‘Onda dipaya omukulukadi wange, memewounona vange’

KANDI na omukumo wokupopya edina lange. Ondi shi shi kutya ame evaya, ashike onde lihonga kutya oonakushinda omavaya navo.

Onda hala okupopya kombinga yehokololo lange ongombinga yonandjungu u li ominge nomahepeko opaukakwashikekookanhu, nelineekelo kutya otashi dulika shi kelele oupyakadi umwe ngaashi oo nada eta.

Ame omulumenhu weedula 57 nda kala ndi li modolongo omido 25 shaashi onda dipaya omukulukadi wange.

Okwa li twa hombola oule weedila nanho, ashike otwa kala pamwe oule weedula omulongo. Okwa li tu na ounona veti vawa ve li vatatu, ashike aishe oyo oya xulila moshinima shi nyanyalifa shomahepeko osho sha xu;ifa po aishe.

Osha tameka efiku limwe konima yokunwa. Onde ya meumbo ndee handi mono kutya omukulukadi wange ke mo.

Onda pula ounona vetu, ashike navo kakwa li nande ve shi apa a ya. Onghee nee, onda teelela. Eshi e ya, okwa li nale nda handuka, handi kongo omalipopilo okumudenga.

Ngaashi shito, onde mu hepeka pamwenyo noapalutu. Kapu na nande oumwe e shi popya – kapu na nande oumwe, kutya nee ookaume kange ile ofamili yange.

Aveshe okwa li ve shi shi, ashike ove shi efa shi ningwe. Okwa li nda ningaoshinima eshi sha fa inashi puka.

Okwa li ndi wete ndi na oufemba wokumudenga keshe opo ndi wete kutya osha pumbiwa. Onda kula handi tale tate wange ta monifa meme oixuna.

Ohandi dimbuluka nghee kwa li ta kendabala okumufiya po oikando itatu. Keshe efimbo, ovakwapata vaye ohave mu alula.

Oshinima eshi kwa li shi kumwifa osheshi, onda kula ndi yele tate wange molwoinima ei a ningila meme ashike eshi ashike nda mona okakadona, onda ninga ashike nde mu fa. Onda ninga omuhau kukeshe omukainhu nda li naye.

Mefiku omo nda dipaya omukulukadi wange, okwa li ndi shi ohandi ningi osho handi ningi shito – handi mu denge, ngaashi nda kala nokuninga oikando ihapu itai dulu okuvalulwa. Ashike efimbo eli, okwa lwifa nge.

Okwa nana ombele opo e liamene … kakwa li handi dulu okushuuda ko. Onde lipula: ‘Oku liwete kutya oye lyelye opo a lwifenge?’

onda ya konduda yokunangala, onda kufa ko ondjebo ndee pefimbo opo, keshe shimwe osha kana po. Efiku la shikula, onde mu yasha nokumudipaya, omanga ounona vetu kwa li ve li meumbo.

Onda ninga eedula 25 modolongo handi lipula osho nda ninga. Onda tameka okukala ndi udite ndi na ondjo, handi lipula: ‘Aame lyelye kwa li? Ame okwa li omunhu a nyika oshiponga ngahelipi?’

Onda kendabala okuya kumwe nounona vange, opo ndi yandje ombili, ashike okwa li unene vashona okushuuda ko pefimbo opo. Paife, ongovakulunhu ve li momido 30, natango kave hole nge.

Pakutala konima, onda dimbulukwa kutya oshinima eshi okwa li tashi dulu okukelelwa. Ngeno okwa li ngaa ookaume kange va popya oshikando shotete nda ningila kakadona wange omahepeko, ngeno mutu mwaame omwe linyenga sha ngaa.

Ashike kapu na nande oumwe e shi ninga.

Kapu na nande oumwe a popya sha, onda ninga omahepeko a fa eheshi oupyakadi.

E li olo etomeno handi popi paife: ngee owa mono omulumenhu ta ningile omukulukadi waye ile ounona omahepeko, popya.

Na kalele po oshinima osho. Mu lombwel kutya kashi li nawa nongeenge osha pumbiwa, kwa tela mo opolifi – nande omukulukadi waye ota ti ahowe. Otashi dulika u tye inashi ku pamba, ashike oshe ku pamba.

Onda dipaya ina younona vange. Ova kula vehe na ina, vehe na ohole yaye nefiloshisho olo kwa li ta dulu okuvapa. Itave mu mono vali ondi shi shi inandi lilongela okudiminwa po, nonda tambula ko kutya ohandi fi inadi ya kumwe nounona vange.

Ondjo yaasho nda ninga ehandukilo olo ndi na keshe efiku. Oshidjuu shi dulife omido 25 odo nda ninga modolongo, shidjuu shi dulife okutalwa nokupangulwa kovanhu. Mutu olo olo ehandukilo nde lihongela.

Ovamati vashona novalumenhu, pwilikineni nge nawa: Oimbuluma kaishi nande ekandulepo lomukundu.

Kapu na nande oshinima shiwa hashi di momahepeko. Ngee ou na oupyakadi wehandu nodumbo, konga evatelo. Ngee owa fa nge oto longo noupyakadi wokudja kounona, u taalela. Ino efa u ninge omunhu oo ino hala okukala. Konga evatelo. Teyaula po oupyakadi oo.

Kukeshe umwe, vakwetu inamu kala shike tamu tale. Lidopeni mo. Kashi shi ashike nakuniningwa oshihakanwa ta mono oiuxuna – ofamili aishe.

Ounona ovo tava kulu veha na ovadali vavo nanakuninga owii ta kala nondjo onghalamwenyo yaye aishe.

Onde lineekela ehokololo lange otali vatele omunhu wonumba. Vakwetu, ngee owa m,ono oimbuluma tai ningwa. Ino tala ko ashike.

Fikama ndee to popi ndee tokufa ombinga. Otashi dulu ouxupifa omwenyo
Tya heeno kokuxulifa po oimbuluma.