Omakonakono gIiyenditho noonakuhinga mOshana ga ya momake gElelo lyaNgwediva

E KONAKONO lyIihauto nosho wo ndjoka lyoonakuhinga iihauto, mOshitopolwa sha Shana, sha Musati, sha Hangwena, sha Shikoto ombinga yimwe nosho wo sha Kunene ombinga yimwe, sha za ko kOpolisi nokuya momakege ga NATIS nElelo lyaNgwediva, sha ningwa nokutulwa miilonga kOministeli yIilonga Iiyenditho, nOmakwatathano omusamane Joel Kaapanda mEtitano lya zi ko mOngwediva.

Pethimbo nee ta tula miilonga oshinakugwanithwa shika, Minista Kaapanda okwa ti kutya momumvo 2002, Okabinete oka ningile etokolo kutya mOshilongo ashihe namu tungwe Oosenda dhi li 21 dhokukonakonena iihauto nosho wo okukonakona nokugandja oombapila dhokwiilonga okuhinga naandhoka dhokuhinga, nelalakano lyokutula po Osenda yimwe ayike mondoolopa onene kehe moka tamu longelwa iilonga mbika ya unganekwa nawa noyi li pehala limwe. Minista ta ti kutya Uuministeli we owa gandja nee oshinakugwanithwa kOshikondo shayo shOondjila shi tulithe miilonga etokolo ndika lyOkabinete.Tau gandja nee oshimaliwa kOshikondo shika shOondjila shi tungithe Oosenda ndhoka mpoka dha pumbiwa moshilongo ashihe.Minista Kaapanda ta ti kutya okwa lombwelwa kutya momumvo gwEmbo lyIimaliwa yomvula ndjika otaku ka tungwa Oosenda dholudhi nduka mOliindili nomOlange nomomumvo gwEmbo lyIimaliwa lyOmvula tali ya, otaku ka tungwa Oosenda dholudhi nduka mEenhana, mOutapi nomOpuwo.Pethimbo ndika, Aaniihatu yokoondoolopa ndhoka ngashi Outapi, Eenhana, Ruacana, Ondangwa, nOpuwo, otaya kala taye ya manga kOsenda ya NATIS mOngwediva omo ya yakulilwe.Minista Kaapanda ta ti kutya ye mwene oshinima shonkalo yEgameno lyomoondjila, ehingonawa neihumbato nawa lyaahingi moondjila moka, oshinima shi mu li komwenyo noonkondo nokwa hala nokuhalelela moondjila mu kale egameno li li nawa.Aahingi ya kale ya konakonwa nawa noye shi okuhinga, omanga iihauto mbyoma tayi ende moondjila moka yi kale ya konaakonwa nawa noyi li kondjila.Ta ti ngashi nee mOngwediva, iihauto ayihe yaamoka oyi na okukonakonwa, yi talike kutya oyi li tuu kondjila shili nenge ahawe.Kaapanda ta ti kutya Osenda yaNgwediva oyo yimwe yomOosenda ndhoka dhi na iikwaniipangitho yopashinanena yi ihwapo nawa.Yi na omashina ngoka ge shi nawa okutala nokukonakona iiyenditho nokutala shoka sha puka mo nokulombwela mwene gwasho shoka e na okuwapaleka mo.”Omukalo ngoka gwa kala mOombelewa ndhika dhokukonakonena iiyenditho gwuulingilingi hau ningwa kaakonakoni yiihauto naahingi otagu ka mona ehulilo.Nena oshi li ngeyi kutya Elelo lya Ngwediva olya kutha ko nee oshinakugwanithwa shika kOpolisi ya Namibia na otandi indile Elelo lya Ngwediva li gandje eyakulo lyatya shoo koshigwana , ano kOokastoma dhalyo moshinima shika.”Otandi indile natango kElelo lya Ngwediva nokOmalelo agehe taga ka kutha ko oshinakugwnaitwha shika shekonakono lyiihauto naahingi, ye shi kuthe ko ashihe shiihwapo thiluthilu nokutaambaka iinakugwnaitwha, omashongo naashihe shi li mo, noku shi tula muwme niinakugwanithwa yElelo.”Shaashi, ngele owe shi kutha ko nawa ashihe nena otashi ka kala oshinima oshiwanawa kElelo lyoye, unene tuu okugandja omayakulo ge li nawa kaakalimo yuomOndoolopa yoye nenge mOshikandjo shoye shoka,” Minista Kaapanda ta ti ngawo nokutsikila ko ta ti sho nee oshinakugwanitwha shika sha gandjwa momake gElelo lya Ngwediva, ano sha kuthwa ko kOpolisi, Opolisi nayi longe nee nuudhiginini moopate moka opo yi kale ke mo Oveta nElandulathano, unene tuu mokati kaahingi moka.Minista Kaapanda ta pandula Opolisi sho pokati mpoka ya longo wo nuudhiginini mokukonakona iiyenditho nosho wo okukonaakona oonakuhinga noku ya pa oombapila dhokuhinga nonando mpeyaka naampeyaka pwa kala ngaa tapu lopotwa omaulingilingi momayakulo ngaka.”Ondi shi shi, Opolisi oya kala kayi na aaniilonga ya gwana, ashike nande ongawo oya kala nokukondja nokuyakula oshigwanana.Otandi shi pandula noonkondo.Ngashiingeyi onda hala nee Opolisi yi longe yi itula mo moondjila moka nokukaleka iiponga yomoondjila kokule noondjila dha Namibia,” Minista Kaapanda ta ti ngawo.Ta indile aaniilonga mOsenda ndjika ya Ngwediva nomOosenda oonkawo moshilongo, ya ya longe neitulomo, nuudhiginini nokuyakula nombili nonesimaneko oshigwana shoka taya yakula.Kakukutu kOpolisi ya Namibia Omukonakoni-Ndjayi gwOpolisi Sebastian Ndeitunga, naye opo a li poshituthiegululo sha NATIS shika nokugandja omayakulo ngaka, ga kala ethimbo ele taga gandjwa kOpolisi, e ga gandja ku Minista Kaapanda, ngoka e ga gandja kElelo lya Ngwediva na NATIS.Omunambelewa Omukuluntupitithi gwOshikondo shOondjila tate Erastus Iikela okwa gandja omapandulo kwaashoka sha ningwa po nokukunkilila wo naye eyakulo lyoludhi nduka li kale tali gandjwa koshigwana nombili, nesimaneko noli kale wo lyi ihwapo nawa.Omukuluntu gwOshikondo shOondjila moNooli omusamane Juma Iddi nOmunambelewa gwe tate Titus Temba nayalwe, nayo opo ya li poshituthiegululo noshetaambathano lyiilonga mbika shika.Minista ta ti kutya Uuministeli we owa gandja nee oshinakugwanithwa kOshikondo shayo shOondjila shi tulithe miilonga etokolo ndika lyOkabinete.Tau gandja nee oshimaliwa kOshikondo shika shOondjila shi tungithe Oosenda ndhoka mpoka dha pumbiwa moshilongo ashihe.Minista Kaapanda ta ti kutya okwa lombwelwa kutya momumvo gwEmbo lyIimaliwa yomvula ndjika otaku ka tungwa Oosenda dholudhi nduka mOliindili nomOlange nomomumvo gwEmbo lyIimaliwa lyOmvula tali ya, otaku ka tungwa Oosenda dholudhi nduka mEenhana, mOutapi nomOpuwo.Pethimbo ndika, Aaniihatu yokoondoolopa ndhoka ngashi Outapi, Eenhana, Ruacana, Ondangwa, nOpuwo, otaya kala taye ya manga kOsenda ya NATIS mOngwediva omo ya yakulilwe.Minista Kaapanda ta ti kutya ye mwene oshinima shonkalo yEgameno lyomoondjila, ehingonawa neihumbato nawa lyaahingi moondjila moka, oshinima shi mu li komwenyo noonkondo nokwa hala nokuhalelela moondjila mu kale egameno li li nawa.Aahingi ya kale ya konakonwa nawa noye shi okuhinga, omanga iihauto mbyoma tayi ende moondjila moka yi kale ya konaakonwa nawa noyi li kondjila.Ta ti ngashi nee mOngwediva, iihauto ayihe yaamoka oyi na okukonakonwa, yi talike kutya oyi li tuu kondjila shili nenge ahawe.Kaapanda ta ti kutya Osenda yaNgwediva oyo yimwe yomOosenda ndhoka dhi na iikwaniipangitho yopashinanena yi ihwapo nawa.Yi na omashina ngoka ge shi nawa okutala nokukonakona iiyenditho nokutala shoka sha puka mo nokulombwela mwene gwasho shoka e na okuwapaleka mo.”Omukalo ngoka gwa kala mOombelewa ndhika dhokukonakonena iiyenditho gwuulingilingi hau ningwa kaakonakoni yiihauto naahingi otagu ka mona ehulilo.Nena oshi li ngeyi kutya Elelo lya Ngwediva olya kutha ko nee oshinakugwanithwa shika kOpolisi ya Namibia na otandi indile Elelo lya Ngwediva li gandje eyakulo lyatya shoo koshigwana , ano kOokastoma dhalyo moshinima shika.”Otandi indile natango kElelo lya Ngwediva nokOmalelo agehe taga ka kutha ko oshinakugwnaitwha shika shekonakono lyiihauto naahingi, ye shi kuthe ko ashihe shiihwapo thiluthilu nokutaambaka iinakugwnaitwha, omashongo naashihe shi li mo, noku shi tula muwme niinakugwanithwa yElelo.”Shaashi, ngele owe shi kutha ko nawa ashihe nena otashi ka kala oshinima oshiwanawa kElelo lyoye, unene tuu okugandja omayakulo ge li nawa kaakalimo yuomOndoolopa yoye nenge mOshikandjo shoye shoka,” Minista Kaapanda ta ti ngawo nokutsikila ko ta ti sho nee oshinakugwanitwha shika sha gandjwa momake gElelo lya Ngwediva, ano sha kuthwa ko kOpolisi, Opolisi nayi longe nee nuudhiginini moopate moka opo yi kale ke mo Oveta nElandulathano, unene tuu mokati kaahingi moka.Minista Kaapanda ta pandula Opolisi sho pokati mpoka ya longo wo nuudhiginini mokukonakona iiyenditho nosho wo okukonaakona oonakuhinga noku ya pa oombapila dhokuhinga nonando mpeyaka naampeyaka pwa kala ngaa tapu lopotwa omaulingilingi momayakulo ngaka.”Ondi shi shi, Opolisi oya kala kayi na aaniilonga ya gwana, ashike nande ongawo oya kala nokukondja nokuyakula oshigwanana.Otandi shi pandula noonkondo.Ngashiingeyi onda hala nee Opolisi yi longe yi itula mo moondjila moka nokukaleka iiponga yomoondjila kokule noondjila dha Namibia,” Minista Kaapanda ta ti ngawo.Ta indile aaniilonga mOsenda ndjika ya Ngwediva nomOosenda oonkawo moshilongo, ya ya longe neitulomo, nuudhiginini nokuyakula nombili nonesimaneko oshigwana shoka taya yakula.Kakukutu kOpolisi ya Namibia Omukonakoni-Ndjayi gwOpolisi Sebastian Ndeitunga, naye opo a li poshituthiegululo sha NATIS shika nokugandja omayakulo ngaka, ga kala ethimbo ele taga gandjwa kOpolisi, e ga gandja ku Minista Kaapanda, ngoka e ga gandja kElelo lya Ngwediva na NATIS.Omunambelewa Omukuluntupitithi gwOshikondo shOondjila tate Erastus Iikela okwa gandja omapandulo kwaashoka sha ningwa po nokukunkilila wo naye eyakulo lyoludhi nduka li kale tali gandjwa koshigwana nombili, nesimaneko noli kale wo lyi ihwapo nawa.Omukuluntu gwOshikondo shOondjila moNooli omusamane Juma Iddi nOmunambelewa gwe tate Titus Temba nayalwe, nayo opo ya li poshituthiegululo noshetaambathano lyiilonga mbika shika.