Omupedu pelesidente mupe waBotswana okwa kwatelwepo moNamibia shaashi kwa li ta yambidida Hamutenya

Omupedu pelesidente mupe waBotswana, Ndaba Gaolathe, okwa longele moNamibia nokwa kwatelwe po eshi vati kwa li ta yambidida ekufombinga moupelesidente loshilyo shikulu shoSwapo Hidipo Hamutenya.

“Okwa li nda kwatwa po fiku limwe pokapale keedila moNamibia eshi kwa li handi yambidida ekufombimga laHamutenya moupelesidente ponhele ya pelesidente mukulu Hifikepunye Pohamba,” Gaolathe osho ta dimbulukwa osho, ta lombwele oThe Namibian oshinima eshi oshikando shotete momapulaapulo nosho yo mbushe moilonga wayo wokoBotswana, INK Centre for Investigative Jonarnalism.

Gaolathe, omunawino moshikondo shomaxupilo nomivalu, natango okwa dimbulukwa nghee kwa li he liyambe moKatutura mOvenduka nokwa li ha longele pamwe nongudu yokuyambula po oomeme.

Pelesidente mupe waBotswana Duma Boko okwa hoolola Gaolathe (52) oshivike shinya sha dile ko ongomupedu pelesidente konima ongudu yomilameno, Umbrella for Democratic Change (UDC), ya denga mo ongudu tai pangele Botswana Democratic Party (BDP) oshinima osho shakula mondjokonona sha xulifa po elelo loBDP loule weedula 58.

Gaolathe okwa li aanifwa ongomupedu pelesidente Etine loshivike sha dja ko.

Eyopombada laye mopolitika ole ya konima yeedula 14 konima kwa li a fiya po ongudu tai pangele mehololo madilaadilo momudo 2010.

Manga e li mongudu yomilameno momudo 2012, okwa li a tengeneka ewopedu longudu tai pangele.

“Epangelo eli li li ko paife oli na okudja ko, kashi fi ngeno medina leenghono neendunge domunhu, ashike otali teka po ashike kuloovene,” Gaolathe osho kwa li a shanga komalungula ngaho.

“Ove na okuteka po koshi yokuhalonga opauyuki wavo, omukalo wavo vene wokatongo nomikalo davo, nosho yo omukalo wavo wokukala vehe na novanhu.”

Gaolathe oku na ondjapo youhongelwe oyo a mona koAmerica momwaalu nomoinima ya pamba omaxupilo, ei mona momudo 1995. Konima yaasho okwa li e ya okuninga omuvateli waKen Kwaku, oo a li omuyandjimayele wombaanga younyuni kepangelo laNamibia.

Gaolathe naKwaku okwa li va hoololwa opo va ninge ovayandjimayele vakula kuHamutenya eshi kwa li a hoololwa a ninge ominista yoikwafaabulika.

Opo opo nee a tamekela okulonga e li popi naHamutenya, Gaolathe osho a ti ngaho.

“Hamutenya okudja opo okwa twala nge mombelewa yaye ongomuyandjimayele waye akula,” Omupedu pelesidente osho a ti ngaho.

KuGaolathe, Hamutenya okwa li omuyandjimayele.

Hamutenya okwa dja ponhele ya fimana mongudu tai pangele a ka ninga omuleli wongudu yomilameno a loloka opolitika yongudu tai pangele.

Okwa li ominista yoikwafaabulika okudja momudo 1993 fiyo omo2002, ashike eyokomesho loSwapo ola ka kala tali mu imbi a ye komesho mopolitika.

Pelesidente mukulu Sam Nujoma okwa kufa nee Hamutenya ndee te mu twala koministili yoikwapondje momudo 2002.

Opolitika yaye oya ka tameka okuwa pedu momudo 2004.

MuMei omudo oo, Nujoma okwa li a kufa Hamutenya kouminista woikwapondje, konima yomafiku anhe okudja koshoongalele shoSwapo shokuhoolola okandidate youpelesidente yongudu.

Oshinima eshi osha nghundipaleka eekambeina daHamutenya, osho shaeta opo omukondjifi waye oo kwa li a halika kuNujoma, Hifikepunye Pohamba a findane.

Okudja opo, Hamutenya okwa li ta popilwa mowii opo kunyatekwe oukwatya waye nou lyatelwe pedu moinima aishe ya pamba opolitika.
Gaolathe okwa dimbulukwa nawa ekwatwepo laye.

“Okwa li nda kwatwa po pokapale keedila koshikondo shopolifi fiyo ongudu ya yooloka yopolifi otai uya i pule ndi efiwe.

“Okwa li nda umbata oumbidja omayovi. Kandi shi kutya ove shi shiva ngahelipi. Ashike okwa li nda amenwa pefimbo ondi wete kutya omukulunhu wopolifi pefimbo opo okwa li ta longele kumwe naHamutenya,” Osho a ti ngaho.

Gaolathe okwa ti Namibia okwa pitililwa po komuleli akola oo e li muHamutenya.

“Ondi wete kutya Hamutenya, neyambidido liwa , okwa li ta dulu okweeta elunduluko. Okwa li e na ohokwe yoshili yokulela ovanhu vaye nawa,” Osho a ti ngaho. Okudja opo Hamutenya okwa li a tanwa mongudu tai pangele, osho she mu fininika a tote ongudu yoRally for Democracy and Progrees (RDP) momudo 2007.

Okwa li a kwatela komesho ongudu yomilameno momahoololo omudo 2009, ta kondjifa Pohamba moupelesidente.

Okwa shuna koSwapo momudo 2015 – manga ina xulifa omudo wa shikula ko.

Gaolathe okwa ti ekwatafano laye naHamutenya kakwa li ashike lomombelewa ashike okwa li li dulife po opo.

“Ame ‘omuhongwa waHamutenya’, onde lihonga shihapu kuye. Onda longa nokwa li nokuli handi lele ounona vaye – Kela naNdeipala,” Osho a ti ngaho.

“Oko nda li kefudiko laye ndee ngee ndi li moNamibia ohandi kala nofiyekadi waye, Nangula, oo a tekula nge nokwa kala ha telekela nge eshi kwa li ndi li omuvateli womushamane waye,” Gaolathe osho a ti ngaho.