Omulumenhu a xulifa konima a lya oudiyo

OMULUMENHU Omunamibia (34) okwa xulifa konima eshi vati alya oudiyo wa nyika oshiponga neenghono koTsumeb moshitopolwahoololo shaShikoto mexuliloshiovike.

Omuunganenki womakonakono oimbuluma pashitopolwahoololo, omupedu komufala Titus Ekandjo okwa ti, omulumenhu okwa xulife lwopotundi 09h00 Olomakaya“Otaku tiwa vati Etitano lwopotundi 21h00 keumbo lanakufya moNomtsoub, omukwapata umwe okwa uda nakufya ta ti okwa nwa oudiyo, wa nyika oshiponga,” Osho a ti ngaho.

Oudiyo ou okwa li wa landwa komuneumbo umwe shaasho ohau longifwa okuwapaleka, nokwa li wa landwa u longifwe mokuwapaleka eumbo, osho a ti ngaho“Ovakwapata ova endelela ve mu twale koshipangelo shaTsumebb Lombard State Hospital, oko kwa li a tambulwa meembete ndee ta xulifa,” Ekandjo osho a weda po ngaho.

Omukwapata umwe okwa ti, nakufya okwa li a wililwa po komadilaadilo, Ekando osho a ti ngaho.

Olutu lanakufya otali ka ningilwa omakonakono ku talike kutya oshike sha eta efyo. Ovakwapta vanakufya ova shiivifilwa nale omanga omakonakono taa twikile.

Natango, moshitopolwahoololo shaShikoto, ovanhu ve li vatatu ova xulifa lwopotundi 21h21 Olomakaya eshi osheendifo omo va li she lidenga mumwe nosheendifo shikwa komukunda wedina Uuhama.

Ekandjo okwa ti oonakufya vatatu vee dula di li pokati ko21 no43 ova dimbuluki wa kutya ovakalimo vokOngha nOmbango moshitopolwahoololo shaHangwena.

“Otaku kutiwa vati obakkie yavo itoka, i na onomola yaNdangwa okwa li taia di kOmuthiya ya yuka kOndangwa ndee tai lidenge mundongi, osho sha eta ohauto i kanife eenghono ndee tai lidenge muikwao yonomola yaShakati,” Ekandjo osho a ti ngaho.

Ovanhu aveshe ovo va li mobakkie ova xulifila poshiponga.

Omushingi wohauto ikwao, omulumenhu Omunamibia (65), nosho yo okaaana kokamati komido omuwoi va dja komukunda Oshiyashomatope, imnava mopna nande oshiponga shasha, omanga omukainhu (60) naye a dja komukunda oo tuu oo a teka omaoko aeshe.

Omalutu oonakufya okwa li a twalwa kokila yopolifi yaMuthiya opo a kaningilwe omakonakono.