. . . E na ondjapo youindjinia ashike oha xupu ashike mokulandifa oikulya yopamufyuululwakalo
Omulumenhu e na ouhongelwe wouindjinia wokutunga okwa ti oshidjuu okwiika kulandifa oikulya pomatala kolukanda konima eshi kwa li a ika okumona oshimaliwa shi li nawa.
Awene Frans (26) oha landifa oikulya yopamufyuululwakalo pomatala aKuryangava konima eshi a kala ehe na oilonga oule weedula hamano.
“Okwa li ndi na oumbada okulonga oilonga ei konima kwa li handi longo komina. Okwa li ndi shi onda dopa,” Osho a ti ngaho.
Frans okwa mana ouhongelwe waye mouindjinina koshiputudilo shopombada shoNamibia Science and Technology momudo 2017.
Okwa li a monaoilonga komina koSesfontein momudo 2018.
Okudja opo omina oya pata.
Frans paife oha landifa oikulya yopamufyuululwakalo ngaashi omaungu, eeshi da kukuta, omakunda, ombidi nomahangu, nosho yo eenghaku noikutu ya djalwa nale.
Okwa ti oku na elineekelo kutya omahoololo oo tee ya otaa ka tota eemhito doilonga dovanyasha.
Okwa oshiwana luhapu ohashi dini oilobga yomaludi amwe, nande nee otai vatele omunhu a kale e na oiyemo yaye itai di moinima yapuka nokutota oilonga kuyemwene.
“Ovanhu ohava sheke diva, ashike itandi dulu ashike okukala ndi li omutumba meumbo nda teelela oilonga, onghee nee onda tameka okulanda oikulya yopamufyuululwakalo okudja koAngola nokoZambia,” Osho a ti ngaho.
Frans okwa ti ovanhu vahapu ove na ohokwe yokulanda oikulya yopamufyuululwakalo oyo inai telekwa. Okwa ti eeveta daamena ovalandifi vomomalukanda ngaashi yee oda fimana.
Okwa ti ke wete ngee omahoololo otaa ka lundula ngaa onghalo yaye, ashike okwa ti oku na elineekelo lokumona oilonga yaasho e lihongela.
“Okumona okudimina. Kandi shi ngee ovanapolitika osho tave tu lombwele oshoshili ngaa,” Osho a ti.
Pakutala komesho, Frans oku na elineekelo lokuyambula ongeshefa yaye.
Oku na ehalo lokumona onhele yaalushe opo ovalandi tava dulu okumona oinima yaye noupu.
Omuxungimwenyo wopangeleka Lyndon van Wyk okwa twa ovanyasha omukumo opo va longife ounongo wavo ve limonene oiyemo.
“Ovanyasha itava sholola omanga ve na owino oo tau dulu okulongifwa. Itava dulu ashike okukala momaumbo vehe na eshi tava ningi,” Osho a ti ngaho.
Van Wyk, oo ha longo novanhu ovo va pikwa koingangamwifi noikolwifa, okwa ti ovanyasha nava konge omapukululo opailonga okudja kouministili woipambele yoilonga, omakwatafano opaikwafaabulika nokutota eemhito doilonga, oyo hai yandje omayakulo oshali.
“Oministili otai dulu okukupukulula ngee osho to lihongele oshi na ngaa oilonga ya wana moshilongo,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
