yoshigwana mpoka.Onkee Oveta oyi na okuungaunga nane naanaa sigo tamu tula po okuyaka po iinima yaantu, oku ya tula muutoo noku ya nyangula omaliko gawo ngawo.Onkee otandi ku tumu kondholongo yoomvula ntano.Nande ongawo, otandi kutha ko mbali ngoye wu ka kale mo oomvula ndatu na u ka kale ino uvikila sha sha fa shoka muule woomvula ntano ngele wa zi mo mondholongo.