Nekundi okwa monika ta undula omunambelewa wokomisi yomahoololo mokavidio koSouth Africa

Omupedu minista woilonga noyeendifo Veikko Nekundi okwa monika vati mokavidio tau undula omutumwakalelipo wokomisi yomahoololo yaNamibia yedina Electoral Commissioner of Namibia (ECN) pefimbo opo kwa li tava tale nghee eembapila domahoololo tadi longekidwa koSouth Africa.

Oshiningwanima eshi, she likolelela kokavidio oko oThe Namibian ya mona, osha ningwa potundi 13h18 momafiku 25 Oktoba, omanga kwa li ovakalelipo veengudu dopolitika tava tale nawa nokukonakona nghee eembapila domahoololo tadi longwa notadi ungaungwa nado naashi tadi etwa momungulilo koSouth Africa.

Okavidio oka ulika ekondjifafano pokati kaNekundi nomukalelipo wokomisi yomahoololo Pius Iikwambi sha landula okwiitambikida omalaka kwa piyaana pokati kovanhu ovo va li tava tale nghee eembapila tadi longekidwa.

Nekundi okwa lundila Iikwambi kutya otaa mene ehangano olo tali ningi eembapila laSouth Africa.

Oshiningwanima eshi osha ningilwa komungulilo yehangano loRen-Form oyo i li moJohannesburg, ehangano olo la finadana po otendela oyo inai pandika nawa yokulonga nokulongekida eembapila domahoololo oupelesidente nomutumba wopashiwana aNamibia yongushu yeemiliyona N$6.2 oo taa ka kala ko momafiku 27 Novemba.

Nekundi okwa li a ka kalela po Swapo, ashike vati kakwa li vali a pitikwa opo a twikile nokutala nghee oinima aishe tai ende konima yoshiningwanima osho.

Oshiningwanima eshi okwa li e shi koleka Etivali nokwe shi pela ehangano loRen-Form naIikwambi ombedi.

“Ehangano ola dopa okunyamukula omapulo etu kombinga yaasho tashi ifanwa kutya odima komungulilo nosho yo kombinga yeembapila domahoololo dimwe odo twa hanga ponhele imwe. Konima yomapulo, mukulunhuwiliki woinima yopangeshefa yopaunyuni woRen-Form okwa li a hala okututaataya mo monhele omo osho fyee twaanya okuninga,” Osho a lombwela oThe Namibian Etivali ngaho.

Okwa weda po vali: “Konima, omukulunhuwiliki okwa ya a ka ifana ovatumwakalelipo. Inava pwilikina kombinga yetu, omutumwakalelipo oo ta popiwa okwa nukila ashike kokwaamena ehangano. Onde mu pula opo aha kale aama kombinga yehangano, sho aanya. Ehokololo kombinga yoshiningwanima osho kwa li sha kandulwa po nawa osho li li ngaho.” Mokavidio, Nekundi ota monika ta yelula onyala yaye, ta ulike ominwe yee ta undula Iikwambi. Vakwao ovo kwa li ve li poshiningwanima opo ova ti Nekundi okwa li ta nyenyeta kombinga yelunduluko lepangelo.

Odjo okudja kongudu imwe oya ti inava tala vali nghee eembapila tadi longwa, eshi tadi pakelwa, eshi tadi londekwa naashi tadi tutwa, shaashi ehangano ola anya okuvapa epitikilo. “Mafimbo amwe, ove tu pa ashike ominute 20 tu ye mofakitoli ndee hatu di mo,” Odjo osho ya ti ngaho.

Oivike ivali ya pita, okomisi yomahoololo okwa li ya londoda eengudu dopolitika di kale ominge noinima ya nyika upyakadi nosho yo omapopya outondwe konima yoshiningwanima shomafiku aa “tashi kumwifa”. “Omunashipundi wokomisi yomahoololo Elsie Nghikembua okwa ti okomisi oya konakona oinima ya nyika oimbuluma nosho yo omapopyo a nyika outondwe pefimbo loikonga yopolitika koitopolwa imwe moshilongo.

“Eshi otashi dulu okukuma nai oufemba womahoololo oo twa kala nao eedula da pita ongoshiwana shi hole ombili,” Osho a ti ngaho.

EEMBANGI

Omupopiliko wongudu yoNamibia Economic Freedom Fighters Teresa Hamurenge, oo e na oumbangi woshiningwanima, Etivali okwa ti eenamanana oda etwa keembapila domahoololo odo kwa li da fiwa dihe na etonatelo.

“Eshi omapulo kwa li a pulwa, kutya omukonakoni [Nekundi] okwa li a nyamukulwa nai osho she mu udifa nai ndee tadi momhepo younambelewa, ta handuka, osho nee sha ka eta eenangu adishe,” Osho a lombwela oThe Namibian ngaho okudja koSouth Africa.

Hamurenge okwa ti, enyamukulo lokomisi yomahoololo ola ti eembapila domahoololo odo okwa li ashike dokuninga omalolelo.

“Otwa pula kombinga yasho. Okwa li twa lombwelwa kutya okwa li “domalolelo”. Pexulilo lefiku, oshe tu fiya nomapulo inaa nyamukulwa oo nomutumwakalelipo wokomisi ita dulu okunyamukula,” Osho a ti ngaho. Hamurenge, oo a yambidida osho tashi tongwa kuNekundi, okwa ti okomisi yomahoololo inai ungaunga noshiningwanima eshi nawa.

“Sho osho sha undulifa omutumwakalelipo, molwomukalo oo e ya nao peenamanana odo kwa li di li po. Okwa li e na okuliehamekifa,” Osho a ti ngaho.

Hamurenge okwa ti omutumwakalelipo wokomisi okwe limonifa oshiponga yeemwene. “Ngeno kakwa li ngaa ku na omunhu konima yaye eshi kwa li a undulwa, ngeno okwe lidenga po nai. Okomisi yomahoololo oya naipaleka ashike oshinima, shaashi ponhele yokuuda ko kutya oshinima oshikwashike kwa li, okwa li va ama kehangano osho sha handukifa Nekundi unene nokuli.”