Ombaanga yaNamibia oyo i shiivike nawa nedina Bank of Namibia (BoN) oya ti otai kwashilipaleke kutya ovalongifi vombaanga yoStandard Bank Namibia (SBN) ovo va kanifa oimaliwa mexuliloshiveke otava ka shunifwa oimaliwa yavo.
Eshi oshe ya konima kwa li kwa hololwa Omaandaxa kutya ovalongifi vombaanga va yooloka ova kanifa oimaliwa okupitila mekengelelo loshimaliwa lopaunyuni.
“Ombaanga (BoN) otai twikile nokukundafana nomahangano eembaanga opo i kwashilipaleke kutya ovanhu aveshe ovo va kanifa oimaliwa yavo okupitila moshinima omu ove i shunifilwa melongeleokumwe nomilandu dapumbiwa domeni, nosystema yavo otai twaikile nokula yakola,” Omupopliko woombangaa yoshilongo Kazembire Zemburuka osho a ti ngaho Omaandaxa.
Okwa ti opo i wanife po nokulonga nawa oilonga yayo, ombaanga yoshilongo oya pumbwa eembanga nosho yo omahangano oo a pitikwa okuyandja omayakulo opashimaliwa opo e liufe komalandulafano onumba ooh aa kwashilipaleke oilonga nosho yo eameno lopamalungula meesystema domayakulo opashiwana.
Eesystema edi oda tula po omilandu dokukaleka po eameno, noda yandja omifindalandu dokukwashilipaleka kutya osystema otai longo nawa.
“Omulandu oo u li po weeveta otau pula oinima yonumba oyo ya pumbwa okuwanifwa po kukandekwe omaupyakadi omakengelelo okomalungula moshikondo sheembaanga.
“Eshi ngaa omalunduluko opamalungula taa twikile nokuyukililifa eesystema domafutilo dopashiwana, ombaanga luhapu ohai konakona nokuninga omalunduluko omilandu dayo opo kukandulwe po nokukandekwe omaupyakadi oo tee yan awa,” Zemburuka osho a ti.
Natango, SBN oya ti oya tula moilonga omilandu diwa konima ovanhu vamwe ovo hava longifa ombaanga va didilika omafutilo inaa pitikwa kehangano lopaiwana onguloshi yOshoondaxa.
Ovalongif vomaanga vamwe keembaanga davo okwa li kwa kufwa omayovi onumba nokakwa li kwa shaala sha keembanga davo.
Omupopiliko woSBN Magreth Mengo okwa ti omafutilo aa okwa li a ningwa jehangano lopaiwana tali longifa ouyelele woukalata vokulanda vovalongifi vombaanga, ashike kapu na nande ombaanga kwa li yelivakelwa paumbudi.
“Didilika, keembanga dovanhu inaku iwa puhe na epitikilo. Eshi okwa li omwaalu ushona woukalata vokulanda tava longifwa okudja kehangano lopaiwana,” Osho a ti ngaho.
“Omwaalu ushona wovalongifi vombaanga yoStandard Bank,” Mengo osho a ti ngaho.
Okwa ti ovanhu ovo va kumwa koshinima eshi ova dengelwa nopatulwa omillandu dopamufika.
“Ovalongifi vombaanga ova dengelwa momilandu di li mondjila oda tulwa peenhele. Ohatu twikile nokukonakona onghalo ei,” Osho a ti ngaho.
Okatumwalaka kaxupi oko ka tuminwa ovanhu ovo va kumwa koshinima eshi okudja kombaanga oka holola kutya ombaanga otai ka shinunifa oshimaliwa shovanhu ovo moule weevili nhatu. “Otwa hala okukwashilipaleka ovakufimbinga vetu kutya osystema yetu natango oya kola,” Mengo osho a ti ngaho.
Ovanamibia komalungula okwa li va holola omaliudo kombinga yonghundana ei, tava ti otashi ningi shihapu paife ovalongifi veembaanga tava nanwa oimliwa keembaanga davo puhe na epitikilo lavo.
Vamwe ova ti ohashi pula omafiku 14 noilonga ihapu yeembapila opo kushunifwe oshimaliwa osho.
Ovalongifi vamwe vomalungula ova ti ovanhu nave likaleke kokule nokulongifa oukalata ngee tava futu meenhele doshiwana ngaashi eekalaba, eenduda domanwino neenhele dokulandifa oikulya opo ve likaleke kokule nokukengelelwa.
Ovati vali eembaanga nadikale dina omilandu dovalongifi veembanga dopamufika.
“Osho osha nyika oshiponga. Eembanga nadi kwashilipaleke kutya oimaliwa yovanhu oya amenwa, vakwetu.
Oshinima eshi otashi dulu okweetela ovanhu opyakadi wakula nosho yo keliko loshilongo,” PK Shikongo osho a shanga ngaho koFacebook.
Omulongifi ukulu wombaanga okwa ti okwa kala nale nokukengelewa oikando ihapu ngee ta longifa omayakulo oStandard Bank opangodi okutuma oshimaliwa.
“Standard Bank oi na eameno na nghundipala nai. Onda kengelelelwe oshimaliwa shi fike poN$5 000 kokatumwalaka ka dja koSBalert,” @franlisaint osho a shanga ngaho.
Omulongifi womalungula umwe, @NamibiaInvestment, okwa ti: “Inashi tambulwa ko. Otaku longifwa omikalo dikulu dopaunghoba.
Okalyamupopmbo ohava kala va tana eesystema edi da nghundipala noshi u ya ashike poluheela konima ovalongifi vombaanga va nyenyeta.”
Ongongahangano yoavalongifi veembaanga yaNamibia yedina Bankers Associaotion of Namibia Omaandaxa oya tumina omapulo kombinga yeameno lovalongifi veembanga koSBN.
“Ohandi ti natu takamife okumbwalangandjeka oshinima eshi. Kandi na eshi ndi shi kombinga yaashi tashi ningwa koSBN.
“Ondi wete oshiwana u popya navo voovene. Kandi na oufemba wokupopya ponhele yoSBN kombinga yoshikumungu eshi,” Omukulunhuwiliki wongongahangano, Brian Katjaerua, osho a ti ngaho Ovanhu vomoshikondo sheembaanga ova ti oimbuluma yokomalungula otai monifa eembaanga adishe oixuna keshe efiku.
MuJanuali, minista mukulu womauyelele nomakwatafano opaungoba Peya Mushelenga okwa ti Namibia okwa li e li moupyakadi woimaponokelo opamalungula I li eemiliyona 2.7 mo ouyelekwa li we livakelwa shihe li paveta momudo 2022.
Pefimbo loshoongalele shovanailonga kwa li sha ningilwa kopaliamente Etitano, Mushelenga okwa holola kutya oshilongo osha mona omaponokelo e li lwopo7 000 keshe mefiku modula omo tuu omo.
Meemwedi Hamano dopetameko lomudo 2022, Ovanamibia okwa li van inga oimbuluma yeembaanga yongushu yeemiliyona N$18.6.
Oiningwanima ihapu yomakengelelo oya ningwa okupitila mokutuma oimaliwa pamalungula yongushu yeemiliyona N$10.57.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
