Omupresidende gwOpevi gwOsipana ya KK a hulitha moshipango shohauto

O MUPRESIDENDE gwOpevi gwOsipana ya tseyika nawa yedhina King Kauluma Football Club (KK-FC) yomOluno mOndangwa, tate Paulus Mandume ya Israel okwa mana oondjenda dhe ombaadhilila ongulohi yEtitano ndika lya zi ko mepipi lyomimvo 30 sho ohauto ye yi idhenge mOloli ya thikama positola ya Chicco pOkakwiyu mOndangwa.

Mandume, ngoka a adhika ta zilile lwokOnethindi a thinda ngeno kegumbo lye kOluno, otaku tiwa kutya opo a sile poshiponga mpoka. Otaku tengenekwa kutya okwa li pamwe ta sineya ndele ta kanitha okondolola yohauto, ndjoka ya zi ko kopate nokukiidhenga nee mOloli ya adhika ya thikamekwa kooha dhopate positola ya Chicco mpoka.Nakusa Mandume, ngoka e li omonamati gwomunangeshefa a tseyika nawa tate Israel ya Jona, okwa li omuniilonga mEhangano lya tseyika nawa Ekwashilipaleki lyedhina Old Mutual pOndangwa nokwa kala omunandjungu miilonga noshowo miinima oyindji unene tuu mewiliko lyEtanga lyokOompadhi, ngashi nee moKK moka.Mandume ngoka e hole kwali okwiitya ye Ohamba, okwa li wo Oshilyo shEpendulepo lyUuhamba wUukwanyama na oye kwali pamwe niilyo iikwawo taya longekidha Oshituthilangeko shOhamba yAukwanyama tatekulu Kornelius Shelungu shoka tashi ka kala ko mOwedhi tagu ya mOmedi mOukwanyama mOshitopolwa sha Hangwena.Okwa thiga ko omukulukadhi gwe meme Kaino Bernice Nampla-Jona, uunona wawo utatu, aamwayina naamwahe nosho wo nee tate gwe Israel Jona.Meme gwe Hilya ya Naholo, naye okwe ya tetekela nale.Omalongekidho gefumviko oge li metifa.Otaku tengenekwa kutya okwa li pamwe ta sineya ndele ta kanitha okondolola yohauto, ndjoka ya zi ko kopate nokukiidhenga nee mOloli ya adhika ya thikamekwa kooha dhopate positola ya Chicco mpoka.Nakusa Mandume, ngoka e li omonamati gwomunangeshefa a tseyika nawa tate Israel ya Jona, okwa li omuniilonga mEhangano lya tseyika nawa Ekwashilipaleki lyedhina Old Mutual pOndangwa nokwa kala omunandjungu miilonga noshowo miinima oyindji unene tuu mewiliko lyEtanga lyokOompadhi, ngashi nee moKK moka.Mandume ngoka e hole kwali okwiitya ye Ohamba, okwa li wo Oshilyo shEpendulepo lyUuhamba wUukwanyama na oye kwali pamwe niilyo iikwawo taya longekidha Oshituthilangeko shOhamba yAukwanyama tatekulu Kornelius Shelungu shoka tashi ka kala ko mOwedhi tagu ya mOmedi mOukwanyama mOshitopolwa sha Hangwena.Okwa thiga ko omukulukadhi gwe meme Kaino Bernice Nampla-Jona, uunona wawo utatu, aamwayina naamwahe nosho wo nee tate gwe Israel Jona.Meme gwe Hilya ya Naholo, naye okwe ya tetekela nale.Omalongekidho gefumviko oge li metifa.