Omulumenhu a pewaehandukilo lomido25 mondolongo eshia ningila omonakadona omahepeko opaixulo

Omulumenhu ta tamanekelwa okukwata omonakadona weedula 15 keenghono okwe mu etela olulume itau dulu okukana po, omhupanguli womomhangu yopombada yaVenduka osho a ti ngaho omanga ina yandja ehandukilo komulumenhu ou leedula 25 modolongo Etine.

“Ponhele yokwaamena nakuningilwa omunyonena, omufeekelwa okwa teya po efimano nouyuki womonakadona ndee omaliumbato aa okwa eta oilanduli yakula noululume itau dulu nande okukana po efikulimwe,” Omhupanguli Claudia Claasen osho a popya ngaho pefimbo lokuyandja ehandukilo komutamanekwa.

“Nakuningilwa omunyonena oku na okukala noshinima eshi momadilaadilo nokomwenyo oule wonghalamwenyo yaye aishe,” Claasen osho a weda po ngaho.

Okwa weda po vali kutya oshinima eshi okwe shi tala ko kutya oshi nyanyaleka unene eshi omulumenhu ou ina longifa ashike nai ohole nelineekelo lomonakadona, ashike okwa li a ninga eteelelo molwoshiningwanima eshi omo yee a ya moixulo naye.

“Ounona okwa li va pumbwa okukala va tala movadali vavo kombiga yepukululo neameno, ashike pamhito ei xe oinima okwe i tanaunina omona pamukalo wapuka,” Claasen osho a ti ngaho.

Omulumenhu womido 54, omunambelewa wopolifi mukulu, okwa li ta tamanekelwa oshibofa shekwatongonga nokunangala nomonakadona oiviki inhe ya pita.

Claasen okwa mona kutya oumbangi oo wa yandjwa pefimbo loihokolola yaye owa koleka kutya okwa kwata omonakadona keenghono konhele yokuunga eenanda koHenties Bay muDesemba 2009.

Omonakadona waye okwa li e na eedula 15 pefimbo opo.

Claasen natango okwa uda kutya natango omulumenhu ou okwa li a ya momilele nomonakadona kOshikango koshitopolwahoololo shaHangwena muOktoba 2012.

Nakutulamo oshibfa okwa lombwela omhangu kutya xe okwe mu ningila omahepeko opaixulo oshikando shotete kefudo komafuta muDesemba 2009.

Konima okwa ya naye koAngola, oko kwa li ha longele, okwa twikila nokumuningila omahepeko opaixulo ndee te mu pe omateelelo oikando itatu, osho a lombwela omhangu ngaho.

Omateelelo aye avali okwa li a kufwa mo neepela dokukufa mo omateelelo odo xe e mu landela, osho a ti ngaho.

Eteelelo laye etitatu okwa li la kufwa mo paveta moNamibia, konima kwa li a lopota kuina muJanuali 2013 kutya xee okwa kala nokumukwata keenghono.

Konima eteelelo la kufwa mo, okwa ningwa oomakonakono oo a ulika kutya xe oye kwa li mwene weteelelo olo a kala a umbata.

Ina yanakuningilwa omunyonena osho a lombwela omhangu pefimbo loihokolola kutya omonakadona okwe mu lombwela “tate wange okwa ninga nge omukulukadi waye” eshi a lopota oshikando shotete kombinga yomahepeko opaixulo oo a kala nokuningilwa.

Omulumenhu okwa ti ke na ndjo pefimbo loihokolola yaye, oyo ya tameka muNovemba 2019.

Omufeekelwa ina ulika nande onghenda yasha konima a monika ondjo, osho tashi ulike kutya ina hala nande okukalela po oshinima osho a ninga, Claasen osho a ti ngaho manga ine mu pa ehandukilo leedula 18 modolongo doshibofa shekwatongonga needula heyali modolongo eshi a ya moixulo nomonakadona.

Haende Palmer Kumalo okwa li a kalela po nakuningilwa omunyonena.

Omanga haende Joseph Andreas kwa li a kalela po omufeekelwa.