Omeya ga yela taga a andjaganekwa mUukwaluudhi

E PANGELO, pakwathelo lyEhangano lyongongahangano yaEuropa, oli ipyakidhila nokutula ominino dhomeya gayela momikunda dhUukwaluudhi, mOngandjera nUukolonkadhi mOshitopolwa sha Musati noshowo koshitopolwa sha Nambutu mOndonga.

Pahokololo lya pewa Oshifo shika kOkomisi yEhangano lya Europa moNamibia okuzilila mOmbelewa yayo mOvenduka, otali ti kutya meti 17 March 2005, Omunambelewa ngoka ha ziminine epititho lyiinima yEpangelo pethimbo ndjoka Immanuel Ngatjizeko, nOmukalelipo gwOkomisi yEhangano lyAeuropa moNamibia, Antonius Brueser, oya shainine euvathanokwathelo lyoshimaliwa shi thike pOomiliona 413 shi na sha nOprograma yEshunithopevi lyuuthigona noluhepo mIitopolwa yomUushayi. Oprograma ndjika oya kwatela mo unene egandjo lyomeya gayela miitopolwa yomomikunda, oondjila, nokweeta Epangelo koshigwana.Omwa kwatelwa wo etopolululo lyevi nokugandja omaunongo gi ili nogi ili koshigwana shi wape okwiithikamena.Monkatu yotango ndjoka yi na sha nokweeta Epangelo koshigwana noku shi pa omaunongo miinima yi ili noyi ili shi vule okwiilonga shoshene, Ehangano lyUukumwe wAaeuropa olya gandja oshimaliwa shOomilion 66 omolu oshinima shika.Kombinga yetungululo lyevi tali gandja oomiliona 27.Monkatu ontintatu ndjoka yokutunga oondjila momikunda, tali gandja oomiliona 93, ya pewa Uuministeli wIilonga, Iiyenditho nomakwatathano omanga oshitopolwa shEgandjo lyomeya momikunda sha pewa oomiliyuna 86 mbyoka ya pewa Uuministeli wUunamapya, Omeya nEtonatelo lyIihwa wu longekidhe Oprojeka yEgandjo lyomeya komikunda.Kombinga yeuvithombili lyOompumbwe dhoshigwana netulopo lyOoprograma ndhoka tadhi kutha oshigwana kohi yoluhepo nokuyambulapo ngeyi emona lyiitopolwa nolyoshilongo, moka oshigwana tashi vulu okwiimonena iilonga nokwiiyambula po pamona, Ehangano olya gandja ko oomiliona 117.Mokati kOoproyeka ndhika ntano, Epangelo payambidhidho lyEhangano lyaEuropa, olya tokola okulonga mo tango Egandjo lyomeya ndyoka li li nale metifa momikunda dhomuumbugantu wa Tsandi mUukwaluudhi, muumbugantu wa Nesi mUukolonkadhi, muuningininombugantu wa Ngandjera noshowo okuwapalekululo omunino omunene gwomeya pokati kOkahao noTsandi naangoka gwa Tsandi, Onesi nEunda.Iilonga mbika mUukwaluudhi oya tamekele meti 20 Juli omvula ya zi ko nokwa tegelelwa yi ka pwe meti 6 Febuluali 2007.Oshimaliwa shoka tashi longithwa mOproyeka ndjoka oyoomiliona 17.Oprojeka ndjoka ya Nambutu oya tamekele meti 28 Oktoba 2005 nokwa tegelelwa yi ka kale ya pwa meti 8 Desemba 2006.Oyi na okapandi kOomiliona 26 lwaampoka.Ominino dhomeya ndhoka tadhi tulwa mOshitopolwa sha Nambutu odhi na uule wookilometa 37 omanga ndhoka tadhi tulwa moshitopolwa shUukwaluudhi (Tsandi) nosho tuu dhi na oshinano ashihe kumwe shookilometa 114 lwaampoka.Kombinga ya Nambutu, mOshaango otamu tungwa Osasiona yomeya nOmpungulilo yomeya omanga opomba yomeya pwIindangungu tayi ka opalekwa.Omolu iilonga mbika, Ongundu onene tayi kwatelwa komeho ku tate Antonius Brueser noshowo Uuministeli wUunamapya, Omeya nEgameno lyiihwa, mewiliko lya Amushanga Omukuluntu mUuministeli mbuka Kahijoro Kahuure, noshowo yOkomisi yOopulanda dhEpangelo mewiliko lyOmunambelewa Omukuluntu Sylvester Kamwi, meti 28 Febuluali 2006 oya talelepo Oproyeka ndjika kOnambutu mOndonga nometi 1 Maalitsa 2006, oya talele po Oproyeka ndjika mUukwaluudhi poTsandi nomomikunda dhomomudhingoloko oku tala nkene iilonga tayi endithwa kOokondalaka ndhoka dhe yi inekelewa pamwe naakwashigwana yoyene.Ominino otadhi fulwa kaaniilonga ya longikidhwa nokaanamikunda yoyene.Mokutalela po nee Ooproyeka ndhika Brueser na Kahuure, oya pandula noonkondo shoka sha ningwa unene Okampani yedhina Inter Africa Trading Enterprises noEMS Contractor noshowo ndjoka yOindjinia ya Lund Consulting Engineers ndjoka tayi wilikwa kOmwiindjinia Reimund Stoldt nOshikondo shEgandjo lyOmeya mIitopolwa yomUushayi, sho taya enditha nawa iilonga yOproyeka ndjika.MUukwaluudhi, oya talele po iilonga yomunino momukunda Olukulo nokutala nkene iilonga tayi ende.Oprograma ndjika oya kwatela mo unene egandjo lyomeya gayela miitopolwa yomomikunda, oondjila, nokweeta Epangelo koshigwana.Omwa kwatelwa wo etopolululo lyevi nokugandja omaunongo gi ili nogi ili koshigwana shi wape okwiithikamena.Monkatu yotango ndjoka yi na sha nokweeta Epangelo koshigwana noku shi pa omaunongo miinima yi ili noyi ili shi vule okwiilonga shoshene, Ehangano lyUukumwe wAaeuropa olya gandja oshimaliwa shOomilion 66 omolu oshinima shika.Kombinga yetungululo lyevi tali gandja oomiliona 27.Monkatu ontintatu ndjoka yokutunga oondjila momikunda, tali gandja oomiliona 93, ya pewa Uuministeli wIilonga, Iiyenditho nomakwatathano omanga oshitopolwa shEgandjo lyomeya momikunda sha pewa oomiliyuna 86 mbyoka ya pewa Uuministeli wUunamapya, Omeya nEtonatelo lyIihwa wu longekidhe Oprojeka yEgandjo lyomeya komikunda.Kombinga yeuvithombili lyOompumbwe dhoshigwana netulopo lyOoprograma ndhoka tadhi kutha oshigwana kohi yoluhepo nokuyambulapo ngeyi emona lyiitopolwa nolyoshilongo, moka oshigwana tashi vulu okwiimonena iilonga nokwiiyambula po pamona, Ehangano olya gandja ko oomiliona 117.Mokati kOoproyeka ndhika ntano, Epangelo payambidhidho lyEhangano lyaEuropa, olya tokola okulonga mo tango Egandjo lyomeya ndyoka li li nale metifa momikunda dhomuumbugantu wa Tsandi mUukwaluudhi, muumbugantu wa Nesi mUukolonkadhi, muuningininombugantu wa Ngandjera noshowo okuwapalekululo omunino omunene gwomeya pokati kOkahao noTsandi naangoka gwa Tsandi, Onesi nEunda.Iilonga mbika mUukwaluudhi oya tamekele meti 20 Juli omvula ya zi ko nokwa tegelelwa yi ka pwe meti 6 Febuluali 2007.Oshimaliwa shoka tashi longithwa mOproyeka ndjoka oyoomiliona 17.Oprojeka ndjoka ya Nambutu oya tamekele meti 28 Oktoba 2005 nokwa tegelelwa yi ka kale ya pwa meti 8 Desemba 2006.Oyi na okapandi kOomiliona 26 lwaampoka.Ominino dhomeya ndhoka tadhi tulwa mOshitopolwa sha Nambutu odhi na uule wookilometa 37 omanga ndhoka tadhi tulwa moshitopolwa shUukwaluudhi (Tsandi) nosho tuu dhi na oshinano ashihe kumwe shookilometa 114 lwaampoka.Kombinga ya Nambutu, mOshaango otamu tungwa Osasiona yomeya nOmpungulilo yomeya omanga opomba yomeya pwIindangungu tayi ka opalekwa.Omolu iilonga mbika, Ongundu onene tayi kwatelwa komeho ku tate Antonius Brueser noshowo Uuministeli wUunamapya, Omeya nEgameno lyiihwa, mewiliko lya Amushanga Omukuluntu mUuministeli mbuka Kahijoro Kahuure, noshowo yOkomisi yOopulanda dhEpangelo mewiliko lyOmunambelewa Omukuluntu Sylvester Kamwi, meti 28 Febuluali 2006 oya talelepo Oproyeka ndjika kOnambutu mOndonga nometi 1 Maalitsa 2006, oya talele po Oproyeka ndjika mUukwaluudhi poTsandi nomomikunda dhomomudhingoloko oku tala nkene iilonga tayi endithwa kOokondalaka ndhoka dhe yi inekelewa pamwe naakwashigwana yoyene.Ominino otadhi fulwa kaaniilonga ya longikidhwa nokaanamikunda yoyene.Mokutalela po nee Ooproyeka ndhika Brueser na Kahuure, oya pandula noonkondo shoka sha ningwa unene Okampani yedhina Inter Africa Trading Enterprises noEMS Contractor noshowo ndjoka yOindjinia ya Lund Consulting Engineers ndjoka tayi wilikwa kOmwiindjinia Reimund Stoldt nOshikondo shEgandjo lyOmeya mIitopolwa yomUushayi, sho taya enditha nawa iilonga yOproyeka ndjika.MUukwaluudhi, oya talele po iilonga yomunino momukunda Olukulo nokutala nkene iilonga tayi ende.