OMUHOOLOLWA PELESIDENTE Netumbo Nandi-Ndaitwah okwa endulula ondunge yaye yokutula oshimaliwa shi fikepeebiliyona N$85 mokutota eemhito doilonga di li 550 000 moikondo asihe moNamibia ngaashi ounamapya nounaimuna, omatungo nomahooli noshimoko.
Nandi-Ndaitwah oshinima eshi okwe shi popya pefimbo loshoongalele shaye shotete noikundaneki ongomupelesidente a teelela kuya koshipundi mOenduka Etine.
Ondodo yokuhena oilonga moNamibia oya kala nokuulwa kovanawino moinima ya pamba omaxupilo kutya oi nyanyaleka, nondodo yovanyasha vehe na oilonga tai tengenekwa i dule peepelesenda 50.
omuhoololwa pelesidente okwa endulula eudaneko loilonga i fike po550 000 oshivike shinya sha landul;a eshi sha dja ko.
“Ohatu ti moule weedula nanho tadi shikula ko, ohatu ka tula oshimaliwa shi fikepeebiliyona N$85.7 mokutota oilonga. Ndee ohatu ti oilonga oyo hatu ka tota otai ka kala i dule po550 000,” Osho a popya ngahap konima hoolola Etitatu linya.
Ehangano lokutala oinima ei yoshli laNamibia olaanya kutya omaudaneko aa okwa kwatelwa momukandaudaneko woSwapo. Omukandaudaneko owa popya kutya epangelo tali shikula ko potali ka longifa oshimaliwa shi fike peebiliyona N$85.7 mokutota oilonga i fike po256 538 mokondo ya yooloka.
OUNAMAPYA NOUNAIMUNA
Pefimbo loshoongalele shEtine shoikundaneki, Nandi-Ndaitwah, okwa ti oshikondo shounamapya nounaimuna, omatungo npsho yo omahooli noshimoko oyo taia ka talaika tete.
“Ohandi mu lombwele, otu li pondodo iwa kuya manga omudo 2025 inau pwa ko, otapu ka kala pu na onhele yokulonga omakanuwa koRundu, ndee ovanhu vangapi tava ka mona oilonga moshinima eshi. Eshi oshiholelwa ashike,” Osho a ti ngaho.
Elitulemo lepangelo moshikondo shounamapya nounaimuna paife itali tu kumwe nomumbwe yoshiwana.
Epangelo momutengenelkwafaneko womudo 2024/25 ola ya dja ashike eepelesenda dishona doshimaliwa.
Omuhoololwa pelesidente natango okwa ti okulongamo nawa nokutula ongushu keendjo dopaushitwe knako oku li kwa fimana mokutota poilonga.
“Ndee otwa tameka nale nomamanya oko va tameka nale okolonga outiyelesha nohave va tumine koilongo ikwao mounyuni. Otwa pumbwa oinima ihapu i li ngaho,” Osho a ti ngaho.
Oshikondo oshititatu osho Nandi-Ndaitwah a tumbula oshomatungo, osho a ti kutya ohashi uya neemumbwe dawedwa po.
“Omunhu ota dulu kutya omatungo oilonga ypakafimbo. Ngee owa tungu eengulu dofikola dihapu, osha hala kutya ovahongifikola vahapu ove na okumona oilonga,” Osho a ti ngaho.
Okwa tambula ko ovanangeshefa vokondje yoshilongo, ashike okwa ti ovanageshefa “ove na okukala tava ningi eengeshefa davo pakulongela kumwe nomilandu daNamibia”.
Kombinga yepulo lOvanamibia tava nyenyeta kombinga yomaliumbato eengeshefa dOvachina moNamibia, okwa ti, Ovanamibia ova kala nokunyenyeta kombinga yomaliumbato Ovachina moNamibia.
“Ndee okwa li nda ninga oshoongalele nominista yoinima yokondje yoshilongo yaChina ndee handi ti, ‘mukwetu, ovanhu voye, omukalo ou tave liumbata’. Ova ti China naye paife okwa mangulukila ovanageshefa vokondje,” Osho a ti ngaho.
Omuhoololwa pelesidente okwa lombwela ovanaysha vaNamibia opo ve lilongekidile eemhito moshikondo shomahoololi noshimoko.
“Taleni ashike kutya owino washike tashi dulika wa pumbiwa moshikondo shomahooli noshimoko, ndee tamu tameke okulilongekida opo mu mone owino oo,” Osho a ti ngaho.
Okwa ti epangelo ola tota oshikefa shoshimaliwa shokuvatela oshiwana.
“Opu na omwaalu uhapu wovanyasha vaNamibia ovo va tumwa va ka twikile omadeulo melilongekido lokulonga moshikondo omu.
“Kombinga yoshimoko shokweeta eenghono, okwa li pwa ninga eshiivifo, nonde lineekela kutya ovanyasha vaNamibai ova ninga omaindilo, ndee mutu oatamu ka aluka paife mu longe moikondo omu,” Nandi-Ndaitwah osho a ti ngaho.
‘OTASHI DULU OKUNINGWA’
Omunawino moshikondo shoinima ya pamba omaxupilo Omu Kakujaha-Matundu okwa ti ondjodi yomauhoololwa pelesidente otai dulu okuningwa.
“Opo ku wanifwe po osho a udaneka, oinima i li ivali oi na okulongela kumwe: ehalo lopapolitika lakola nelelo liwa noli na eenghono,” Osho a ti ngaho.
Okwa pula Nandi-Ndaitwah opo tete a tale kutya moshikefa shepangelo omu na oshimaliwa shi fikepani opo a mone kutya oshimaliwa shi fike peni a pumbwa opo a hange ondjodi yaye.
“Eeproyeka dakula ngaashi okutunga eefikola nosho yo okuwapaleka oikunino ohashi pula oshimaliwa shihapu.
Okwe lilongekida okweehela oshimaliwa shi fike peni? Ovanangeshe vangapi vokondje a hala okushiva ve uye moshikondo shounamapya nounaimuna nosho yo oikondo ikwao?” Kakujaha-Matundu osho a pula ngaho.
Kombinga yokutota oilonga yokomatung, okwa pula ngee ota dulu ngaa okunyeka ko oshikondo eshi kOvachina.
“Okulanda: Ota ka wapaleka ngaheli omapuko oo a kala nokuningwa monakudiwa oipangelo yetu ihe na omiti da wana ile okulanda omiti dihe na ongushu?” Osho a pula ngaho.
Kakujaha-Matundu okwa ti Nandi-Ndaitwah nanghonopale opo a ungaunge noikuningo yepangelo oyo itai longo nawa.
“Ina pumbwa okulundulula oinima aishe. Opu na nale omilandu nomafaneko mawa. Epulo oli li pa kutya omolwashike kwa li inadi tulwa moilonga,” Osho a ti ngaho.
Nandi-Ndaitwah okwa ti epangelo itali dulu okuninga po sha kombinga yokuhena oilonga nomukalo weokushunifa pedu omayakulo oshiwana.
Otali du;u ashike okushunifa pendu omayakulo oshiwana ngee eliko laNamibia tali dulu okutota eemhito doilonga dovanailonga va pamwe pelili, osho a ti ngaho.
Odula ya dja ko, epangelo ola longifa oshimaliwa shi fke peebiliyona N$30 movanailonga, ve li 107 000.
“Ashike moshilongo omo tu na okuhena oilonga neliko la taalela omaupyakadi e li angaho, eenghendabala detu adishe oda ninga didjuu okutula moilonga,” Omuhoololwa pelesidente osho a ti ngaho.
Okwa ti epangelo otali shunifa oinima imwe pedu ngee oinima yimwe yomaxupilo ya tameka okuninga nawa.
“Edilaadilo opo va ninge ovanangeshefa. Ndee mokati omo, tava toto eemhito doilonga davakwao,” Osho a ti ngaho.
Omunawino moinima ya pamba oilonga Herbert Jauch Etine okwa twa kumwe naNandi-Ndaitwah eshi a tila okuteta omayakulo oshiwana.
Okwa ti ponhele yaasho shapo nakendabale a xwepopaleke ongushu yomayakulo oo haa yandjwa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
