Omunangeshefa gwoshipotha shoka sha koraptitha Nakale a tulwa wo mondhongo

O MUNANGESHEFA ngoka a li a tulwa mondholongo shi na sha noshipotha shiihulo nomupambele gwe – shoka sha ka etitha Stanley Nakale ngoka a li nale Omutamaneki mOmpangu ya Mengestrata pOutapi a korapte a tulwa wo mondholongo yoomvula 12.

Nakale okwa pewa wo ondholongo yoomvula ntano moshipotha shika shekorapto konima sho a monika ondjo mOmpangu kuyele nuumvo. Omunangeshefa nguka okwa li a dhitikwa nokutulwa mondholongo momasiku 1 Apilili 2005 moshipotha shekwatonkonga lyokanonakadhona ke hoka ka li ke na oomvula 19 pethimbo ndyoka.Momasiku 20 gaMei 2005, omunamimvo 42 ngoka e li omunangeshefa okwa li a mangululwa kobooloha yoondola/N$1 000 – nando nee okanonakadhona ke hoka ke mu ningila oshipotha shonkonga oka li ke li ompinge nasho.Pahokololo lyokakadhona hoka, oshipotha shomunangeshafa ngoka osha ekelwahi nenge tutye osha kuthwa mo mOmpangu konima sho a gandja ombili kokanonakadhona ke.Nando nee pshipotha shoka sha kuthwa mo mOmpangu, shoka ka shali e hulilo lyoshipotha shoka – ashike oshipotha shika osha tsikile nokukwatela mo wo aanambelewa yalwe yatatu mboka ya li haya longele mOmpangu ya Mengestrata pOutapi.Omatamaneko ngoka oga tsikile mOmpangu yOpashitopolwa oshiwike sha zi ko – moka omufekelwa nguka a monika ondjo ku Mengestrata AK Simpson moshipotha shekwatonkonga noku mu pa nee egeelo lyoomvula omulongo mbali (12) konima yekumba.Omufekelwa nguka okwa li a pewa egeelo ndika mEtiyali lyoshiwike sha zi ko (23 Oktoba 2007).Okwa li ta tamanekelwa okukwata onkonga okanonakadhona ke pomukunda gumwe moshitopolwa sha Omusati momasiku 31 Maalitsa 2005.Omufekelwa nguka ina zimina ondjo ye moshipotha shika, nokwa ulike kutya okwa hala oku ka kondjitha etokolo ndika lyokupewa egeelo lyoomvula 12, oshitumikundaneki sha Nampa tashi lopota ngaaka.Kombinga yaanambelewa mbeyaka yatatu mboka ya li haya longele mOmpangu ya Mengestrata pOutapi mboka ya kwatelwa muulingilingi woshipotha shika, oya holokele nale mOmpangu yOpombanda mOvenduka noshipotha shawo omo sha ka hulila.Konima sho kwa popiwa kutya omufekelwa nguka okwa mangululwa kobooloha pwaa na okuholoka komeho ga Mengestrata ngoka e na andola okumu pa obooloha, opwa holoka wo omapopyo kutya omukulukadhi gwe okwa kongo nokugandja oshimaliwa shoondola/N$7 000 shoka sha pewa Omutamaneki pambumbo.Konima yokathimbo, Omutamaneki Stanley Nakale nosho wo aanambelewa yalwe yaali oya dhitikwa nokuningilwa oshipotha shekorapto nosho wo iipotha yilwe.Epangulo lya Nakale pamwe naanambelewa yalwe yaali, olya ka ningilwa mOmpangu yOpombanda mOvenduka mu Juni nuumvo – moka Nakale a ka monika ondjo noku pewa egeelo lyoomvula ntano konima yekumba moshipotha shekorapto, uulingilingi nosho wo okuya uuyuuki moshipala.Oonakutamanekwa pamwe naye oya pewa omageelo gondholongo ngoka ga kuthwa po nokupewa ya fute oombuta gumwe oondola/N$5 000 nomukwawo ombuto yoondola/N$3 000.Nakale okwa monika ondjo moshipotha shekorapto konima sho kwa dhimbululwa kutya okwa kongo ondunge yokufutwa oshimaliwa shoondola/N$7 000 okuza komukulukadhi gwa nakufekelelwa oshipotha shoka shonkonga opo ku ningwe omalongekidho a mangululwe kobooloha.Own Report, NampaOmunangeshefa nguka okwa li a dhitikwa nokutulwa mondholongo momasiku 1 Apilili 2005 moshipotha shekwatonkonga lyokanonakadhona ke hoka ka li ke na oomvula 19 pethimbo ndyoka.Momasiku 20 gaMei 2005, omunamimvo 42 ngoka e li omunangeshefa okwa li a mangululwa kobooloha yoondola/N$1 000 – nando nee okanonakadhona ke hoka ke mu ningila oshipotha shonkonga oka li ke li ompinge nasho.Pahokololo lyokakadhona hoka, oshipotha shomunangeshafa ngoka osha ekelwahi nenge tutye osha kuthwa mo mOmpangu konima sho a gandja ombili kokanonakadhona ke.Nando nee pshipotha shoka sha kuthwa mo mOmpangu, shoka ka shali e hulilo lyoshipotha shoka – ashike oshipotha shika osha tsikile nokukwatela mo wo aanambelewa yalwe yatatu mboka ya li haya longele mOmpangu ya Mengestrata pOutapi.Omatamaneko ngoka oga tsikile mOmpangu yOpashitopolwa oshiwike sha zi ko – moka omufekelwa nguka a monika ondjo ku Mengestrata AK Simpson moshipotha shekwatonkonga noku mu pa nee egeelo lyoomvula omulongo mbali (12) konima yekumba.Omufekelwa nguka okwa li a pewa egeelo ndika mEtiyali lyoshiwike sha zi ko (23 Oktoba 2007).Okwa li ta tamanekelwa okukwata onkonga okanonakadhona ke pomukunda gumwe moshitopolwa sha Omusati momasiku 31 Maalitsa 2005.Omufekelwa nguka ina zimina ondjo ye moshipotha shika, nokwa ulike kutya okwa hala oku ka kondjitha etokolo ndika lyokupewa egeelo lyoomvula 12, oshitumikundaneki sha Nampa tashi lopota ngaaka.Kombinga yaanambelewa mbeyaka yatatu mboka ya li haya longele mOmpangu ya Mengestrata pOutapi mboka ya kwatelwa muulingilingi woshipotha shika, oya holokele nale mOmpangu yOpombanda mOvenduka noshipotha shawo omo sha ka hulila.Konima sho kwa popiwa kutya omufekelwa nguka okwa mangululwa kobooloha pwaa na okuholoka komeho ga Mengestrata ngoka e na andola okumu pa obooloha, opwa holoka wo omapopyo kutya omukulukadhi gwe okwa kongo nokugandja oshimaliwa shoondola/N$7 000 shoka sha pewa Omutamaneki pambumbo.Konima yokathimbo, Omutamaneki Stanley Nakale nosho wo aanambelewa yalwe yaali oya dhitikwa nokuningilwa oshipotha shekorapto nosho wo iipotha yilwe.Epangulo lya Nakale pamwe naanambelewa yalwe yaali, olya ka ningilwa mOmpangu yOpombanda mOvenduka mu Juni nuumvo – moka Nakale a ka monika ondjo noku pewa egeelo lyoomvula ntano konima yekumba moshipotha shekorapto, uulingilingi nosho wo okuya uuyuuki moshipala.Oonakutamanekwa pamwe naye oya pewa omageelo gondholongo ngoka ga kuthwa po nokupewa ya fute oombuta gumwe oondola/N$5 000 nomukwawo ombuto yoondola/N$3 000.Nakale okwa monika ondjo moshipotha shekorapto konima sho kwa dhimbululwa kutya okwa kongo ondunge yokufutwa oshimaliwa shoondola/N$7 000 okuza komukulukadhi gwa nakufekelelwa oshipotha shoka shonkonga opo ku ningwe omalongekidho a mangululwe kobooloha.Own Report, Nampa