Ondolopa yaVenduka ya nyatekwa kaayopaleki

ONDOLOPA yoshilandopangelo mEtitatu oya nyatekwa kaayopaleli yaMuni gwaV- enduka, mboka ya ningi omasiku taya pula elelo lyi hwepopeke onkalo yawo yiilonga.

Petameko lyoshiwike shika aayopal- eki yomomapandaanda gaVenduka oya tokolwa kaaya ye kiilonga, noya ningi ehololomadhiladhilo taya pula onkalo yiilonga yawo yi hwepopalekwe.

Okuza mOmaandaha aayopaleki mboka oya kala ya kaalela oombelewa dhaMuni mondolopa taya pula omakemo gawo ga yamukulwe tango opo ya zimine okushuna kiilonga.

Komatango gEtitatu oya tokola opo ya ye mondingandinga yondolopa taya nyateke omapandaanda pakutilahi omandoloma giiyagaya nokuhalakanitha.

Gumwe gomaayopaleki mboka, Kenau- mue Kanambunga, ngoka a kala omwoo- paleki gwomomapandaanda gaVenduka okuza mo2017, okwa popi kutya oya ningi etokolo lyokukakeka ondolopa opo shi kuthe elelo lyoshilandopangelo momvugo lyo li yamukule komakemo gawo.

“Inaya hala oku tu pulakena, nonkene otwa tokola okuninga ngaaka . . . Otwa

loloka omauvaneko ngoka haye tu pe ashike ihaye ga tula miilonga,” osho a popi ngaaka. Kanambunga okwa popi kutya oya kala taya ningi ehololomadhiladhilo okuza mOmaandaha, ashike muni sigo onena ina

yamukula komakemo gawo.
“Otwa loloka okukala tatu longo pakon-

talakandjokaihaayikalanekwashilipaleko ngele oto tsikile niilonga omwedhi tagu landula ko. Ngele osho yehole okuningilwa ngaaka [okuningilwa omuyonena] opo ya yamukule, nena otatu shi yaningile,” osho a popi ngaaka.

Yamwe yomaayopaleki yomoma- pandaanda gaVenduka mboka ya longa mo uule woomvula dha konda po20, oya popi kutya onkene haya futwa oshimaliwa shi li pevi noonkondo, yo ishewe kaye na omauwanawa gaaniilonga ngaashi gopau- namiti, nopenzela.

Oya gwedha po kutya shoka hashi ya uvitha nayi noonkondo ooshoka kutya nonande oya longa mo ethimbo, onkene owala ye li pakontalaka.

Padelia Hamukwaya (54), okwa popi kutya okwa kala omwoopaleki gwaMuni gwaVenduka okuza mo1999, ashike sigo

ongashingeyi oha pewa owala okontalaka yopakathimbo.

“Sho twa tameke okulonga muMuni gwaVenduka, inatu pewa omauwanawa ga sha ngaashi goopenzela nogopaunamiti, nohatu kwata owala ooN$3 300 komwedhi. Muule woomvula 24 dha piti onda kala owala handi pewa okontalaka kaayi na omauwanawa ga sha,” osho a popi ngaaka.

OSHILANDULI

Omupopiliko gwoshilandopangelo Har- old Akwenye, okwa popi kutya konima yenyateko lyondolopa, elelo olya kwa- tathana naayopaleki mboka taya iyutha komalombwelo, opo yoopaleke nokukutha po iiyagaya mbyoka ya hanagulilwa mon- dolopa kuyakwawo.

Okwa gwedha po kutya aayopaleki mbo- ka ya nyateke ondolopa otaya ka taalela os- hilanduli okuza kelelo lyoshilandopangelo.

“Otatu kambadhala okutotha mo aantu mboka ya nyateke ehala lyondolopa, notatu ke ya katukila onkatu.

Otatu ka tala wo kookamela [uuthano] dhomondolopa opo dhi tu kwathele mokuya totha mo,” osho a popi ngaaka.

Akwenye mOmaandaha okwa lombwele oTheNamibiankutyaokwaliyatindiokutaam- ba omukandanyenyeto gwaahololimadhila- dhilo mboka molwashoka ehololomadhiladhilo ndyoka ya li taya ningi, kalya li paveta.

“Kapu na nande ogumwe a tseyithilwa kombinga yehololomadhiladhilo ndyoka. Katwa li nande tushi ngele otapu ka kala engungo lyoludhi ndoka, ishewe inatu pewa

omukanda gwa sha pambelewa ngoka tagu tseyitha kombinga yekanka ndyoka,” osho a popi ngaaka, mOmaandaha.

Ashike nando ongaaka, mEtitatu, omuku- luntuwiliki ta kwathele gwoshilandopangelo, okwa li a kuutumba naakalelipo yaahololi- madhiladhilo mboka nokwe ya tseyithile mpoka elelo lya thikama moshikumungu shoka, ashike aayopaleki oya ndjike oonyala mevi molwashoka anuwa inaya mbilipalelwa keyamukulo.

Aayopaleki mboka ya ningi omasiku ya kalelaoombelewadhelelolyoshilandopangelo okwa li ya kwatelwa komeho komunandjungu

gwongundu yo-Namibia Economic Freedom Fighters(NEFF), Michael Amushelelo, ngoka mEtitatu a tulwa miipandeko notaku hokololwa kutya omolwashoka a yi mumwe nopolisi sho a tindi okwiiyutha komalombwelo.

Hahende gwaAmushelelo, Kadhila Amoo- mo, okupitila kiikundaneki yopankalathano komalungula okwa koleke kutya Amushelelo okwa tulwa miipandeko.

“Omatompelo goku mu tula miipandeko inaga popiwa ashike oshi na sha nehololoma- dhiladhilo lyaaniilonga yaMuni gwaVenduka mbokayelimekankalyokuhwepopekaonkalo yiilonga,” osho Kadhila a popi ngaaka.