Olusheno lwa etela Aampundja enyanyu

A AKALIMO yomokukunda Ompundja mUukwambi moshitopolwa sha Shana, ongula yEtitatu lyoshiwike shika oya li menyanyu enene noonkondo sho Ominista yOomina nIikwankondo Erkki Nghimtina, a patulula pambelewa olusheno ndoka lwa etwa pomukunda gwawo.

Olusheno nduka olwa tulwa pehala mpoka kwa talika kutya opo pOsenda yomukunda nguka. Ano mpoka pu na Oosikola, Okilinika, Ongeleka noondingosho.Sho Minista Nghimtina a thiki mpoka e li pamwe na Ngoloneya gwoshitopolwa sha Shana Clemens Kashuupulwa, okwa tsakanekwa kOomeme yamwe ya za la omihanga, ya yedha omishila mombanda taya nyantukile mpaka naampeyaka.Aalongwa yopOosikola mbali dhopOmpundja oya li ya dhanene ko Minista Nghimtina iidhano yopamuthigululwakalo, moka ya li ya ulike enyanyu lyawo sho Epangelo lye ya etela olusheno pOmpundja.”Nena siku lya simina pOmpundja,” omusamane Erastus Kapolo, ngoka e li Omukwatakanithi gwongundu yoSwapo moshikandjohogololo sha Shakati-Uzilo, osho a popi ngaaka.Kapolo oye a li omuwiliki gwoshituthi shika sheegululo pambelewa lyolusheno pOmpundja.Ompundja, oya talika ko ongá ehela tali koko pahumukomeko na oya li molista yEpangelo yomahala ngoka ge na okupewa olusheno moshitopolwa sha Shana momumvo 2006/2007.Omahala galwe ngoka nago ga pewa wo olusheno pamwe nOmpundja moshitopolwa sha Shana, ogo Omashekediva, Uukwiyuwongwe, Onkuni nOntala.Moshipopiwa she, Minista Nghimtina okwa ti egandjo lyolusheno olya simana noonkondo meyambulopo lyeliko lyoshilongo.Okwa ti molwashoka omahala gamwe oge li kokule noonkondo nOonzo dholusheno, ooproyeka dhimwe dhegandjo lyolusheno odha kwata ethimbo ele noonkondo okumanithwa.Nghimtina okwa ti Epangelo olya tokola okugandja olusheno komahala ngoka taga koko momikunda nenge momatungo ngoka ga simana momikunda.Ano ngashi puundunda wopomukunda, Ongeleka, Ookilinika nopOosikola.Aantu mboka ye na omagumbo ge li meni lyoometa ntano okuza ‘potransfooma,’ nayo ohaya pewa wo olusheno uuna ya ningi omaindilo.Ngoloneya Kashuupulwa okwa ti olusheno pOmpundja olwa etela aantu yopomukunda oompito dhi li nawa kombinga yuuhupilo.Ta ti, omolu olusheno nduka, aantu otaya vulu okutota po oongeshefa dhawo ngashi ndhoka dhiishini yokutsa iilya nenge oongalashe dhokufikila.Kashuupulwa okwa indile kaavali ya lombwele aanona yawo kutya olusheno kalu shi okadhanitho.”Ina mu umbila ko iinima koongodhi dholusheno.Ina mu lu dhana, otamu si,” Kashuupulwa ta popi ngaaka nenkukililo.Ano mpoka pu na Oosikola, Okilinika, Ongeleka noondingosho.Sho Minista Nghimtina a thiki mpoka e li pamwe na Ngoloneya gwoshitopolwa sha Shana Clemens Kashuupulwa, okwa tsakanekwa kOomeme yamwe ya za la omihanga, ya yedha omishila mombanda taya nyantukile mpaka naampeyaka.Aalongwa yopOosikola mbali dhopOmpundja oya li ya dhanene ko Minista Nghimtina iidhano yopamuthigululwakalo, moka ya li ya ulike enyanyu lyawo sho Epangelo lye ya etela olusheno pOmpundja.”Nena siku lya simina pOmpundja,” omusamane Erastus Kapolo, ngoka e li Omukwatakanithi gwongundu yoSwapo moshikandjohogololo sha Shakati-Uzilo, osho a popi ngaaka.Kapolo oye a li omuwiliki gwoshituthi shika sheegululo pambelewa lyolusheno pOmpundja.Ompundja, oya talika ko ongá ehela tali koko pahumukomeko na oya li molista yEpangelo yomahala ngoka ge na okupewa olusheno moshitopolwa sha Shana momumvo 2006/2007.Omahala galwe ngoka nago ga pewa wo olusheno pamwe nOmpundja moshitopolwa sha Shana, ogo Omashekediva, Uukwiyuwongwe, Onkuni nOntala.Moshipopiwa she, Minista Nghimtina okwa ti egandjo lyolusheno olya simana noonkondo meyambulopo lyeliko lyoshilongo.Okwa ti molwashoka omahala gamwe oge li kokule noonkondo nOonzo dholusheno, ooproyeka dhimwe dhegandjo lyolusheno odha kwata ethimbo ele noonkondo okumanithwa.Nghimtina okwa ti Epangelo olya tokola okugandja olusheno komahala ngoka taga koko momikunda nenge momatungo ngoka ga simana momikunda.Ano ngashi puundunda wopomukunda, Ongeleka, Ookilinika nopOosikola.Aantu mboka ye na omagumbo ge li meni lyoometa ntano okuza ‘potransfooma,’ nayo ohaya pewa wo olusheno uuna ya ningi omaindilo.Ngoloneya Kashuupulwa okwa ti olusheno pOmpundja olwa etela aantu yopomukunda oompito dhi li nawa kombinga yuuhupilo.Ta ti, omolu olusheno nduka, aantu otaya vulu okutota po oongeshefa dhawo ngashi ndhoka dhiishini yokutsa iilya nenge oongalashe dhokufikila.Kashuupulwa okwa indile kaavali ya lombwele aanona yawo kutya olusheno kalu shi okadhanitho.”Ina mu umbila ko iinima koongodhi dholusheno.Ina mu lu dhana, otamu si,” Kashuupulwa ta popi ngaaka nenkukililo.